ACTS 23:10 - Lacid Common Language Bible

¹⁰ Houg: su " tid ngeug byo, go" da" khyoo: gi je" myo: loo yoomo Polu ri adu atoem koid pyam boem wa ziri gyizoug: moo" gi gyoug nyid Houg: yoomo nyang: gi nya: gyizoo: yi da" mo, phung: khyoo: gyoo" lo" lho: Polu ri nyangnu" lo, mo yhe: shu" yu wigi gyidab, khoug: khyoo: shu" vang loo" wa shid re" amyeing" khyo' kaid.

ACTS 23:10 교차 참조

COUNG" NGHEI 50:22

Ngoo ri: asi, goin koid su: nang we' he: da" dang: khoin" ri tam" gyo: yu" we'. Hougsu" anghoid rigi ngoo nanu" ri lhu: phyo' sain" pyam, byid: wam: bye:. Nang ri khyoid yu wa zi dayug we' nyid loo: wa zi anghoid.

COUNG" NGHEI 7:2

Hougsu" anghoid ri nyangnu" gi khangkhyi yhang: ti" ngoo ri hang" we' ayo" khyoid yu lo: da" joyoo moo she: khyoid lo" lho: hougmoo: ngoo ri adu atoem koid ngaid ceung pyam goo" wa zi nghoid.

MIKHA 3:3

Nanu" gi nga" byumyu" yiri zo: pyam bye: ago"- nanu" gi nyangnu" da" shooyid ri shid pyam byid: lho: shooyoug: ri khyau" pyam byid: boem ziyo' oug" moo yhung: loo wa shoo" ri yhang: ti" jab khyi' to" ago".

ACTS 21:37

Gyidab, khoug: khyoo: Polu ri shu" vang loo" wa zi nghoid lang" Polu gi gyizoug: moo" ri Nang ri ngoo dang: da eig khoin" ge tid wa la"» ga: myed:. Houg: lang" gyizoug: moo" gi nang Grid" myeing" se' kaid' la"» ga: myed:.

ACTS 22:24

Houg: lang" Roma gyizoug: moo" gi Polu ri gyidab, khoug: khyoo: shu" vang lo" lho: nyang: ri Yuda byumyu" yi gi hidsu" gyi koid lho: zeug yoid nyho: nyid boem da" khyoo: ri si' wa shid mo Polu ri baid' lho: dang: myed: wa shid mo-nya: gyizoo: yi ri amyeing" byid: kaid.

ACTS 23:16

Nghoid loug we' houg: su" phajhi" khyau" to" da" khyoo: ri Polu da" zoo: oug: yug gi nu" shau" gyo: lho: nyang: gi gyidab, khyoo: vang yhe: wigi polu ri tid kyoo" bye.

ACTS 23:27

Yuda byumyu" yi gi byu he: yug ri myheug yu lho: said' pyam wa ga: mo" nyid ago- Nyang: gi Roma mungdain byu nghoid ga: ziri ngoo si' yoomo ngoo gi nga" gyizoo: yi yo' yhe: wigi nyang: ri yhe: khyoid yu too" bye.

ACTS 23:28

Ngoo gi Yuda byu yi nyang: ri ce: noem yooboo foin: da" khyoo: ri si' noug yoomo nyang: ri Yuda tarha" yab, do' khyoo: shu" yhi: bye.

ACTS 23:32

Hau: thang: nyid" ri gyizoo: yi gi gyidab khyoo: doem tau" lo lho: wigi myang dab, gyizoo: yi gi polu yo' dage" yhe: loo" wa shid mo nyhed: too" kho' ago".

2~KORINTHU 11:26

Ngoo gyung: so" yen" zi myoo" sho' lheung: moo gyid je: lo wigi shau" da" shid: gyoin'- khyangtoug: shau" da" shid: gyoin'- ngoo nya: da" Yuda byumyu" yi koid byid: da" shid: gyoin- tungbau byumyu"' yi koid byid: da: shid: gyon- voothoem" yi moo thoung" shau" da" shid: gyoin'- siyoo soogam moo shau" yen" da" shid: gyoin- mhau' da" mang: nhung" yi koid da' shid: gyoin noogyoin myoo" sho' shau" lid lo yu" bye.

YAKU 1:19

Jheddab da" mangnhung" yi we"- he: khyoo: ri xoem" too" ge'.Nanu" gi tam" gyoo: wa jang" moo myab, ge' dang: tid wa jang" moo nheig yoo: wa jang" moo gi ahain: goo".

YAKU 3:14

Nghoid loug we' gyeing" nyang: ga: rigi nanu" da" nheigloem: khoug: moo no" zo nheigloem:- nheig yo: da" nheigloem: yo' nya: akyu" za: shoo: nau ziyo' nghoid boin: phau: khuang khyoo: yo' za: byeung" jo, nghoid rigi hau: deungmain" da" khyoo: ri shoid vhang: khyo" koid nyid zi nghoid.