ACTS 26:17 - Lacid Common Language Bible

¹⁷ Ngoo gi Israela byumyu" yi da" lo, mo we' - nang ri ngoo nhang: kaid' wa da" - tungbau byumyu" da" lo, mo we' nang ri khyoid yu wa zi nghoid.

ACTS 26:17 교차 참조

ACTS 9:15

Aseing: gi Anania ri doem tid zigi yhe: loo" we' tungboug yi ri we' khokham" ri we' Israela byu yi ri we' nga" myeing ri cang tid fu" Yen" zoore- ngoori coung" nghei byid: wa shid mo ngoo khyen: yu too" su: nghoid.

1 TIMOTHI 2:7

Hougsu" nghoid yoomo Aseing: gi ngori lagyoo: dayug khyo" we' tung: bau byu yi da" jhoug" byid: sara: dayug khyo" we' hau: loem" jeung" da" khyoo: yo' deingmain" da" mungdang: ri kho" kyoo" wa shid re" nhang: kaid' zi shau" bye. Ngoo mhau' tid zi anghoid- deingmain" da" dang: ri tid nyid.

Roma 11:13

tungbau byumyu" nghoid mo nanu' ri ngoo tid nau. Ngoo gi tungbau byumyu" yi da" lagyoo: nghoid zi yo" dakhyoo" ti" ngoo nya: da" moozoo" moo myonhoo: sho: yo" phau: khuang wa.

2 TIMOTHI 3:11

Nga' da" kyi" khyeug shen" yhen lo da" khyoo: joem ri bo myang bo si' bye. Antioki voo, Ikoni voo, Lustra voo joem moo ngoo thoung" shau" da" gyoug pho" shen" yhen pyi: sho: khyoo: yo' ngoo kham, zo: loo bye: da" khyoo: joem dangain" ri nang se' nyid gu nghoid bye. Aseing: koem gi hau: khyoo: dangain" jang mo ngoori khyoid yu abye:.

2 TIMOTHI 1:11

Hau: da" ngei bu: lu dang: ri tid fu" loo' wa shid re" mangsoo gi ngoori lagyoo; dayug khyo" we' jhau" mhoo, byid: da" sara: khyo" we' nyheung soin' too" bye.

GALATI 2:9

Hougsu" ngoori byid: too" bye: da" jeju" ri zheung: myang da" uri phoung: da" zeing bung: te" vhu" jhung: zheung: nghoid nyid da- Yaku, Petru yo' Yohan gi Mangsoo ngoori byid: to" da" kooki" lid' da" yoovoin ri-lazoem" asoo" so" too" byid: boem bye- Hougsu" nghoid yoomo ngoonu" dangain" bang: gi moo" voin, luxoem" cang" yi nghoid da" khyoo: alhoo: ri thoin" shug khyoo" wigi nyangnu" gi Barnaba yo' ngoori lo, yo lo, khyo" lo, zei: zei: yu boem bye- Ngoonu" gi tungbau byumyu" yi jang" moo moo" voin wigi nyangnu" rigi Yuda byumyu" yi jang" moo moo" voin wa shid re" myid veung" to" boem bye.

ACTS 28:28

Houg: lang" Polu gi dang: thang khyo" (Dang: thang khyo" Polu gi) Hau: Mangso da" khyoid khyi: yu da" mungdang: ri tungbau byumyu" yi khyoo: byid: pyam' lho: wigi nyangnu" gi hau: da" mungdang: ri tam" gyo: yu lo" boem wa khyoo: ri nanu" se' too" ge" -ga: tid kaid' bye.

YEREMIA 1:8

Nyangnu" ri agyug- ciwim gari ngoo gi nang ri goem loem byid: wa shid re" nang yo' dage" nyid wa. Ngoo Aseing tid too" bye:.

Roma 15:16

Hau: da" amyeing" zeing gi nghizain byumyu" yi jang" moo moo" voin wa shid' re" Khristu Yesu da" dei zoo: yo" bue" da" khyoo: nyang: nghoid bye. Gyeungshang: Venyi: khyo" tungbau byumyu" yi Mangsoo: vhoo: ngei da" xoin" du: bue" loo wa shid' re" ngoo gi khainjung dayug yhang: ti" - Mangso: ngei bu: lu dang: ri kho" kyo" moo" voin vu nyid.

ACTS 25:3

Nyang: nu" gi Polu ri khyoolaid' moo gau" said' pyam wa ga: phajhi" zheung: khyau" to wigi Polu ri Yerusalem voomoo" khyoo: shu:" ri byid: khyo" - nyangnu" ri myonhoo: byid: wa shid mo Phestu ri zheung: mho' boem ago".

ACTS 18:10

Nang ri hang" we' ce: dam we' ayo" tab wa He: voogung moo ngoori loem" jeung" loo wa mo, myoo" sho' nyid boem ago- ga: tid.

ACTS 17:14

Loem" jeing" bang: gi houg: lang" jang- Polu ri panglai gyid yam, moo ju" sho' yhe: de" kaid' boem ago". Nghoid loug we' Sila yo' Timothi eig yug gi Beria voogung moo theung: nyid shi" ago".

ACTS 17:10

Moug: coid' loo yo' - loem" jeing" bang: gi Polu yo' Sila eig yug ri Beria voogung khyoo: nhang: kaid' ago". Hau: voogung moo zheung: ju" yhi: lang"=nya: eig yug gi Yuda yi da" tarha" jung khyoo: yhe: lo.

ACTS 16:39

Houg: lang" nyangnu" gi yhe: lho: Polu yo' Sila eig yug ri zheung: toung" pain: ago". Hau: thang: ri nyangnu" gi nya: eig yug ri thung: khoug: mo yhe: shu" thu' yu lho: hau: voogung mo thu' loo" wa shid re" nya: eig yug ri mho' ago".

ACTS 13:50

Nghoid loug we' Yuda byumyu" yi gi Mangsoo ri noku coung" nghei mo, nghoid da- Byu nyid azhang" myhang: bye: da- tungbau byu myiyi: yi ri we' hau: voogung moo vhu" jhung: koid nyid mo, ri we' myid lhu: zhuang" to' kaid ago". Houg: lang" nyangnu" gi Polu yo' Barnaba eig yug ri shen" yhen lho: nya: eig yug ri nyangnu" da" mung" mo khaid thu' kaid' ago".

COUNG" NGHEI 34:19

Byu yigi yau: khe" khyoo: myoo" sho' shoug" nyid nghoid loug we' Aseing gi houg: yhang: te" khyoo: dangain" jang" mo nyangnu" ri khyoid yu nyid.

1 KHOKHAM MHOOMYID: 16:35

Nyang: ri «O" ngoonu" khyoid yu Aseing Mangsoo we"- ngoonu" ri khyoid yu la. Ngoonu" ri byumyu" yi mo khyoid yu lho: dage" zheing" foem: too" we'. Houg: lang" ngoonu" gi nang ri jeju" yo" boin: lho: re" gyeung" shang: myeing ri yo" coung" wa zi nghoid» ein: tid we'.

EZEKIEL 3:5

Ngoo gi nang ri yau: da" tungbau myeing" ji da" byumyu" yi jhang khyoo: anhang: kaid. Israela byumyu" yi jhang khyoo: nhang: kaid zi danghoid.