ACTS 23:9 - Lacid Common Language Bible

⁹ Nyho: nyid thui: je" gyi: lo nyid wigi Pharishe" shoid khyoo: zheung: bo da- Tarha" sara: yi dayham" bang: gi to' yab, re" boem lho: tid boem zigi ce: noem shoid khyoo: ri ngoonu" amyang - Venyi wigi nghoid la' - anghoid lang" Mauglagyo: wigi nghoid la' - nyang: ri tid nhang: bye" - ga: tid ago".

ACTS 23:9 교차 참조

DANG: ZHOEM 16:7

Aseing ri nang nheugshid: nheugdeug nhang: ri nang gi re: gyivoo joem ri bidnoem yo" koid yu wa zi nghoid.

YEREMIA 26:16

Houg: lang" vhujhung: yi yo' byumyu" yigi khainjung yi yo' lapi: yiri «Byu he: yug gi ngoonu" ri ngoonu" Aseing Mangso da" myeing moo dang: tid da:. Nyang: gi said pyam shoug" wa su: aeung: nghoid da» ga: tid ago".

MARKU 2:16

Houg: lang: kheung" khyu: zoo: mo, yooboo yoo" mo, yo' dage" Yesu zo: shug nyid ziri Pharishe" bi mo tarha" sara yi dayham" myang lang" nyangnu" gi ciwim wigi yooboo yoo" mo, kheung" khyu: zoo: mo, yo, dage" zo: shug nyid lha".- ga nya: cangzoo: yi ri myid: nyid boem ago".

LUKA 23:22

Pilaid khokham" gi he: yug ce: noem yooboo ri zei: shoid lha". nyang: ri said pyam wa shid: moin: da" yooboo daja: we' ngoo amyang. Houg: yoomo nyang: ri yooboom byid: lho: nhang: kaid wa" ga: soem" lheing: ju" sho' houg: su" za: da tid nyid.

LUKA 23:4

Hau: thang: ri Pilaid khokham" gi He: yug ri said pyam wa da" amyeing" khyo, wa shid' re" yooboo daja: ri we' ngoo amyang ga: khainjung agyi moo" yi yo"- byu phung yi ri tid kyo.

LUKA 5:30

Pharishe" yo" nyangnu" da" byen cang" zheing: nghoid da" tarha" sara: yi gi ciwim wigi nyangnu" gi kheing" khyu: mo, Phung: thu' to" da" yooboo yoo" mo, yo" dage" voem: shoin" zo: boem lha"» ga: nya: cangzoo: yi ri yooboo foin: juang" yi boem.

YOHAN 12:29

Hau: joyoo moo yab jo, da" mung" byu yi gi hau: da" thui: ri shaug" gyoo: lho: dayham" gi moug doem doem: myheing ga: dayham" gi Aseing: ri mau lagyoo: yi dang: re" tid zi nghoid ga: tid nyid boem.

ACTS 11:17

Aseing Yesu ri ngoonu" loem" jeing" lang" gi Mangsoo ngoonu" ri byid: da" jhung: shug gi hau: tungbau byumyu" ri byid: ziri we' di: bang" nyang: myang bye. Houg: yoomo ngoo gi khayang: te" yug nghoid lho: Mangsoo ri yo" toem too" wa la".- ga: tid.

ACTS 22:6

Ngoo gi houg: su" do, lo" nyid da" uri Damasku voogung khyoo: jhang lo" nyid ri Bid' nyid" gung tu: lo da" ayo, moo moug: khung: mo doug bang da" bidbang daloem: gi nyid' dain' tung" nga" da" ayam, aqei: moo bang lo.

ACTS 22:7

Houg: lang" ngoo gi myidjang: khyoo: leung lo" wigi sho" lu- sho" lu, Nang ngoori ce: noem koid shen" yhen nyid lha"» ga: ngoori tid da" thui: ri shaug" gyoo: bye.

ACTS 23:29

Nyang: ri yooboo foin: da" khyoo: gi nyangnu" da" tarha" yo' sen: lho: wigi yooboo foin: zi nghoid yoomo nyang: gi shid: moin: da" yooboo anghoid lang" gi thung: lhoung kaid' wa da" yooboo- nyang: gi ce: noem daja: we' ashoid da" khyoo: ri ngoo myang bye.

ACTS 23:8

(Khasu" wim gari Saduke" gi byu yi gi shid: jang" mo doem dei, to' lo khyoo: ajo,- Mau lagyoo: yi ga: zi we' anyed- Venyi ga: zi we' aboo» ga: tid mo, nghoid ago, Nghoid loug we' Pharishe" ga: bang: gi Houg: soem" ja: goin" jo, zi nghoid: ga: loem" jeung" ago".)

ACTS 25:25

Nghoid loug we' nyang: gi shid: moin: da" yooboo ce: noem koid shoid lo ziri we' ngoo gi amyang. Houg: yoomo nyang: rigi Khosen" pho, jhang khyoo: de" to' kaid' byid: wa da" shid re" mho' zi nghoid yoomo ngoo gi nyang: ri de" kaid' wa zi myid phyed' to.

ACTS 26:31

Nyang: nu" gi hau: joyoo mo thu' yhe: lo" boem thang: ri Byu he: yug gi shid: moin: da" yooboo anghoid lang" myheug lhoung too" wa da" yooboo gi ci: ashoid nghoid da- ga: nyang: cang" nyang: tid go" nyid ago".

ACTS 27:23

Khasu" wim gari Ngoo noku nyid da" nga" Aseing: - Mouglagyoo: dayug gi amain' nga" jang" moo ju" re" lho:

ACTS 5:39

Nghoid loug we' hau: gu: gi Mangso jang" mo nghoid rigi nanu" gi nyangnu" ri ayo" ge, oung: pyam boem wa nanu" gi Mangsoo ri gyi koid zi danghoid goo" wa ga: tid. Yuda tarha" yab, do' phung: bang: gi Gamale phajhi" byid: dang: ri tam" gyo: lhoem: yu boem ago".

ACTS 9:4

Sholu koem gi myidjang: moo leung goeb, loo" khare" - hau: thang: ri nyang: gi Sholu- Sholu- nang ngoori ce: noem koid wigi shen" yhen nyid lha"» ga: da" thui: ri shau" gyo: kaid.

1Korinthians 10:22

Houg: su" anghoid lang" ngoonu" gi Aseing ri yu" noo" nhang: nyid zi anghoid wa goo" la" Ngoonu" gi hau: Aseing tho' mo yoem: je bo ein: myid nyid goo" la"

1 SAMUELA 12:5

Samuela gi «Ngoo gi nheigloem: phyu: joeb byeung" su: nghoid ziri nanu" myang bye: ziyo' dakhyoo" ti" hau: Aseing yo' nyang: khyen: yu da" khokham gi akhid" nyid" bidnyid moo thang" cab bue" nyid baja"» ga: doem phug tid da:. Nyangnu" gi «Nghoid bye: Aseing gi ngoonu" da" thang" cab nghoid bye:» ga: doem tid ago".

1 SAMUELA 24:17

Hau: thang: nyang: gi David ri «Nang koid zi jo da- ngoo gi shoid nyid da:. Ngoo nang ri houg yhang: ti" shoid da" moo" zoo" ri koid nghoid loug we' nang koem gi ngoo ri gye" ge khyo" koid nyid da:.