ACTS 26:10 - Lacid Common Language Bible

¹⁰ Ngoo gi Yerusalem voomoo" moo houg: su" nyang: koid lid loo bye- Ngoo gi khainjung agyi moo" yi jang" mo amyeing" ri mho' ci: lho: - Mangso byu yi myoo" sho' ri thung: tei" lhoung wigi nyangnu" ri said' pyam' wa jang" moo we' myed veung" da" lo. bo tu: lo yu" bye.

ACTS 26:10 교차 참조

COUNG" NGHEI 16:3

Aseing da" nheigloem: zung" byu yigi khayhi' ge thang lha". Ngoo vho: ngei thang da" zigi houg: bang: yo' dage" bo shoug" nyid wa shid re" nghoid.

ACTS 7:58

Hau: lho: nyang: ri vooyam, shoid khyoo: zheung: doin: goin' thu' lo" wigi lug go' yo' du" ago". Sagsi: yi gi nyangnu" da" adang byisheing: joem ri sholu ga: da" zoolu: pho, khyid: yang: moo khyoid' boem, to" lho: zung" nhang: ago".

ACTS 8:1

Sholu gi stephain ri said' wa zi myid bo veing" su: nghoid. Hau: bidnyid moo Yerusalem voomoo" moo nyid da- loem" jeung" phung byu yi gi dayam, dayoo: shen" yhen zi gyisho' shau" nyid boem bye. Lagyoo: yi mo we' je" wigi loem" jeing" mo, dangain" gi Yuda mung" yo' Samari mung" gyoo: khyoo: goem: sho' phang: byo, sain" lo" boem abye: go.

ACTS 8:3

Nghoid loug we' sholu gi phung ri phyo' shoin, pyam' byid: wa shid re" yoem: kaid' nyid da. Nyang: gi dayhoem: bain' dayhoem: khyoo: cang vang yhe: lho: loem" jeung" da" yuggi myi: yi: dangain" bang: ri she: khyoid' thu yu lho: nyangnu" ri thung: lhoung pyam.

ACTS 9:21

Nya: dang: ri shaug" gyoo: mo, dangain" bang: gi gyo: mau" byug boem wigi byu he: yug gi Yerusalem voomoo" moo Yesu ga: su: ri Noku coung" nghei mo, ri lhoung said' pyam' nyid su: nghoid - anghoid goo" la"» ga: myed go" nyid boem.

ACTS 9:26

Sholu gi Yerusalem Voomoo" moo ju" yhi: lang" cangzoo: yi yo' zoem" khoug: wa shid mo yoem: kaid' nyid. Nghoid loug we' nyangnu" gi nyang: cangzoo: bue" loo bye: ziri aloem" boem yomo- nyangnu" dangain" bang: gi Sholu ri gyoug nyid boem ago".

ACTS 9:32

Petru gi joyoo khyi khang" moo" khyoo: cang so" koem" yen" lho: dalheing: rigi Luda voogung moo nyid da- Mangso byu yi jang" moo we' doem yhe: koem" yu" kho!

ACTS 9:41

Petru gi nya: lo, yhoin" kaid' lho: nyang: ri she: to' kaid'. Hau: thang: ri Petru gi cougmoo" myhi, yi yo' dage" loem" jeing" mo, dangain" - nyang: ri khe: yu wigi Dorka dei lo bye: zi nyangnu" ri ab, byid: bye.

1Korinthians 15:9

Khasu" wim gari- lagyoo: yi moo: nge thang su: ngoo nghoid. Mangso da" phung: ri shen" yhen bye: yoomo- lagyoo: ein: wa zi lang amoin: loo.

GALATI 1:13

Ngoo gi Yuda noku thung" moo danyid nyid shi" uri khasu" koid nyid lid loo bye: da" khyoo: nanu" nyang: shau" gyo: yu" boem bye- ngoo gi Mangso da" phung ri neig khyeug myid aboo loo za: pyi: sho: shen" yhen lo ziyo' lhu: phyo' mhoin' pyam wa shid re" yoem: kaid' lo yu" bye.

Ephesu 1:1

Mangsoo myid vho: nyid ziyo' dakhyoo" ti"- Khristu Yesu da" lagyoo: aya: moo nyheung too" shau" su:- ngoo Polu mo wigi Ephesu voo moo nyid lho: Khristu moo dadeing: daloem: za: voin: tang: koid nyid da" Mangso byu yi jhang khyoo: dang: pyeung: kaid.

Pang Shug 17:6

Hau: lho: myi: yi: myhi, hau: yug gi Mangso byu yi da" suid" yo' Yesu ri loem" jeing" yoomo said' pyam' zi shug" mo, da" suid" ri shug yed, nyid ziri ngoo myang.