ACTS 2:9 - Lacid Common Language Bible

⁹ Ngoonu" gi Pathai meing: Media meing- xlam mung" Mesopotemia mung" Yuda mung" kapadokia mung" pontu mung- Asia mung"-

ACTS 2:9 교차 참조

APOEM AYANG: 10:22

Shem da" nya: zoo: yigi Elam- Ashura- Arphaza- Luda yo' Aram bang: nghoid wigi nyangnu" gi nyang: kung: nyang: myeing" yo" da" byumyu" phoug" phyid" yi bue" lo boem.

APOEM AYANG: 14:1

Babelon khokham Amraphela- Elasa khokham Arioa- Elam khokham Khedalaoma yo' Goiim khokham Thidala bang: khokham myid: yug gi

APOEM AYANG: 24:10

Abraham da" jonu" ziyoo ri zoem: da" dei zoo: gi nya: yhoem: seing: da" gola-ug daxi: du: ri she: ci: lho: Nahora nyid jang: Mesopotamia da" mougzhung: shoid mo voomoo" khyoo: yhe: loo" bye:.

2 KHOKHAM 17:6

Hoshea vhoeb zi goug: zain ein: zain moo Asuri khosen gi Samari ri seing: yu lho: thung: byu yi khyo" Israela byu yiri Asuri mung" khyoo: shu" lo" ago". Dayham" ri Hala voomoo" moo dayham" ri Gozan mung" du mo Habora gyid lang nam moo dayham" rigi Media byu yi voomoo" joem moo nyhid: to" ago".

1 KHOKHAM MHOOMYID: 19:6

Khokham Hanun yo' Amon byu yigi David ri nyangnu" da" gyivoo khyo" koid yu bye: ziri myid boin: lho: nyangnu" gi Mesopotamia mung" tho' du yo' Suri mung" Makha yo' Zoba mung" mo gyi khaid myang: rheing" yo' myang: rheing" koin" bang: ri nghoo" wa shid re" ngei myid: xi: tain: koo: byid: ago".

EZRA 6:2

Nghoid loug we' Medi mung" du mo Akbatana voogung moo mougsoug" deing: dadeing: ri shau" myang ago". Hau: lhid" xoem" pug mo bo zigi

ESAIA 11:11

Hau: bidnyid ju" loo lang" Aseing gi nya: yoem so' ri dalheing: doem ci wigi Asuri- Egutu- Pathro mung" joem Etiopi- Elam- Babelon- Hamad yo' gyid yam cang mo mungdain: joem panglai: gugyoo: kang joem moo nyid deing jo, boem da" nya: byumyu" yiri yhoem: khyoo: doem shu" tau" yu wa.

ESAIA 21:2

Ngoo gi shen" yhen da" yoeb myang- gyivoo koid da" yoeb myang- byo, yoin" lo" da" yoeb myang joem ri shau" myang da:. Elam gyidab we"- khaid zain: we' Media gyidab we"- voomoo" joem ri vang: too" ge'. Babelon wigi bui" nhang: da" yau: khi" ri Aseing wigi thang loo" nyid wa.

DANIELA 5:28

Byo, sain" lo zi re" mungdain: ri byo, soin" loo" nhang: wigi Mede yo' Persi bang: yiri byid: pyam da» ga: zi nghoid.

DANIELA 8:2

Yoeb myang moo ngoo gi ngoo nya: gung ri Elam mung" du mo vang khyam: kyam' to" da" Susa voomoo" khoug: moo ju" nyid ziri dalheing: dam nyeigdain tung" shau" myang. Ngoo gi Ulai gyid: lang yam moo yab jo.

DANIELA 8:20

«Nang shau" myang da" khyoug: eig loem: yug da" yang loo: gi Medi yo' Persi mungdain: eig loem: ri yoeb myang myang nhang: zi nghoid.

ACTS 16:6

Houg: lang" gyeungshang: da" Venyi gi nyangnu" ri Asha mung" gyoo: moo mungdang: ri kho" kyoo" wa akhang" abyid: yoomo nyangnu" gi phrugi mung" yo' Galile mung" gyoo: khyo" so" lid lo.

ACTS 18:2

Hau: da" voogung moo gi Pontu mung" byu Akula ga: su: Yuda byu dayug yo' nya: yhoem: seing: myhi' Priskela eig yug yo' yhe: shau" go. Yuda byumyu" yi dangain" mo, gi Roma voogung mo thu' loo" ca"- ga: Roma khosen: phoo kolodi gi amyeing" khyo' kaid' yoomo nya: eig yug gi athei" myang" shi" ri Itali mung" mo ju" re" atang: nghoid ago".

ACTS 19:10

Hidsu" eig zain' loem: loem: koid lho: wigi Asia mung" moo zheung: nyid da- Yuda byumyu" yi yo' Tungbau byumyu": yi dangain" mo, gi Aseing: da" mungdang: ri zheung: shau" gyo: boem ago".

ACTS 19:27

Houg: yoomo hid: ngoonu" da" moozoo" ri myeing ze" shoin' pyam wa zi gyoug ca". Houg: za: we' anghoid shi" - gyi: sheung: da" phara" yhoem: gi ci" we' anghoid khari" loo: wa. Houg: lang" Asia mung" bang: dangain" yo' mougmyid goin" mo, coem goeb, pid' nyid da" phara" myhi, da" phung" yoeb, ri phue: lo" byug nhang: wa zi nghoid- ga: tid.

ACTS 19:31

Polu nya: bidnoem yi zheung: nghoid da- mungdain moo amyeing" yoo" mo, dayham" we' pui" mo, goo" jang: moo ayhe: nyid shug wa shid re byu nhang: kaid' wigi Polu ri mho' tid boem.

ACTS 2:8

Houg: ri nyangnu" tid da" dang: ri ngoonu" nyang: myeing" nyang: khyo" se' gyo: yu zigi khasu" nghoid lha".

ACTS 20:16

Polu gi Asia mung" moo bidnyid anau ze" thang nhang: noug yoomo Ephesu voogung nam, khyo" gu: lid loo" wa ga: myed phyed' to. Ge bue" nghoid rigi Pentikoti pui" moo myhi: sho' - Yerusalem voomoo" khyoo: ju" yhi: wa ziri nyang: hain: nyid.

ACTS 20:18

Nyang: nu" ju" re" boem lang" Polu gi nyangnu" ri ngoo Asia mung moo xang: shed" ju" re" da" bidnyid mo nanu" yo' ngoo dage" khasu" nyid lo da" khyoo: ri nanu" nyang: si' gu nghoid bye.

ACTS 20:4

Beria voobyu puru da" nya: zoo: Sopata: - Thesaloni voo mo Aristaku, yo' Sekundu- Derbe voo mo Ge- u Asia mung" mo, Tukhiku- Trophimu yo' Timothi gi nyang: yo' dage" bo cang yhe: lo" ago".

ACTS 21:27

Nghoid loug we' bidnyid nyhed nyid" byeung" loo lang" gi Asia mung" mo Yuda byu yi dayham" bang: gi noku yhoem: moo" moo shau" myang abye: go. Nyang: nu" gi mung" byu phung: goin" ziri lhu: nhau" pu: to' kaid lho: Polu ri myheung yu ago".

ACTS 24:18

Nyang: nu" gi ngoo kyeung sain' khyoo: ri bain koid thang: ri noku yhoem: moo" moo xoin" ngei" byid: uri ngoori myang boem. Hau uri gi ngoo yo' dage" mung" byu yi hang" we' anyed- mo, thei" mo, yug we' ci: abui".

ACTS 27:2

Ngoonu" gi Asia mung" thoem" yam, gukhuang" khyo" gu: yhe: loo" wa soin' nyid boem- Adramuti mo gyid sang phoo tho' moo yhe: do, zhoung lho: gu: yhe: lo" boem bye. Thesaloni voogung mo Makedoni byu- Aristaku gi ngoonu" yo' dage" bo cang re.

ACTS 6:9

Nghoid loug we' Alesandru yo' Koreni voogung mo Yuda byu yi we' bo da- lhoid pyoin kaid' zi shau" mo, da" tarha" jung moo bo nyid mo, dayham" gi Stephain ri ngeug pyam boem ago". Nyang: nu" yo' kiliki- Asia meing: mo mo, Yuda byu yi gi Stephain yo' coem, tid byo, go" nyid boem.

ACTS 7:2

Houg: lang" Stephain gi mang: nhung" yi we" - nheig boo mo, we"- tam" gyo: yu" ge'. Ngoonu" da" nya: phoug" Abraham, gi Haran voo, moo ayhe: nyid shi" ri Mesopotemia mung" moo nyid shi" mo phung" yoeb, bo thang da" Mangsoo gi nya: jang" moo thu' shug lho:

Roma 16:5

Nyanu" da" yhoem: moo lhoung no' ku" nyid da' phung: byu yi ri we' ngoo u" kaid' da" khyoo: ri bo tid khyoo" byid: ge'. Asha' moug: moo xang: shid" phung: vang loo su: nga" da' bidnoem phoo Eponetu ri we' bo u" byid ge'.

1Korinthians 16:19

Asi meing: mo phung: byu yi gi nanu" ri vhu" kaid ago". Akula yo' Priska eig yug yo' nyangnu" da" yhoem: moo: coem zeing: foem nyid da" phung byu yi we'- Khristain jhed' nheigloem: yo' nanu" ri gye" vhu" kaid ago".

2~KORINTHU 1:8

Mangnhung: yi we"- Asia mung" moo ngoonu" thoung" shau" yu" bye shid gyoin noogyoin, da" khyoo: nanu" ri doem tid poin" nau.ngoonu" da" tho' moo doin: zeug lo da" kyi" khyeug jam jau ein: da" yoovoin, gi-gye" gyi: ziyo' gye" lid: zi nghoid yoomo ngoonu" gi kangso' xo' dei nyid wa zilang" gi-nheig byu jang: aboo loo: sho' nghoid lo" boem bye.

TARHA" TID POIN" 23:4

Egutu mo nanu" thu lo da" gyung: khyoo: moo nyangnu" gi nanu" ri zoo: noem yo' gyid ri byid: khyo" apang" thoug goo" nghoid da:. Nyangnu" gi nanu" ri nheing" wa shid re" Mesopotamia moug: Pethora voomoo" mo Beora da" yuggi zoo: Balam ri ngho" ago".

2 TIMOTHI 1:15

Nang se' nyid bye: ziyo' dakhyoo" ti"- Phugelu yo' Heramoge eig yug yo' dage" Asi zoo: moo nyid bang: dangain" mo, ngoori she: pyam' khare" boem abye: go.

1PETERU 1:1

Aseing Yesu Khristu da" lagyoo: Peteru jang" mo Puntu: Galati- Kapadoki Asha mung" yo' Bethuni mung" joem moo byo sain" nyid mo, Mangsoo khyen: yu to" da" byu phung: yi jhang khyoo: mougsoug" lhid" kaid.

Pang Shug 1:11

Hau: da" thui: gi nang yo" myang yu bye: da" khyoo: joem ri mougsoug" bug moo lhid" kaid to" lho: Ephesu voo- Samurna voo Pegamu Thuatira Sardi Philadephia yo' Ladoki voo moo zheung: nyid da" phung nyhed loem: bang: jhang khyoo: foin: kaid' we' ga: tid.

Pang Shug 1:4

Ngoo Yohan gi Asia mung" mo phung nyhed loem bang: jhang khyoo: mougsoug" lhid" kaid. Goo" nham, pyaid he: da" pyaid thang: phyang" pyaid khanham we' dangid nyid da" Venyi: nyhed youg jang" mo we'

TARHA" AGYI 3:8

Houg: yoomo Aseing gi Israela byumyu" yiri nheig yo: wigi Mesopotamia khokham Kushan- Rishathim ri nyangnu" adang moo oung: pyam nhang: da:. Nyangnu" gi nyang: vhoebkhang" da" akhoug: moo shed zain nyid ago".