ACTS 22:1
21 교차 참조
Yuda byu yi gi Alexandru mung" byu yi da" shid' vhu" khyoo: yhi: nhang: kaid' yoomo mung" byu yi dayham" gi Alexandru we'-mo, thei" mo, yug lu: fu: go" lo da" khyoo: yo' sen: wigi nghoid wa"- ga: jho: ago". Houg: lang" Alexandru gi mung" byu yi ri sam" zoo: nyid boem wa shid re-lo, tu, tu, lho: nyang: ashoid da" khyoo: ri tid yed: yu wa shid mo, yoem: kaid' nyid.
Polu gi Tarha" yab, do' moo boo bang: dayham" gi Pharishe" nghoid wigi dayham" gi Saduke nghoid ziri myang lang" Polu tid zi gi mang: nhung" Israela byumyu" yi we"- ngoo gi Pharishe" dayug nghoid wigi pharishe" dayoug nya: zoo: we' nghoid. Shid: jang" mo doem dei to'' loo wa ziri ngoo myed byu lang" nyid khyoo: athang shi" wigi ngoo gi he: khyi, moo myed: ca: yu" ziri shau" nyid zi nghoid-ga: tarha" yab, do, moo nyho: tid nyid.
Nghoid loug we' ngoo gi nyangnu" ri yooboo foin: zi shau" su: gi nyang: ri yooboo foin: bang: yo' myonhoo: zoem" zhoung: to" lho: nyangnu" yooboo foin: da" khyoo: yo' sen: wigi nya: gung ri tid ve, yu wa da" akhang" shi" abyid: loo- hang" nghoid loug we' yooboo yo" ein: ab, byid: kaid' wa shid re" ngoonu" da" Roma thung" tarha" moo aboo ein: tid khoo, bye.
Soem" nyid" kyo: lo" thang: ri Polu gi hau: voogung mo Yuda ludaid' vhu" jhung: yi ri khe: yu da- nyangnu" gi zheung: zeung: ri lang" Nga" Israela mang: nhung" yi we"- ngoo gi ngoonu" da" byumyu" yi ri we' ngoonu" phoug" phyid" yi mo xo' kham: yu lo da" thung: ri joem ri we' - shoid vhang: da" moozoo" ri ngoo gi daja" we' akoid nghoid loug we' Yerusalem voomoo" moo ngoori thung: lhoung wigi Roma byu yi da" lo, moo ab, byid: pyam' boem ago".
Moshe tarha" moo tid to" da" khyoo: joem gi - houg: bang" da" nheigloem: seing" khyab' moo lhid" tab' to" yhang: ti" nyang: bo jo da" khyoo: ri houg bang: nyid yab zei sid yen" jang" mo toin" shid nyid. Nyanu" da" nheigloem: jeung" mo we' deingmain: khyoo: toin" shid' nyid. Nyanu" myid soin: khyoo: gi - dalheing: lheing: nyanu" ri yooboo foin: lho: dao lheing: lheing: gi - nyanu" ri gooloo, goem nyid.
Ngoonu" gi ngoonu" nya: gung- ce: yooboo ayoo" ein:- shoem" goem dang: tid bang: nghoid ga: jhoo: go" la". Hougsu" anghoid o! Khristu tid nhang: nau: ziyo' dakhyoo" ti"- Mangso shid khoin" moo ngoonu" tid sang: nyid boem. Hau: tho' moo gootu: jheddab mo, we"-Ngoonu" zeiso' khyoo: dangain" gi nanu" ri pang" thoug wakhyoo" za dakoid nyid boem.
Nanu" da" nheig koug nheig shu: khyoo: ri Mangsoo: khakhyo" ci: nyid ziri yu" yu" ge". Hau zigi nanu" ri khayhi' nheigloem: too, nhang:- nanu" moo yooboo adab loo: ein: da" khyoo" toin" shid' nhang"- ge da" khyoo: ri byui" nhang: noug yoomo nheigloem: gye" to' lo ziyo' nheig dain yoo: nau khyoo" nheigloem: khoug: moo kham, zo: khyoo:- nanu da" loem" jeung" khyoo: moo nheigloem: zug zi shoid' vhang: su: ri shen" yhin wa shid re" jen" jen" nghoid nyid da" khyoo: gi khyoo: khaid gu: khang" moo" moo nanu" ce" yooboo adab loo: ein: ziri toin" shed nyid bye.
Ngoo nanu" da" atho' moo too" byid: da" myid' gi young" du nyid khasu" wim ga: ri nanu" ri jheddab nyid da" khyoo: gi nga" da" emyid moodabo jo. Nanu" dangain" bang: gi ngoo thung: loung" jo, uri nghoid loug we' ngoo ngei bu: lu dang: ri kho" kyo" zoore"- geung: teing jo, nhang: uri nghoid loug we' Mangsoo ngoori byid: da" akhang" jeju" ri bo kham zoo; mo, nghoid ago".
Nanu" da" nheigloem: khoug: moo Khristu ri phau" myang: lho: wigi Aseing: gi yhoem: seing: khyo" nyang:- coung" nghei kham: yu nyid ge'- nanu" yo" kham: yu bye: da" nheig byu joyoo da" khyoo: ri myid: phoid: sho: loo su: ri kha: uringhoid loug we' tid phoid: sho' kyoo" wa shid re" jen" jen" koid too" ge'.
광고