ACTS 26:3 - Lacid Common Language Bible

³ Khokham" Nang gi Yuda byumyu" da" thung" ri yo' sen: lho: tid ngeug go" da" khyoo: dangain" ri voin: tang: za: si' su: nghoid. Houg: yoomo nga" da" dang: thui: ri nheigloem: sheing: sheing: za: tam" gyo: yu byid: wa shid re" ngoo mho' nyid.

ACTS 26:3 교차 참조

YEREMIA 32:11

Hau: thang: ngoo gi dazid dab da" myid veing" mougsoug" yang: je: khyab joem yo' houg mo akhyoo" joem dazid adab da" soug" khyab yang: je: mo wigi hau: qei da" moo" myid veing" mougsoug" khyab joem ri yu wigi

ACTS 21:21

Nang gi tungbau mungdain moo nyid da- Yuda byumyu" yi ri nyangnu" da" myed: zoo: yi ri athang: yham" khyoo: akoid wa ziyo' - Yuda thung" tarha" ri acang loo: wa shid re tid yoomo nghi: zain' mungdain moo nyid da" Yuda yi gi Moshe tarha" ri she: pyam' ca" da" khyoo: ri nang jhoug" byid: loo bye"- ga: tid ziri nyangnu" shau" gyo: ci: boem abye: go.

ACTS 24:10

Mung" zoug: phoo gi lo, tu, tu, lho: Polu ri dang: tid nyid Polu ri dang: tid shid" nhang: khyoo: gi " Zoug: phoo nang gi he: byumyu" yi da tho' moo zain nyid myang" sho' dang: phyed' byid: lo yu" bye. Houg: yoomo ngoo gi re" da" shid' khoin" moo ngoo: nya: gung ri yo" tid ve, yu yoomo gye" gau.

ACTS 24:4

Ngoo gi zoug: phoo re" da" ayo, akhyeing: ri-myoo" sho' ayu pyam' noug. Houg: yoomo leung" khyo" ngoonu" tid da" dang: ri tam" gyoo: byid: wa shid re" mho' nyid.

ACTS 25:26

Nghoid loug we' ngoo gi Roma Khosen" phoo ri nya: da" moo" yo' sen: lho: wigi nyeing" zoo: mougsoug" lhid" lho: wigi sho' kyoo" wa da" khyoo: gi ci aboo. Houg: yoomo ngoo gi nanu" da" shid khoin" moo shu" vang loo nhang: zi nghoid. Nyang: ri Khosen" phoo bain' myed: ca: yu" lang" gi Ngoo gi Khosen" pho, jhang mougsoug" lhid" foin: kaid' wa khyoo: - dakhoin" dayoo: yoo" wa shid re"

ACTS 26:2

Khokham" Agripa we"- ngoori Yuda byumyu" yi yooboo foin: boem da" khyoo: dangain" - akhid" nyid" re" da" shid' khoin" moo ngoo nya: gung ri yo' tid ve, yu da" khyoo: gi nga" shid' mo gye" gyi: da" amyeing" akhang" nghoid bye" - ein: ngoo myed yu bye.

ACTS 26:26

Khokham" Agripa we" - hau: khyoo: joem ri nang si' gu nghoid yoomo ngoo gi re" da" shid khoin" moo agyug avoem, looza: tid nyid zi nghoid. Khasu" wim gari he: da" moozoo" gi ajhoin: ajhab, mo khoug" soo" lanyham" bue" lo da" moo" anghoid ziri Khokham" phoo nanyang: se' too" gu nghoid wam: bye"- ein: ngoo myed loem, nyid.

ACTS 26:7

Daxe: eig kung: mo nyangnu" ko' bang: gi hau: dang: soo" ri yo" Kham: yu sho' myed byu nyid boem wigi nyid ri myen" ri Mangsoo ri noku nyid boem. khokham" phoo we"- hid: su" myid byu nyid boem da" gang mo ngoo gi Yuda byumyu" yi wigi yooboo foin: zi shau" nyid.

ACTS 28:17

Soem" nyid" kyo: lo" thang: ri Polu gi hau: voogung mo Yuda ludaid' vhu" jhung: yi ri khe: yu da- nyangnu" gi zheung: zeung: ri lang" Nga" Israela mang: nhung" yi we"- ngoo gi ngoonu" da" byumyu" yi ri we' ngoonu" phoug" phyid" yi mo xo' kham: yu lo da" thung: ri joem ri we' - shoid vhang: da" moozoo" ri ngoo gi daja" we' akoid nghoid loug we' Yerusalem voomoo" moo ngoori thung: lhoung wigi Roma byu yi da" lo, moo ab, byid: pyam' boem ago".

ACTS 6:14

Nazared mo Yesu gi hau: Mangso da" yhoem: moo" ri phyo' pyam' lho: Moshe ngoonu" ri byid: to" da" thung" tarha" ri thed' pyam' byid: loo wa ga: he: yug tid nyid ziri ngoonu" shaug" gyoo: bye:- ga: sagsi: kham, byid: boem ago".

1Korinthians 13:2

Ngoo gi lapi: se' pe: ziyo'- no, da" dang: kang dangain" ziri- se' myab, thang da" phajhi" aja" ja: yo' joeb, byeung" lho: wigi- boem, ri yo" doin: shu" pyam sho' da"- loem" jeung" emyid, boo nghoid loug we'- jheddab da" nheigloem: abo rigi: ngoo ci" we' anghoid.

TARHA" TID POIN" 17:18

Nyang: khokham bue" loo lang" nyang: gi Mangso da" tarha" mougsoug" pug dapug ri yoo" ca" wigi Levi- khainjung yi da ayang: pug mo jhoug" shed dang: joem ri nyang: seing: too" ca" wa.