ACTS 21:11 - Lacid Common Language Bible

¹¹ Nyang: gi ngoonu" jang" moo ju" ri" lang" Polu da" phyid" cu" ri yu lho: hau: ze wigi nya: khyid: yo' lo, joem moo tei" da. Hau: lho: nyang: gi he: phyid" cu" seing: ri Yuda byumyu" yi wigi Yerusalem voomoo" moo hidsu" tei" joeb, lho: nyangnu" gi nyang: ri tungbau byumyu" yi da lo, moo ab, byid: pyam' goo" wa gyeungshang: Venyi tid» ga: tid da.

ACTS 21:11 교차 참조

1 KHOKHAM 22:11

Nyangnu" mo Khenana da" nya: yuggi zoo: Zedekia gi joto' khyoug: joem koid wigi Ahab ri «He: zigi Aseing tid zi nghoid. ‹He: joto' khyoug: joem yo' Suri byumyu" yiri zain: ge'. Houg: lang" nyangnu" ri gyeing" oung: wa zi nghoid›» ga: tid.

ESAIA 20:2

Aseing gi soem" zain shid" lho: Amoz da" nya: yuggi zoo: Esaia ri nyang: void ci: da" jid: moo" mi joem yo' khyid: zhung" ri khyoid pyam wa shid re" tid da:. Nyang: gi tid dang: tam" gyo: wigi shoocen: doem- khyid: cen: so" lheing: yen" da:.

YEREMIA 19:1

Aseing gi ngoo ri myid vhu" nug jhuang: daloem: yhe: qei wa shid re" tid da:. Nyang: gi byumyu" yi da" ludaid yi dayham"- apyaid gyi: da" khainjung yi dayham" ri shu" wigi

HOSEA 12:10

Ngoo gi Lapi: yiri dang: ji wigi nyangnu" ri yoeb myang myoo" sho' byid: bye:. Ngoo gi Lapi: yi khyo" wigi nga" byumyu" yiri tid poin" byid: bye:.

YOHAN 18:1

Hid: yhangti" akyu" bain mho' da" thang: ri Yesu gi nya: cangzoo: yi yo" dage" Kedron gyid nung" thei: tab' khyoo: gu: dab lo" boem.

ACTS 13:2

Nyang: nu" gi Aseing: ri noku loem khau: wigi zoo: noem, ri jang" pyam' lho: nyid boem uri gyeungshang: da" Venyi gi nyangnu" ri tid zigi Barnaba yo' Sholu eig yug ri nga" moozoo" voin, vu, wa shid re" gootu: khyen: nyheung too" ge' -ga: tid.

ACTS 16:6

Houg: lang" gyeungshang: da" Venyi gi nyangnu" ri Asha mung" gyoo: moo mungdang: ri kho" kyoo" wa akhang" abyid: yoomo nyangnu" gi phrugi mung" yo' Galile mung" gyoo: khyo" so" lid lo.

ACTS 20:23

Thung: loung" ziyo' yau: khe: jam jau khyoo: gi ngoori lang" nyid ga: voogung khang" moo" moo gyeungshang: da" Venyi gi ngoori tid poin" lo khyoo: riza: ngoo se' nyid.

ACTS 21:33

Gyizoug: moo" gi Polu jhang khyoo: yhe: lo" lho: myheug yu lho: jangcoo" eig khaid yo' tei" too" wa shid re" amyeing" khyo' kaid' bye. Hau: thang: ri gyizoug: moo" gi he: yug hang" nghoid lha". Nyang: ce: noem koid shoid lha". myed: yu.

ACTS 21:4

Ngoonu" gi voogung mo loem jeing" bang: dayham" ri lo" shau" myang go" lho: nyangnu" yo' labain daloem: lo" theung: nyid bye. Hau: loem" jeing" bang: gi gyeungshang: da" Venyi yoem: so' khyo" wigi Polu ri Yerusalem voomoo" khyoo: ayhi: wa shid mo tid ago".

ACTS 22:25

Nyang: nu" Polu ri baid wa ga: tei" lo" boem lang" gi Polu gi ayam, moo yab, jo, da" gyizoug: phoo ri Roma mung" byu dayug ri nya: yooboo rishi" amyed: ca: yu" loo za: - baid' wa da" amyeing" jo, la"» ga: myed: kaid.

ACTS 24:27

Hau: thang: ri eig zain' koo: kyo: loo" lang" Mung" zoug: phoo Philid' da" khoo" vang moo Pokuphestu ga: su: mung" zoug: doem koid nyid. Philid' gi Yuda byumyu" yi ri myonhoo: shoo: noug yoomo nyang: gi Polu ri thung: lhoung too" khare".

ACTS 26:29

Polu doem tid zigi daso' dadam ga: nghoid loug we' - myang" sho' nghoid, nghoid hau: zigi yhoug: gyen: khyoo: anghoid - Khokham" phoo Nang yo' dage" akhid" nyid nga" dang: ri tam" gyo: nyid bang: dangain" gi Hid: nga" jangcoo" doem' ri atid noug- ngoo yo' dakhyoo" ti" bue" lo boem wa shid re" Mangsoo ri ngoo akyu" mho' nyid ga: phoug tu.

ACTS 28:17

Soem" nyid" kyo: lo" thang: ri Polu gi hau: voogung mo Yuda ludaid' vhu" jhung: yi ri khe: yu da- nyangnu" gi zheung: zeung: ri lang" Nga" Israela mang: nhung" yi we"- ngoo gi ngoonu" da" byumyu" yi ri we' ngoonu" phoug" phyid" yi mo xo' kham: yu lo da" thung: ri joem ri we' - shoid vhang: da" moozoo" ri ngoo gi daja" we' akoid nghoid loug we' Yerusalem voomoo" moo ngoori thung: lhoung wigi Roma byu yi da" lo, moo ab, byid: pyam' boem ago".

ACTS 28:20

Houg: yoomo ngoo gi nanu" yo' shau" doem, goo" wa shid mo khe: yu zi nghoid. Gyeing" nyang: ga: rigi ngoo hidsu" jang coo" doem, wigi tei" zi dashau" rigi Israela byumyu" yi myid byu nyid su: gang mo nghoid da- ga: tid.

ACTS 28:25

Houg: yoomo nyang: cang" nyang: aveing" goo" loo: za: thu' lo" nyid boem da" uri Polu doem tid zigi Lapi: Esaia nhoid khyo" gyeungshang: da" Venyi wigi nyangnu" da" phoug" phyid" yi ri tid da" dang: gi gye" nyang: jo, da" dang: nghoid.

ACTS 8:29

Gyeungshang: da" Venyi gi Philip, ri hau: myang: rheing" khyoo: tab' tab' yhe: loo" we' ga: tid da.

ACTS 9:16

Nga" myeing yoomo nyang: dayam, dayoo: kham, zoo: ca" gu: ri dangain" ngoo, Nyang: ri toin" shid' wa nghoid- ga: tid.

Ephesu 3:1

He: da" khyoo: yoomo nanu" ngi zain byumyu" yi shid re" Khristu Yesu da" thung: byu ngoo Polu gi Mangso jang" moo akyu" mho' nyid.

Ephesu 4:1

Hougsu" nghoid yoomo hau: Aseing: da" moo" voin vu, da" gang mo thung: oung" jo, su: ngo Polu gi Mangso wigi nanu" ri nyang: khe: yu da" bidnyid moo nyang: ke' too" byid: da" laleig laki, azhang myhi: da" kangso dei khyoo: moo kangso dei so" loo" wa shid re" ngoo nanu" ri joug jhoin" nyid.

Ephesu 6:20

akhid" ngoo gi thung: loung" jo, su: danghoid loug we' hau" ngei bu: lu dang: ge shid re" lagyoo: zeing dayug nghoid- hau: ngei bu: lu dang: gi ri kho" kyoo" wa shid' re" ngoo kho" kyoo" eung: ziyo' dakhyoo" ti"- seing" yang" ziyo' yo" tid kyoo" baja"- akyu" bo mho' byid: nyid ge'.

1 TIMOTHI 4:1

Thang: phyang" pyaid ri byu dayham" bang: gi loem" jeung" khyoo: ri she: pyam boem wa zi nghoid. Nyang: nu" gi mhau' fain" da" venyi joem da" dang: ri tam" gyo: boem wigi yu join: jhoug" byid: da" khyoo: moo cang lo" byug boem wa da" khyoo: ri hau: gyeungshang: da" venyi gi bang bang nyang: tid nyid.

2 TIMOTHI 2:9

Khasu" wim ga: ri ngoo gi hau: ngei bu: lu dang: kho" kyoo" yoomo kyi" khyeug zi shau" nyid. youg: shau" jhen: bo nyid su: yhang: ti"- myheug tei" to" zilang" thoung" shau" nyid. Nghoid loug we' hau: Mangso da" mungdang: koem gi myheug tei" too" shau" nyid zi anghoid.

HEBRE 10:34

Nanu" gi thung: lung" mo, ri we' nheig khyeug ago- nanu" da" soid gain ziyoo joem ri lhoid yu zi shau" lo da" uri gau yi ziyo' kham zo: boem bye- Khasu" wim gari abyo, abei lo da" soid gain daja: yoo" shi" zigi nanu" se' ago".

HEBRE 3:7

Hougsu" nghoid yoomo hau: gyeungshang: da" Venyi tid ziyo' dakhyoo" ti"- Akhid" nyid" nanu" Mangso dang: shau" gyo: nghoid rigi

1PETERU 1:12

Mangsoo hid: bang: ri' toin" shid' zigi akyu" yoo" wa shid re" anghoid- nanu' da" akyu" shid re" danghoid. Khasu" wim ga: ri nyangnu" gi nanu" akhid" lagyoo: yi jang" mo shau" gyo: yu da" ngei bu: lu dang: yo' sen: lho: no re tid to" boem- hau" ngei bu: lu dang: gi moug: khung: khyo" nhang: kaid' da" gyeungshang: da" venyi yoem: so' yo' lu dang: voin lagyoo: yi tid fu" byid: bye- hau: da" khyoo: yi ri moug: lagyoo: yi lang" bo, se' gyoo: nau nyid boem.