ACTS 21:3 - Lacid Common Language Bible

³ Ngoonu" gi kupru gugyoo: kang: ri lo" myang. kaid lang" hau" gugyoo: kang: gyid byeung: shoid khyo" gu: gyo" lo" lho: Suri mung" khyoo: gu: yhe: lo" boem bye. kid" zi joem ri khyoo, wa shid re" Turu Voogung mo gu: khuang" moo lo" theung: boem bye.

ACTS 21:3 교차 참조

2 SAMUELA 8:6

Hau: thang: nyang: gi nyangnu" moug: moo gyidab koid to" lho: nyangnu" we' nya: da" vhoebkhang" akhoug: moo nyid nyid ziyo' nyang: ri we' kheing" kaid byid: boem ago". Aseing we' David ri khyi khang" moo" moo oung: doid nhang: byid: da:.

COUNG" NGHEI 45:12

Turu byumyu" yigi nang ri jhungshug jhung: lang- re" byid: lo boem wa zi nghoid. Yoo" mo, di mo, we' re" da" myonhoo: sho lo boem wa zi nghoid.

COUNG" NGHEI 87:4

Nga" dang: ri tam" gyo: mungdain: joem da- zhayhen" ri koid uri Egutu yo' Babelon ri ngoo bo kaid byid: wa zi nghoid. Philisti- Turu yo' Sidon byumyu" yiri Yerusalem voogung byu zhayhen" moo ngoo soin: kaid byid: wa zi nghoid.

ESAIA 7:2

Suri gyidab joem Israela mougmyid moo re" ju" nyid boem bye: ga: da" lu dang: Yuda khokham jhang ju" loo" lang" nyang: yo' nya: mung" byu yi dangain" gi seiggam joem ri lid hau' nhoin' nyid yhang: ti" ko' ko' nain' wigi gye" gyoug nyid ago".

MATHE 11:21

«O" Kurazin we"- nang gi joem loo" wa O" Besaida we" nang joem: loo" wa. Khasu" wim ga ri re" eig yug ri toin" shid' da" moozoo" zeing joem ri Turu yo" Sidun eig voo moo toin" shid' nghoid rigi jid: moo" byi: ri gang" ci: lho: nheigloem: bain thid zi gye" myang wam: bye.

MATHE 4:24

Houg: yoomo Yesu da" khyoo: ri Suri mung" goin"- lei: khyoug: su phoid nhami lhupyo' nhang: lo" boem wigi Gung du: angei apyoo: mo, noo phyoo" aja: ja: shau" mo, yo' yu dab deizoo: dab mo, ngho' baid baid mo, yo' khyid: joem: lo, joem: shid: mo, myoo" sho' nya: jhang shu" ju" re" boem ri dangain" ri lhoem: ze: ge lho: nhang: kaid bye.

LUKA 10:13

O"- Kurazin voo we"- nang joem: loo" wa. O"- Bedsaida voo we"- nang we' joem: loo" wa. Re" eig youg jang" moo toin" shid da" mau" pho" alhoo: again ri Turhu yo" Sidun voo ri toin" shid' nghoid yoo: gi hau: eig yug gi goonham mo jidmoo" mi gang" ci: lho: wigi myiyab cang" moo zhoung: jo, lho: nya: yooboo mo nheigloem: thid' lheung: loo goo" wam: bye.

LUKA 2:2

Hau: mung" byu yi myeing kaid da" zigi Suri mung" moo Kureni Mung" zoug: koid: nyid uri xang: shed" koid: da" zhayen" nghoid.

ACTS 11:19

Loem" jeing" bang: gi Stephan said pyam' jang" mo bue" lo da- shen" yhen lo da" jang" mo phang: byo lo" boem bye. Nyang: nu" dayham" gi phonisha- Kupru, yo' Antioki voogung cang phang: byo lo" boem wigi hau: mungdang: gi Yuda byumyu" yi ri za: tid kyo" ago".

ACTS 12:20

Herod khokham" gi Turu yo' Sidun voobyu yi gi gye" nheig yo. Houg: yoomo hau: eig voo, mo bang: gi daphung: za: koid lho: khokham" pho, jhang khyoo: yhe: lo" ago- Nyang: nu" gi Khokham" khoo" goin" ri vhoeb, su- Blastu gi nyangnu" ri, pang" yu wa shid re" xang: shed" yhe: mho' boem ago". hau: thang: ri nyangnu" gi khokham" pho, jhang khyoo: vang yhe: lho: ngei pyo: yug yo khyoo: ri mho' ago". khasu" wim gari nyangnu" da" mungdain gi Herod Khokham" mungdain mo zookhoo: ri shau" yu nyid boem yoomo nghoid ago".

ACTS 13:4

Houg: su" gyeungshang: da" Venyi wigi nhang: kaid' ziyo' dakhyoo" ti" Barnaba yo' Sholu eig yug gi Seluki voo khyoo: yhe: lo" wigi hau: voo mo zi Kupru, gugyoo: kang: khyoo: lhid' yo' gu: yhe: lo" ago".

ACTS 15:23

Hougsu" lhid" foin: kaid da" mougsoug" moo Ngoonu" da" mang: nhung" yi nghoid da- ngoonu" lagyoo: yi yo' phung ludaid yi gi Antioki voogung yo' Suri mung" kilik mung" moo zheung: nyid da- tungbau byumyu" mang: nhung" yi ri vhu" kaid.

ACTS 15:39

Nya: eig yug gi he: da" khyoo: yo' sen: lho: gyi" sho' ngeug go" wigi gang: go" lo" ago". Houg: lang" Barnaba gi Marku ri shu" lho: wigi Kupro gugyoo: kang: khyoo: lhid' zhoung: lho: yhe: lo" ago".

ACTS 15:41

Houg: su" wi Polu gi - Suri mung" yo' Kiliki mung" khyo" lid: jang: lo" wigi phung byu yi ri loem" jeung" da" nheigloem: lhei, teing byed.

ACTS 18:18

Polu gi Korinthu voogung mo loem" jeing" bang: yo' dage" myoo" sho' nyid" theung: nyid shi"- hau: thang: ri nyangnu" ri vhu" too" kho' lho: Lhid' khyo" wigi Priskila yo' Akula eig yug yo' dage" Suri mung" khyoo: gu: yhe: lo" ago- kenkrea voogung mo gyid sangphoo' ato' loo" shi" ri Polu gi Mangsoo ri jham, tang: too bye: yoomo nya: vhuloem xam: zhoid' khyo, pyam.

ACTS 21:16

Kasare voogung mo cangzoo: yi dayham" bang: gi ngoonu" yo' dage" cang re" lo boem lho: no" re" phung byu bue" nyid bye: mo, gi kupru gugyoo: kang: mo Manason ga: su: da" yhoem: khyoo: theing: wa shid mo ngoonu" ri shu" vang yhe: lo" boem ago".

ACTS 21:2

Hau: voogung moo Phonishia mung" khyoo: gu: yhe: loo" wa da" lhid' dakhyab, ri ngoonu" myang wigi hau: lhid' tho' moo yhe: do, zhoung: lho: gu: yhe: lo" boem bye.

ACTS 21:7

Ngoonu" gi Turu voogung mo doem xo' gu: lo" wigi Patoleme voogung moo ju" lo" boem bye- ngoonu" gi hau: voogung mo loem" jeing" bang: ri lo, zei: zei: being" si' go" lho: nyangnu" yo' danyed" yhe: theung: nyid bye.

ACTS 27:4

Ngoonu" gi houg: mo doem to' lo" ri lid' agi yoomo Kupru gugyoo: kang: lid' yo" jang" khyoo: gu: yhe: lo" boem bye.

ACTS 4:36

Houg: lang" lagyoo: yi wigi Banaba ga: myeing lhid: myheung byid: da" (Banaba ga: zigi yoem: byid: su: ga: zi nghoid) kupru gugyoo: kang: moo khu: lo da" Levi byumyu" Yoseb we'

TARHA" AGYI 10:6

Israela byumyu" yigi Bala yo' Astarte yu phara" joem ri Suri mo yu phara"- Sidon mo yu phara"- Moba mo yu phara"- Amon mo yu phara"- Philisti mo yu phara" joem ri no' yhang: ti" nyang: no' wigi Aseing ri thougtheung yooboo dalheing: doem shoid ago". Nyangnu" gi Aseing ri she: pyam lho: nyang: ri noku jang" mo theing: pyam boem.