ACTS 21:8 - Lacid Common Language Bible

⁸ Hau: thang: nyid ri ngoonu" gi hau: voogung mo doem, to' lo" wigi kesare voogung moo ju" lo" boem bye- ngoonu" gi Yerusalem voomoo" mo pang" thoug wa byu nyhed yug ri zheung: khyen: yu to" jang" mo dayug nghoid lho: ngeibu: ludang: gi, ri kho" kyoo" su- Philib, da" yhoem: moo yhe: theung: nyid boem.

ACTS 21:8 교차 참조

ACTS 10:1

Kesare voogung mo «Itali dab» ga: da" Roma gyidab, dadab ri vhoeb, da" - gyizoug: phoo koneli ga: su: dayug nyid.

ACTS 16:10

Polu gi he: da" yoeb, myang ri bain myang lang" - nyangnu" gi Makedoni mung" khyoo: yhe: loo" wa shid re" soin' nyheung boem bye. khasu" wim gari Makedoni mung" moo nyid, mo, ri ludang: seig kho" kyoo" byid: wa shid re" Mangsoo gi ngoonu" ri khe: yu zi nghoid bye" ein: ngoonu" myed jhoo: yoomo nghoid.

ACTS 16:13

Dougno: Bidnyid ri ngoonu" gi Yuda byumyu" yi zeung: foem: lho: akyu" mho' da" joyoo jo, wa ein: jhoo: yoomo voogung nghe: shoid, gyid yam, khyoo: thu' yhe: lo" wigi yhe: zhoung: jo, ri houg: moo zeung: foem: re" da" myiyi: yi ri kho" kyoo" byid: boem bye.

ACTS 16:16

Bidnyid danyed" moo ngoonu" gi hau: akyu" mho' joyoo khyoo: yhe: lo" nyid boem da" uri akhyeung" yu vang ci: da" - goem, phain" se' phain" da" join' myhi, dayug yo' ngoonu" shau" go. Nyang: gi goem, phan" phain" lho: wigi join' seing: ri ngei myoo" sho' kung: byid: nyid su: nghoid.

ACTS 18:22

Polu gi Kesare voogung moo gu: ju" yhi: lang" Yerusalem voomoo" khyoo: yhe: lo" wigi phung: byu yi ri yhe: vhu" too" kho' lho: Antioki voogung khyoo: yhe: lo.

ACTS 20:13

Ngoonu" gi lhid' khyo" shid' khyoo: yhe: lo" wigi Asu voo mo Polu ri lhoem: shu" zhung: wa soin to" lho: Asu voogung khyoo: gu: yhe: lo" boem. khasu" wim gari-Polu gi khyid: khyo" hau voogung khyoo: yhi: wa zi soin to" wigi ngoonu" ri hidsu" koid wa shid re" tid to.

ACTS 20:6

Ngoonu" gi doo cid" akaid da" zooyho' zoo: pui" lid lo" thang: ri Philipi voogung mo lhid' moo zhoung: lho: wim: nyid koo: myang" thang: ri Troa voogung moo nyangnu" yo' lo" shau" go" wigi hau: voogung moo ngoonu" gi laban daloem: nyang: theung: nyid boem bye.

ACTS 21:16

Kasare voogung mo cangzoo: yi dayham" bang: gi ngoonu" yo' dage" cang re" lo boem lho: no" re" phung byu bue" nyid bye: mo, gi kupru gugyoo: kang: mo Manason ga: su: da" yhoem: khyoo: theing: wa shid mo ngoonu" ri shu" vang yhe: lo" boem ago".

ACTS 23:23

Hau: thang: ri gyizoug: moo" gi nya: gyizoug: eig yug ri khe, Yu wigi Kesare voogung khyoo: yhi: wa shid re" gyizoo: eig shoo: myang: dab, gyizoo: nyhed xi: - lham: dab, gyizoo: eig shoo: yug akhid" myen" goug: nayi: ri too, wa shid re" soin' jen" too" ge'.

ACTS 27:1

Ngoonu" ri Itali mung" khyoo: gyid sang phoo khyo" re" de" kaid' wa shid mo bain myed phyed' lang" Polu yo' thung: byu dayham" ri Khosen" pho, gyidab, ga: da- Roma gyidab, daloem: mo gyizoug: phoo Yuli ga: su: lo, khyo" wigi nyangnu" ri ab, byid: kaid.

ACTS 28:11

Lham" moo" soem" khyab, kyo: lo" da" thang: ri hau: gugyoo: kang: mo da" ngam" yo, lo" Khau: nyid da" - Alexandru voogung mo phara" zoozoem, tang: ga: da" - sangphoo' tho' moo yhe: do, zhoung: lho: gu: lo" boem bye.

ACTS 28:16

Ngoonu" gi Roma voomoo" khyoo: ju" yhe: boem thang ri Polu rigi zung" da" gyizoo: dayug yo' nyang: kyeing" nyid wa da" akhang" yo".

ACTS 6:5

Loem khoug: bang: daphung goin" gi lagyoo: yi tid fang da" dang: khoin" ri gyo: ngei boem bye- houg: yoomo nyangnu" gi loem" jeung" da" nheigloem: gyi: ziyo' gyeungshang: Venyi byeung" da- Stephain ga: su- Philib, Prokuru- Nikanora- Timun- Parmena- yo' Nikola ri khyen: yu boem ago". Hau: Nikola ga:" su: gi Antioki Voogung mo, Yuda noku thung" khoug: mo wigi phung: vang lo da- tungbau byumyu" nghoid.

ACTS 9:30

He: da" khyoo: ri - loem" jeung" nyid phung byu yi se. lo boem wigi nyangnu" sholu ri kesare voogung khyoo: shu" yhe: lo" boem lho: Houg: mo wigi Tarshu khyoo: nyang: ri nhang: kaid' ago".

Ephesu 4:11

Nyang: gi byu yi ri jeju" jhung: shug joem ri gam, byid: su: nyang: nghoid bye- nyang: gi dayham" bang: ri lagyoo- dayham" bang: rigi lapi- dayham" bang: rigi ngei bu: lu dang: gi, kho" kyo" yen" mo, dayham" rigi phung vhoeb yi yo' sara yi bui" wa shid mo zheung: nyheung too" bye.

2 TIMOTHI 4:5

Nang koem gi khayhang: te" da" akhyoo: again thoung" shau" loo nghoid loug we' re" da" gung du: ri zei: zeung" ci: lho: wigi kyi" khyeug khyoo: ri kham' zeung: nyid we'. Hau: ngei bu: lu dang: ge ri kho" kyo" da" sara: moozoo" ri voin, vu, nyid wigi Mangso dei zoo: dayug khyo" wige- re" da" yoovoin, jo, moo jo, ri joeb, byeung" sho' voin, vu, nyid we'.