ACTS 23:16 - Lacid Common Language Bible

¹⁶ Nghoid loug we' houg: su" phajhi" khyau" to" da" khyoo: ri Polu da" zoo: oug: yug gi nu" shau" gyo: lho: nyang: gi gyidab, khyoo: vang yhe: wigi polu ri tid kyoo" bye.

ACTS 23:16 교차 참조

2 SAMUELA 17:17

Abiatha da" nya: zoo: Yonathan yo' Zadog da" nya: zo: Ahimaza tang: gi voomoo" khyoo: vang lo" ri zheing: myang wa ziri gyoug nyid yoomo Yerusalem voomoo" yam mo Enrogela gyid bug moo nyid nyid da:. Myiyi: nu" dei zoo: dayug gi atheing: re" wigi cibue" nyid ziri nya: tang: ri re" tid kyo" lho: nya: tang: we' khokham David ri yhe: tid kyoo" bye:.

DANG: ZHOEM 21:30

Aseing nang ri thougtheung gyi koid nghoid rigi xangsu: byu yi da" phajhi: koung yeug da" vhu" nug lasi- nheigloem: phajhi" gi nang ri ayo" pang" thoug.

DANG: ZHOEM 24:15

Nheigloem: deingmain" nyid su: jang" mo lhoid zoo: wa ga: myid soin: nyid da" akhyeing" ashoeb, bang: yhang: ti" akoid goo. Nya: yhoem: ri aphyo, pyam goo.

NGOUG JI: 3:37

Aseing nyang: myid vho: khyoo: za: khanham we' dalhoung bue" lo.

ACTS 21:34

Meing: byu yi gi daphung daja: ga- zheung: yoid nyho: nyid ago". Hougsu" nyho: lu: fu: go" nyid yoomoo- gyizoug: moo" gi bue" lo da" Khyoo: ri khyag za: asi yoomo wigi Nya: gyizoo: yi ri Polu ri gyidab, khyoo: shu" loo" goo" wa shid re" amyeing" byid: kaid' bye.

ACTS 21:37

Gyidab, khoug: khyoo: Polu ri shu" vang loo" wa zi nghoid lang" Polu gi gyizoug: moo" ri Nang ri ngoo dang: da eig khoin" ge tid wa la"» ga: myed:. Houg: lang" gyizoug: moo" gi nang Grid" myeing" se' kaid' la"» ga: myed:.

ACTS 23:10

Houg: su " tid ngeug byo, go" da" khyoo: gi je" myo: loo yoomo Polu ri adu atoem koid pyam boem wa ziri gyizoug: moo" gi gyoug nyid Houg: yoomo nyang: gi nya: gyizoo: yi da" mo, phung: khyoo: gyoo" lo" lho: Polu ri nyangnu" lo, mo yhe: shu" yu wigi gyidab, khoug: khyoo: shu" vang loo" wa shid re" amyeing" khyo' kaid.

ACTS 23:17

Houg: yoomo Polu gi gyizoug: phoo dayug ri khe: yu lho: He: zoolu: zoo: ri gyizoug: mo" jhang khyoo: shu" yhi: we' gyizoug: moo" ri tid kyoo" wa zi nyang: daja: yo"- ga: tid.

ACTS 23:32

Hau: thang: nyid" ri gyizoo: yi gi gyidab khyoo: doem tau" lo lho: wigi myang dab, gyizoo: yi gi polu yo' dage" yhe: loo" wa shid mo nyhed: too" kho' ago".

ACTS 24:23

Houg: su" wigi mung" zoug: phoo gi Polu ri voin: tang: zung" wa da" yoovoin, boo su: ri re" yu" coung: wa da" akhang" byid: wa shid re" gyizoug: phoo ri amyeing" byid: kaid.

1Korinthians 3:19

Khasu" wim gari- he: moug: myid tho' moo- phajhi" bo, da" ga: jho: nyid khyoo: gi Mangso shid moo: ce" akhyoo" abo, da" khyoo: za: nghoid nyid. Hau: jhoem: mungdang: moo: tid to" ziyo' dakhyoo ti" Mangsoo gi ung: yeig phajhi" boo mo, ri- nyangnu" da" phajhi" moo: myi" ye" jo, nhang- ga: wigi: tid to.