ACTS 21:7 - Lacid Common Language Bible

⁷ Ngoonu" gi Turu voogung mo doem xo' gu: lo" wigi Patoleme voogung moo ju" lo" boem bye- ngoonu" gi hau: voogung mo loem" jeing" bang: ri lo, zei: zei: being" si' go" lho: nyangnu" yo' danyed" yhe: theung: nyid bye.

ACTS 21:7 교차 참조

MATHE 5:47

Nanu" da" nya: mang: nya: nhoung" yo" za: shau" doem go" nghoid rigi ci: je nghoid cang boo goo" wa lha". Mangsoo ri asi shi" mo, we" houg: su" lhung koid: boem anghoid goo" la".

ACTS 1:15

Hau: thang: atoung" myang" ri loem" mo, dasho: eig xi: yug koo- zeung: foem: phoung nyid boem ago, Houg: lang" Petru gi to' yab, lho: wigi

ACTS 12:20

Herod khokham" gi Turu yo' Sidun voobyu yi gi gye" nheig yo. Houg: yoomo hau: eig voo, mo bang: gi daphung: za: koid lho: khokham" pho, jhang khyoo: yhe: lo" ago- Nyang: nu" gi Khokham" khoo" goin" ri vhoeb, su- Blastu gi nyangnu" ri, pang" yu wa shid re" xang: shed" yhe: mho' boem ago". hau: thang: ri nyangnu" gi khokham" pho, jhang khyoo: vang yhe: lho: ngei pyo: yug yo khyoo: ri mho' ago". khasu" wim gari nyangnu" da" mungdain gi Herod Khokham" mungdain mo zookhoo: ri shau" yu nyid boem yoomo nghoid ago".

ACTS 18:22

Polu gi Kesare voogung moo gu: ju" yhi: lang" Yerusalem voomoo" khyoo: yhe: lo" wigi phung: byu yi ri yhe: vhu" too" kho' lho: Antioki voogung khyoo: yhe: lo.

ACTS 21:10

Ngoonu" gi hau: yhoem: moo myang" sho' theung: nyid thang: ri Yuda mung" mo Agapu ga: da" lapi: dayug ju" re" da.

ACTS 21:17

Ngoonu" gi Yerusalem Voomoo" khyoo: ju" yhe: boem ri loem" jeing" bang: gi ngeibu: gau yi ziyo' - ngoonu" ri lhoem: tau, yu boem.

ACTS 21:19

Polu gi nyangnu" ri being" si' dang: tid lho: nyang: zei: so' da" moozoo" khyo" wigi tungbau byumyu" yi da" phung: moo Mangsoo koid bye: da" moozoo" joem ja: khang" moo" ri joeb, sho' ludang: ri shed' kyo".

ACTS 21:3

Ngoonu" gi kupru gugyoo: kang: ri lo" myang. kaid lang" hau" gugyoo: kang: gyid byeung: shoid khyo" gu: gyo" lo" lho: Suri mung" khyoo: gu: yhe: lo" boem bye. kid" zi joem ri khyoo, wa shid re" Turu Voogung mo gu: khuang" moo lo" theung: boem bye.

ACTS 25:13

Dayo, koo: kyo: lo" thang: ri Khokham" Agripa yo' Bernike eig yug gi mung" zoug: phoo Phestu ri being" se' tau, yu wa shid re" Kesare voogung khyoo: lam" ju" yhe: ago".

ACTS 28:12

Ngoonu" gi Surakusa voogung khyoo: ju" yhe: lo" wigi hau: voogung moo soem" nyid" yhe: theung: nyid boem.

HEBRE 13:24

Nanu" da" khyooshed' vhu" shi: bang: dangain" yo' Mangsoo da" byumyu" dangain" bang: ri bo vhu" byid ge'. Itali mung" mo mang: nhung" yi gi nanu" ri vhu" kaid ago".

1 SAMUELA 10:4

Nyangnu" we' nang ri lhoem: tau yu wigi zooyho' eig loem: byid: wa. Hau: ziri nang lhoem: yu ca" wa zi nghoid.

1 SAMUELA 13:10

Hau: xoin" bain ngei" lo" nyid ri she' Samuela ju" lo da:. Sholu we' nyang: ri shoug" wa shid re" thu lo" lo tau yu bye: zi nghoid.