ACTS 26:6 - Lacid Common Language Bible

⁶ Mangso wigi ngoonu" da" phoug" phyid" yi ri byid: to" da" dang: soo" ri" ngoo myed, byu nyid yoomo akhid" ngoo gi he: joyoo moo yab, jo, wigi myed: ca: yu" ziri shau" nyid da.

ACTS 26:6 교차 참조

APOEM AYANG: 12:3

Nang ri mainkaid dang: sang: mo, ri ngoo we' mainkaid byid: wa. Nghoid loug we' nang ri nheing" mo, ri ngoo we' nheing" wa. Houg: lho: nang yoomo ngoo gi byumyu" dangain" bang: ri mainkaid byid: wa» ga: tid.

APOEM AYANG: 22:18

Ngoo gi re" amyed ashen yiri mainkaid byid: yhang: ti" byumyu" bain sho' bang: we' nyangnu" ri mainkaid byid: wa shid re" ngoo ri mho' loo wa nghoid. Khasu" wim gari nang gi dang: ri tam" gyoo: yoomo nghoid bye:» ga: tid.

APOEM AYANG: 26:4

Ngoo gi re" amyed ashen yiri mougkhung: mo kyi: joem ri te" myo: tham: nhang: wigi he: moug: dangain" nyangnu" ri ngoo byid: wa. Byumyu" dangain" bang: gi re" da" amyed ashen yiri ngoo mainkaid byid: yhang: ti" nyangnu" ri we' mainkaid byid: wa shid re" ngoo ri mho' sang: lo boem wa nghoid.

APOEM AYANG: 3:15

Ngoo gi nang yo' myiyi: myhi' ri dayug yo' dayug ri ngheing" goo" nhang: too" wa. Nya: amyed ashen yo' re" amyed ashen gi khanham we' gyivoo jha" bue" nyid wa bye:. Myiyi: myhi' nya: amyed ashen gi re" vhuloem ri nang mhoin' wigi nang we' nya: amyed ashen yi da" khanheig thung" thang: ri thei" wa nghoid» ga: tid.

APOEM AYANG: 49:10

Yuda gi khokham lhamdung: ri ci: su: nghoid. Houg: lho: nya: amyed ashen gi ajang" davhoeb khang" nyid wa bye:. Byumyu" yigi nyang: ri kheing" di" byid: wigi Nya: shidkhoin" moo tam" gyo: vhu" nghuid" nghuid" boem wa bye:.

COUNG" NGHEI 132:11

nang gi David ri geung: teung dangsoo" khoin" byid: too" bye:- dangsoo khoin" ri: nang doem yoeb yu wa zi anghoid- hau: dangsoo" khoin" gi ngoo gi re" zoo: yi mo dayug ri khokham bui" nhang: lho: nyang: gi re" thang: moo: khoo" zhung: wa zi nghoid.

COUNG" NGHEI 132:17

He: joyoo moo ngoo gi David da" amyed ashen yi mo dayug ri khokham zeing bue" lo nhang: wa nghoid.

COUNG" NGHEI 98:2

Aseing gi nya: da" oung: doid lo" khyoo: ri tid fu" kaid- nya: da" khyoid yu yoem so, ri nya: byumyu" yiri: si' nhang: bye:.

ESAIA 4:2

Aseing gi agam khang" moo" ri zhung" wigi seiggam khang" moo" ri mungdain: khoug: moo yug gyi: ri" nhang: lho: yung" loo nhang: wa ayo, ju" lo nyid da:. Nyid deung jo, da" Israela byu yi dangain" gi gau yi boem wigi hau: mungdain: wigi yoo" nhang: da" gug zoo mei: loem: yoomo langi: koid loo goo” wa.

ESAIA 7:14

Houg: lang" gi bye:. Aseing gi nyang: nyang: avoid daja: ngoonu" ri byid: loo wa. Hau: zigi gung lid: da" zoomyi: dayug gi yuggi zoo: dayug khu: loo wa. Nya: myeing gi Emanuela ga: myheing loo wa.

EZEKIEL 21:27

Byo, yoin" bye:. Byo, yoin" bye:. Nghoid bye:. Ngoo gi voomoo" ri byo, yoin" jo, nhang: wa. Nghoid loug we' hau: voomoo" ri yooboo dam byid: wa shid re" ngoo khyen: to" da" su: aju" ju" gi hau: zi abui" wa. Ngoo gi nyang: ri hau: ziri ab byid: pyam wa.

EZEKIEL 37:24

Nga" da" dei zoo: David yhang: ti" da" khokham dayug gi nyangnu" da" khokham nghoid loo wa. Nyangnu" dangain" bang: gi vhoebkhang" zoug: dayug akhoug: moo zeing: foem: nyid lho: nga" da" tarha" joem ri jhug zug tung" tam" gyo: cang yhe: loo goo" wa.

HOSEA 3:5

Nghoid loug we' Israela byumyu" yigi nyangnu" da" Aseing Mangsoo yo' nyangnu" da" khokham David da" amyed ashen" yi jhang khyoo:- doem lheing: tau" lo da" ayo, ju" loo goo" wa. Hau: thang: nyangnu" gi Aseing ri gyoug phoug" wigi nya: da" jhungshug gi joem ri shoug" kham yu loo wa.

YOELA 2:32

Nghoid loug we' Aseing jang" mo pang" thoug khyoo: mho' yu mo, dangain" bang: koem' gi khyoid yu zi shau" boem wa nghoid» ga: tid to". Yerusalem voomoo" mo mo, dayham" gi loid byoin loo" goo" wa. Houg: bang: gi ngoo khyen: yu too" bang: nghoid wigi ashid: loo: nyid deung jo, boem wa» ga: Aseing tid nyid.

OBEDIA 1:21

Yerusalem mo meing: zain: oung: loo" mo, gi Edom ri zain: oung: lho: vhoebkhang" nyid boem wa zi nghoid. Hau: lho: Aseing nyang: gi khokham bue" loo wa zi nghoid.

MIKHA 5:2

Aseing tid zigi «Bedlehem Ephrad we"- nang gi Yuda voogung joem mo nge thang voogung daloem: nghoid loug we' goonham' gooco' byuyoug gyung: gyo" loo su: Israela khokham dayug ri nang mo khu: thu loo nhang: wa nghoid.

MIKHA 7:20

Nang gi goonham' gooco' ayo, mo wigi ngoonu" da" phoug" phyid" bi" ri dangsoo" too" bye: ziyo' dakhyoo" ti" Abraham yo' Yaku da" amyed ashen yi nghoid da" re" byumyu" yiri re" da" nheigloem: zung" khyoo: yo' geung: teing da" jhed khyeing: kang: khyeing: ri toin" shed wa zi nghoid.

ZEKHARIA 13:1

Yoem: moo" mo Aseing tid zigi «Hau: da" bidnyid ju" lo uri David da" nya: myid: nya: zoo: yi yo' Yerusalem voomoo" moo nyid da" voobyu yi da" yooboo yo' soolhoo: ri no' da" khyoo: ri cid" shang: pyam' byid: wa shid re" gyid bug dakhyung: phang byid: wa.

ZEKHARIA 13:7

Myhang: thang da" Aseing tid zigi «Lhab' sham: we" too' we' nga" moo" zei: da" yang zung" su: ri zain: we'. Nyang: ri said we'. Houg: lang" yang zung" su: ri said pyam' lang" gi yang joem gi byo sain" lo" byug wa nghoid. Ngoo gi nga" mung" byu yiri zain: loo wa nghoid.

ZEKHARIA 6:12

Hau: lho: hidsu" ein: tid ge' ‹Yoem: moo" bo da" Aseing gi hidsu" ga: tid nyid. He yug gi akung: ako' ga: myheing too" su: nghoid. Hau: yug gi nya: joyoo moo gyi: myhang: lo lho: Aseing da" yhoem: moo" ri doem nyheing zhug wa zi nghoid.

ZEKHARIA 9:9

Ziun mung" byu yi we" gye" gau yi ngei bu: nyid ge'. Yerusalem bang: we" yoid nyho: loo ngei bu we'. Yu" we'- re" da" khokham phoo gi re" jang" moo ju" re" da:. Nyang: gi ung: pui" oung: myug ziyo' ju" re". Nghoid loug we' nyang: gi nu" nham' lho: loo zei: tho' moo zhung: wigi re" bye:. Nghoid- Loo zei: nu" dadu: atho' moo zhung: lho: wigi re" da:.

MALAKHI 3:1

Yoem: moo" bo da" Aseing gi hid: su" ga: phug tid to" «Nga" shid re" khyoo: nyheing byid: wa nga" lagyoo: ri ngoo nhang: kaid wa. Houg: lang" nanu" sho: nyid da" Aseing gi yhoem: moo" moo nyeigdain tung" ju" ri" wa. Nanu" myang nau da" lagyoo: gi nga" dang: thang" cab ri tid fu" byid: loo wa zi nghoid.

MALAKHI 4:2

Hougsu" nghoid loug we' nga" dang: ri tam" gyo: nyid mo, nanu" shid re" koem' gi nga" khyoid yu khyoo: gi nanu" tho' moo bid su" xain" thu lo lho: bid lo, beug lo yhang: ti" noo phyoo" joem ri ze: gi byid: wa zi nghoid. Lhoung to" da" nujung zoo: ri phang kaid ziyo' dakhyoo" ti" nanu" gi loid byoin gau yi go" xang" loo" goo" wa zi nghoid.

ACTS 23:6

Polu gi Tarha" yab, do' moo boo bang: dayham" gi Pharishe" nghoid wigi dayham" gi Saduke nghoid ziri myang lang" Polu tid zi gi mang: nhung" Israela byumyu" yi we"- ngoo gi Pharishe" dayug nghoid wigi pharishe" dayoug nya: zoo: we' nghoid. Shid: jang" mo doem dei to'' loo wa ziri ngoo myed byu lang" nyid khyoo: athang shi" wigi ngoo gi he: khyi, moo myed: ca: yu" ziri shau" nyid zi nghoid-ga: tarha" yab, do, moo nyho: tid nyid.

ACTS 24:15

Ngoo gi nyangnu" yo' dakhyoo" ti" xangsu: byu yi gimo, agi mo, dangain" dakhyoo" te" - shid: jang" mo doem dei to'' loo wa nghoid ein:- Mangso khoug: moo myed lang" nyid su: nghoid,

ACTS 24:21

Ngoo, gi nyangnu" da" shid' khoin" moo yab, jo, uri" Shid: bye: bang: doem dei, to loo wa khyoo: ri loem, khau: loem" jeung" nyid yoomo akhid" nyid" ngoo gi nyangnu" da" myed: ca: yu" da" khyoo: ri kham, nyid, , ein: yoid, nyho: da" tho' moo jain" lho: nyangnu" gi ngoori ce" ja" yooboo we' ayo" foin: boem nghoid ago".

ACTS 26:8

Mangso wigi byu yi shid' re" dei to' loo nhang: ziri age loem" ga: he: khyi, moo nyid to" da" nanu" gi khasu" ein: jho: nyid go" la".

ACTS 28:20

Houg: yoomo ngoo gi nanu" yo' shau" doem, goo" wa shid mo khe: yu zi nghoid. Gyeing" nyang: ga: rigi ngoo hidsu" jang coo" doem, wigi tei" zi dashau" rigi Israela byumyu" yi myid byu nyid su: gang mo nghoid da- ga: tid.

ACTS 3:24

Hau: lho: Samuela yo' Nya: thang: moo ju" ri" mo, mungdang: ri yo" da" lapi: yi dangain" mo, gi he: da" bidnyid moo bue" nyid da" khyoo: dangain" ri we' lapi: pe: too" bye.

Roma 15:8

Khasu" wim gari Mangsoo: gi dang: theing khoen" zung" su: nghoid yoomo phoug" phyid" yi ri tid to" dang: theing khoin" byeung: loo nhang: wa shid' re" gyoo" lo ein: ngoo tid nau.

GALATI 4:4

Nghoid loug we' ayo, bidnyid ju" loo lang" Mangsoo gi nya: zoo: ri nyang: nhang: kaid' bye- ngoonu" gi Mangso wigi nya: zoo: yi ga: yhen: yu jeju" yo" kham: yu boem baja" ga-

TARHA" TID POIN" 18:15

Hau: gungthid nyang: gi ngoo yhang: te" lapi: dayug ri nanu" nya: byu yi mo nhang: kaid byid: loo wa. Houg: lho: nanu" gi nya: dang: tam" gyoo: byid: ca" wa.