ACTS 22:5 - Lacid Common Language Bible

⁵ Ngoo tid nyid da" dang: khoin" joem gi deung: khyoo: ri Khainjung agyi phoo yo' tarha" yab, do, goin" mo mo, gi sagsi: yo" kham, boem wa zi nghoid. Ngoo gi nyangnu" da" lo, mo Damasku voogung moo zheung: nyid da- Yuda mang: nhung" yi ri lhid" foin: kaid' da- mougsoug" ri lhoem: yu ci: lho: houg: moo nyid mo, ri yoobo dam byid: wa shid re" myheug yu lho: Yerusalem voomoo" khyoo: tei" she: yhi: wa shid mo ngoo gi Damasku voogung khyoo: do, loo" bye.

ACTS 22:5 교차 참조

LUKA 22:66

Myo, myang lo da" uri Yuda byumyu" vhu" jhung: yi nghoid da" khainjung agyi yi yo"- tarha" sara: yi gi zeing: foem: nyid abye: go. Hau: thang: ri Yesu ri nyangnu" nya: da" tarha" kongsi: moo khe: shu" lo" ago".

ACTS 1:15

Hau: thang: atoung" myang" ri loem" mo, dasho: eig xi: yug koo- zeung: foem: phoung nyid boem ago, Houg: lang" Petru gi to' yab, lho: wigi

ACTS 13:26

Abraham da" myed: zoo: yi nghoid da- nga" byen, cang" Israela byumyu" yi we" - he: da" khyoid yu mungdang: ri Mangsoo gi ngoonu" jhang khyoo: foin byid: kaid' abye:.

ACTS 2:29

Nga" mang: nhung" yi we' subi" fu" yen da" ngoonu" nya: phoug"- David khokham" da" khyoo: ri Nanu" ri bang bang za: tid kyoo" wa. Nyang: gi shid: lo" lho: nyang: ri myhoeb shoung: pyam abye: go- nya: da" loeb gi akhid" nyid ju" sho' hid: ngoonu" da" shid' khoin" moo jo, jo.

ACTS 22:1

Myhi, phoo mang: nhung" yi we" - nanu" da" shid' khoin" moo tid shed, yu" bye: da" dang: ri doem tam" gyo" yu" ge' ga: tid.

ACTS 23:1

Polu gi Yuda tarha" yabdo, goin" bang: ri yu" zhug to" lho: Nga" mang: nhung" Israela byumyu" yi we" - akhid" nyid" ju" sho' ngoo gi Mangso da" shid' khoin" moo nheigloem: gyeing: gyeing: za: kang: so' dei, lid loo bye- ga: tid.

ACTS 23:6

Polu gi Tarha" yab, do' moo boo bang: dayham" gi Pharishe" nghoid wigi dayham" gi Saduke nghoid ziri myang lang" Polu tid zi gi mang: nhung" Israela byumyu" yi we"- ngoo gi Pharishe" dayug nghoid wigi pharishe" dayoug nya: zoo: we' nghoid. Shid: jang" mo doem dei to'' loo wa ziri ngoo myed byu lang" nyid khyoo: athang shi" wigi ngoo gi he: khyi, moo myed: ca: yu" ziri shau" nyid zi nghoid-ga: tarha" yab, do, moo nyho: tid nyid.

ACTS 26:10

Ngoo gi Yerusalem voomoo" moo houg: su" nyang: koid lid loo bye- Ngoo gi khainjung agyi moo" yi jang" mo amyeing" ri mho' ci: lho: - Mangso byu yi myoo" sho' ri thung: tei" lhoung wigi nyangnu" ri said' pyam' wa jang" moo we' myed veung" da" lo. bo tu: lo yu" bye.

ACTS 26:11

Yuda tarha" jung joem moo we'=nyangnu" ri myoo" sho' lheing: yoobo dam, kaid' wigi nyangnu" da" loem" jeung" khyoo: ri ngeug pyam' boem wa shid re" ngoo gi gye" yoem: kaid' loo bye. Ngoo gi nyangnu" ri nheig soung yoo: noug yoomo gootu: da" mungdain mo voogung joem khyoo: lang" ju" yhe: wigi nyangnu" ri shen" yhen yu" bye.

ACTS 26:12

Houg: su" koid wa shid re" ngoo gi khainjung agyi moo" yi jang" mo amyeing" ri mho' ci: lho: wigi Damasku voogung khyoo: do, loo" bye.

ACTS 28:17

Soem" nyid" kyo: lo" thang: ri Polu gi hau: voogung mo Yuda ludaid' vhu" jhung: yi ri khe: yu da- nyangnu" gi zheung: zeung: ri lang" Nga" Israela mang: nhung" yi we"- ngoo gi ngoonu" da" byumyu" yi ri we' ngoonu" phoug" phyid" yi mo xo' kham: yu lo da" thung: ri joem ri we' - shoid vhang: da" moozoo" ri ngoo gi daja" we' akoid nghoid loug we' Yerusalem voomoo" moo ngoori thung: lhoung wigi Roma byu yi da" lo, moo ab, byid: pyam' boem ago".

ACTS 28:21

Houg: lang" nyangnu" gi ngoonu" gi re" da" khyoo: yo' sen: lho: Yuda mung" mo lhid" foin: da" mougsoug" dakhyab, khyoolhang" we' ashau" yu. Hau: lho: houg: mo da" byu yi ju" re" wigi re" khyoo: yo' sen: da" ludang: age zi hang" we' are" tid kyoo" nghoid ago".

ACTS 3:17

Nga" mang: nhung" yi we' nanu" yo' nanu" da" vhu" jhung: yi-Yesu ri koid lid lo da" moo" gi asi aboin: loo: za: koid ziri ngoo si' bye.

ACTS 4:5

Thang: nyid" ri Yuda vhu" jhung: yi-ludaid' yi yo' tarha" sara: yi gi Yerusalem voomoo" moo zeung" foem: boem bye.

ACTS 5:21

Lagyoo: yi we' tid da" dang: ri tam" gyoo: yoomo nyangnu" gi nabsoin: myo myang yid' moo noku yhoem: moo" khoug: moo vang yhe: lho: jhoug" byid: nyid boem ago". Hau: khainjung zeing gi nya: byen, cang" yi yo' Yuda tarha" yabdo zoeb phung koid wa shid re" Yuda ludaid' Vhu" jhung: yi ri khe: zheung" to" ago". Hau: thang: ri nyangnu" gi lagyoo: yi ri nyangnu" da" shid' khoin" moo shu" vang ri" wa amyeing" byid: lho: thung: yhoem: mo, shu" nhang: kaid ago".

ACTS 9:14

Hau: tho' moo agoo" -Nang ri coung" nghei bang: dangain" ri we' myheug yu wa shid re" khainjung agyi moo" yi jang" mo amyeing" mougsoug" ri mho' voin, lho: wigi he: Damasku voogung moo ju" ri su: nghoid- ga: tid.

GALATI 1:13

Ngoo gi Yuda noku thung" moo danyid nyid shi" uri khasu" koid nyid lid loo bye: da" khyoo: nanu" nyang: shau" gyo: yu" boem bye- ngoo gi Mangso da" phung ri neig khyeug myid aboo loo za: pyi: sho: shen" yhen lo ziyo' lhu: phyo' mhoin' pyam wa shid re" yoem: kaid' lo yu" bye.

PHILIPI 3:6

Myid' loin" yoem: kaid' khyoo: ri da tid shang ga: rigi ngoo gi phung ri shen" yhen loo su: nghoid- tarha" cang byeung" shoid, khyo" deing byeung" khyoo: ri tid shang ein: rigi ngoo moo ce" yooboo we' adab-

1 TIMOTHI 4:14

Lapi: yi kho" kyo" lho: phung ri shu" vhu" shi: bang: da" atho' moo lo, ke" lho: phung" void, kaid' byid: da" uri nang ri byid: to" da" nang moo bo jo, gyeung shang: venyi yo' sen: d a" jeju" jhung: shug ri aphoug" akhyoid koid lho: aci: phyoug pyam.