ACTS 23:12 - Lacid Common Language Bible

¹² Thang: nyid" nab, kyoo ri Yuda byumyu" dayham" gi sham: go" lho: phajhi" daja: ri khyau" ci: ago". Nyang: nu" gi Polu ri ayo" said' pyam' pyam' gi ci" we' azoo: ashug wa"- ga: nheung" ci ago".

ACTS 23:12 교차 참조

APOEM AYANG: 37:18

Nyangnu" gi nyang: ri vi: mo myang wigi nyang: gi nyangnu" jhang aju" shi" ri nyangnu" gi nyang: ri said pyam wa shid re" sham: go" boem.

1 KHOKHAM 19:2

Yezebela gi Elia jang" khyoo: mungdang: foin: kaid zigi «Nang lapi: yiri koid bye: yhang: ti" ngoo we' nang ri nab kyoo' he: yo, ri ayo" koid nghoid rigi yu phara" joem wigi ngoo ri shid: sho' baid baja"» ga: foin: kaid bye:.

2 KHOKHAM 6:31

Nyang: gi «He: bid agyoem shi" ri Elisha da" vhuloem ngoo ayo" phyed pyam byid: rigi Mangsoo ngoo ri said pyam baja"» ga: tid da:.

NEHEMIA 10:29

ngoonu" da" vhujhung: xo' tei" lho: hid su" khyo" jham' tang: bye:. Hau: zi ngoonu" phyo' soin' pyam lang" dam dab zoo: wa. Ngoonu" gi Moshe khyo" wigi Mangsoo byid: to" da" Mangso Tarha" yo' dakhyo" nyid wa. Ngoonu" gi Aseing ngoonu" Aseing wigi ngoonu" ri byid: to" da" amyeing" dangain" ri cang nyid wa. Ngoonu" gi nya: tarha" joem dangain" yo' nyang: mho' zi dangain" ri cang wa ein: jham' tang: boem bye:.

ESTHA 2:22

Hau: ziri Modekhai se' wigi Estha ri tid kyo" da:. Estha we' Modekhai shau" myang byid: ziri khokham phoo ri tid kyo" da:.

COUNG" NGHEI 31:13

Gyivoo joem dangain" mo, gi nga" da" khyoo: gau" so, go" nyid ziri ngoo shoug" gyo. Nga" da" ayam aqei: moo: gyoug noem lheung khoem to". Nyangnu" gi ngoo ri said wa shid re" soin go" nyid.

YEREMIA 11:19

Ngoo gi said pyam wa shid re" shu" thu yhe: zi shau" da" nu" nham' yang nu" dadu: yo' du da:. Houg: lho: nyangnu" akhyeing" da" byen phyoo" sham: nyid boem zigi nga" shid re" nghoid nhung: ziri ngoo asi'. Nyangnu" gi «Seiggam joem mung" nyid shi" uri thug lheing: pyam boem shang. Nyang: ri hang" amyid boin: sho' nyang: ri said pyam boem shang» ga: tid ago".

XOIN" NGEI" 27:29

Xangsu: byu rilang" shugbyid: too" bye: yug ri age doem tau" qei yu nghoid da:. Nyang: gi said pyam zi shau" ca" da:.

MATHE 26:4

Nyangnu" gi Aseing Yesu ri zheig zoo: gau" myheig lho: said pyam wa shid re" zheung: sham go" nyid.

MATHE 26:74

Petru gi «jo da" khyoo: ri ngoo gyeing" gyeing" tid nyid hau: su: ri ngoo asi. Ngoo tid zi adeung rigi Mangsoo ngoori dam: kaid baja"» ga: tid lang" gyo, toin: loo bye.

MATHE 27:25

Meing: byu dangain" mo, gi «He: yug shid: lo' da" yooboo gi ngoonu" yo" ngoonu" da" myed: yam: zoo: xeig ju" sho' ngoonu" nyang: voin wa" ga: yhen yu ago".

ACTS 23:13

Hidsu" phajhi" khyau" too" bang: gi Byu myed: xi: jain" koo: su" nghoid boem ago" da.

ACTS 23:14

Hau: thang: ri nyangnu" gi Khainjung agyi zeing yi yo' Ludaid' vhu" jhung: yi jhang khyoo: zheung: yhe: lo" lho: ngoonu" gi Polu ri ayo" said' said' gi ci" we' azoo: ashug wa ein: jham, gye" tang: nheung" ci: boem bye.

ACTS 23:21

Nyang: nu" da" dang: ri nang atam" gyoo: - Khasu" wim gari byu myed: xi: yug jain" gi fu" moo" khyoo: moo gau" jo, lho: wigi nyang: ri lang" nyid boem wa nghoid. Nyang: nu" gi Polu ri za: ayo" said' pyam' pyam' gi ci" we' azoo: ashug wa ga: jham, gye" tang: lho: nheung" ci: abye: go. Akhid" nyangnu" gi Polu ri said' pyam' wa shid re" nyheung. soin' to" wigi re" da" dang: riza: dalang" nyid lo: ago"» ga: tid kyo".

ACTS 23:30

Houyg: yoomo nyang: ri said' pyam' wa shid re" phajhi" gau" khyau" nyid boem da" khyoo: ri ngoori zheung: tid kyo" boem lang" Nyang: ri re" jhang khyoo: de" kaid' wa ziri ngoo houg: jang: myed phyed' bye. Hau: lho: nyang: ri yooboo foin: bang: ri we' Re" shid khoin" moo yhe: tid goo" wa shid re" nyangnu" ri ngoo tid kaid' bye- ga: lhid" kaid' da.

ACTS 25:3

Nyang: nu" gi Polu ri khyoolaid' moo gau" said' pyam wa ga: phajhi" zheung: khyau" to wigi Polu ri Yerusalem voomoo" khyoo: shu:" ri byid: khyo" - nyangnu" ri myonhoo: byid: wa shid mo Phestu ri zheung: mho' boem ago".

ACTS 9:23

Bidnyid myoo" sho' nyid" lid lo" thang: ri Yuda byu yi gi Sholu ri said' pyam' wa da" phajhi" khyau" ago".

ACTS 9:24

Nghoid loug we' hau: khyoo: ri sholu gi se' pyam' byid: bye. Yuda byu yi gi Sholu ri said' pyam wa shid re" voogoung khoem" duang: moo nyid" ri myen" ri lhoem: nyid boem ago,

1Korinthians 16:22

Byu dayug yug gi hau: Aseing ri ajheddab nghoid rigi- nyang: moo: nheing" khoin" zang" jo, baja"- ngoonu" da" Aseing we" myab, gyoo" ri" we'.

2~KORINTHU 11:26

Ngoo gyung: so" yen" zi myoo" sho' lheung: moo gyid je: lo wigi shau" da" shid: gyoin'- khyangtoug: shau" da" shid: gyoin'- ngoo nya: da" Yuda byumyu" yi koid byid: da" shid: gyoin- tungbau byumyu"' yi koid byid: da: shid: gyon- voothoem" yi moo thoung" shau" da" shid: gyoin'- siyoo soogam moo shau" yen" da" shid: gyoin- mhau' da" mang: nhung" yi koid da' shid: gyoin noogyoin myoo" sho' shau" lid lo yu" bye.

GALATI 3:13

Seig zeing moo jen" lhang" too" shau" su: hang" nghoid loug we' Mangsoo da" tarha" dang: phyed' zi shau" su: nghoid nyid, ga: wigi jhoem: mougsoug" moo tid to" ziyo' dakhyoo" ti"- Khristu gi ngoonu" da" shid re" tarha" dang: phyed zi shau" byid: khyo" wigi toung: to" da" tarha" dang: phyed jang" mo ngoonu" ri khyoid khyi: yu bye.

1THESALONI 2:16

Tung: bau byumyu" yi khyoid yu zi shau" wa shid re" houg: yo' sen: da" mungdang: ngoonu" dakho" kyo" ri lang" nyangnu" gi toung: nghoed, pyam wa shid re" yoem: kaid' lo boem ago- he: lid khyo" nyangnu" shoid vhang: lid lo yu" bye: da" yooboo joem ri joeb, sho' koid boem abye: go"- Houg: yoomo lo thang jang" moo gi Mangsoo nheig yo: da" khyoo: gi nyangnu" da" atho' moo ju" gyo" loo bye.

YOSHU 6:26

Hau: ayo, moo: Yoshu gi teing teing zid" nhang: da" dang: dakhoin" gi «Yerikho voomoo" ri doem de: wa soin' su: hang" nghoid loug we' Aseing da" nheing" khoin" zang" loo wa. Ayang: zhug su: hang" nghoid loug we' nya: zooshid" yuggi zoo: shid: wa. Vang khyam: khoem" joem ri zhug su: hang" nghoid loug we' nya: zoothang shid: wa» ga: tid.

YOSHU 7:1

Phyo' shoin' pyam wa nghoid da" zi joem daja: ri we' Yerikho voomoo" mo ayu goo" ga: Israela byumyu" yiri byid: da" Aseing amyeing" dang: ri atam" gyoo: goo" nghoid da:. Hau: amyeing" dang: ri Akhan ga: su: atam" gyoo: nghoid da:. Houg: yoomo Aseing gi Israela byumyu" yiri nheig joem: yo: da:. (Akhan gi Yuda byumyu" Zerab kung: mo Kharimi da" nya: yuggi zoo: nghoid wigi Zabdi da" nya: myid: zoo: nghoid da:.)

YOSHU 7:15

Hougsu" dang: phyed zi shau" da" zi joem yo' dage" khyen: yu da" su: gi nya: yhoem: byu- nyang: seing: da" zi ja: khang" moo" yo' dalheing: dam nghe' pyam zi shau" wa. Ciwim gari: nyang: gi: Israela byumyu" yi adang moo: xoo: sho' sho' phu" nhang: wigi nga" dang: theing ri we' phyo' pyam abye:» ga: wa zi nghoid.

1 SAMUELA 14:24

«Nga" da" goem lau gyi joem ri ngoo latoo: ayo" phug shi" ri akhanyid" da" bidnyid ri zoo: shug zoo: mo, hang" nghoid loug we' nheing" zi shoug" baja"» ga: Sholu jham' tang: wigi amyeing" byid: too" yoomo hau nyid" ri Israela byumyu" yi zooyoid wigi yoem: yoem" nyid boem. Hougsu" nghoid yoomo danyid" goin" hang" we' ciwe' azoo: loo nyid boem.