ACTS 2:47 - Lacid Common Language Bible

⁴⁷ Nyangnu" gi Mangsoo ri coung" nghei nyid zoore- byu dangain" bang: da" shid khoin" moo myonhoo: bo nyid ago". Aseing: gi khyoid yu zi shau" bang: ri nyid" khang" moo" nyangnu" phung: moo myo: loung: loo nhang: nyid.

ACTS 2:47 교차 참조

LUKA 19:48

Nghoidloug we' Byu dangain" mo, gi Yesu da" mungdang: ri tam" gyo: kham: yu nyid boem yoomo Yesu ri said pyam wa khyoo: ashau" shoo dang: dakhoin" lang" avoem" shoid boem.

LUKA 2:52

Zooshang: Yesu gi Gung shoo" gyi: sheung: lo zoore"- se' da" phajhi" myo: loung: lo lho: Mangso shid' khoin" moo we' Byu da" shid' khoin" moo we' myonhoo: rua: loo bye.

ACTS 11:21

Aseing: da" yoem: gi nyangnu" yo' dage" nghoid yoomo byu myoo" sho' mo, loem" jeung" lho: Aseing: jhang khyoo: phug lo ago".

ACTS 11:24

Barnaba gi byugi, nghoid ziyo' gyeungshang: nheigloem: yo' loem" jeung" da" nheigloem: byeung" su: nghoid wigi byu myoo" sho' mo, ri Aseing: jhang khyoo: yo" phoug lheung: loo nhang: su: nghoid.

ACTS 13:48

Tungbau byumyu" yi gi he: da" dang: ri shau" gyo: boem lang" gyo: ngei boem ziyo' Mangso mungdang: ri coung" nghei ago". Apyaid' atoo: mo, da" kangso' ri yo" yu wa shid re" khyen: yu zi shau" bye: mo, gu: gi Yesu ri Loem" jeung" lo boem bye.

ACTS 14:1

Ikoni Voogung moo Polu yo' Barnaba eig yug gi Yuda byu yi da" Tarha" jung moo zheung: vang lo" lho: kho" kyo" nyid uri Yuda byumyu" yi yo' nghi: zain, byumyu" yi gi Aseing Yesu ri loem" jeung" loem khau: lo byu myoo" sho' bo lo.

ACTS 14:21

Polu Yo' Barnaba eig yug gi ludang: gi ri Dabe Voogung moo kho" kyo" lho: wigi byu yi myoo" sho' bang: gi cangzoo: yi bue" lo boem ago". Hau: thang: moo nya: eig yug gi Lustra, voo- Ikoni yo' Pesidi mung" mo wigi Antioki voogung khyoo: doem tau" lo" ago".

ACTS 16:5

Houg: yoomo phung byu yi gi-hau: loem" jeung" khyoo: moo je" geung: teung lo wigi nyid" khang" moo" phung byu je" myo: loung: lo nyid ago".

ACTS 17:12

Nyang: nu" mo myoo" sho' mo, gi loem" jeung" lo boem bye- byunyed, azhang myhang: bye: da" - Grid" myiyi: yi myoo" sho' mo, yo' Grid" yuggi yi myoo" sho' bang: we' loem" jeung" lo boem ago".

ACTS 2:39

Khasu" wimgari- Mangso dang: soo" khoin" gi nanu" shid mo we' nanu" da" nya: myed: nya: zoo: yi shid mo we' ngoonu" da" Mangsoo Aseing: nyang- khe: yu bye: yoomo vi: moo nyid mo, dangain" bang: shid re" we' byid: too" bye.

ACTS 2:41

Nyangnu" myoo" sho mo, gi Petru kho" kyo" da" mungdang: ri loem" jeung" lo boem wigi Babtisma zheung: kham boem lho-hau: bidnyid moo loem" jeung" lo da" phung: byu yi soem khyeing"- hau: phung: moo loung: lo ago".

ACTS 4:21

Houg: yoomo Yuda tarha" yab, do, mo bang: gi-nya: eig yug ri je" thain khyo" zid" nhang: kaid' ago". Byu yi dangain" bang: gi bue" jo, da" khyoo: gang mo, Mangsoo ri coung" byid: nyid boem ago". houg: yoomo nyangnu" gi nya: eig yug ri yoobo dam ayo" byid: khyoo: Ri: yo" yu" se' yu boem ago".

ACTS 4:33

Lagyoo: yi gi Yesu doem dei, to lo" khyoo: ri yoem: zeing kaid lho: sagsi: kham nyid boem ago". Mangsoo gi nyangnu" dangain" bang: da" a tho' moo main, kaid, jeju" foid shoin" byid: nyid bye.

ACTS 4:4

Nghoid loug we' mungdang: ri tam" gyoo: bang: myoo" sho' bang: gi loem" jeung" lo boem bye. Houg: yoomo loem" jeing" mo, gi wim: khyeing" koo: je myo: loung: lo nyid boem bye.

ACTS 6:1

Hau: thang: atoung" myang" ri cangzoo: yi: gi myo: loung: lo nyid wigi Grid" myeing" kaid da" Yuda byu yi yo' Yuda myeing" kaid' da" Yuda yi da" agyoo: moo myeing" myoo: goo" wa khyoo: thu' lo da. Khasu" wim gari Grid", myeing" kaid da" Yuda yi gi nyid" khang" moo" nyangnu" da" coung" moo" myhi, yi ri gam, byid: da" zookhoo: ngei ri ngab, sho' - agam byid: boem ga: tid nyid ago".

ACTS 6:7

Houg: yoomo Mangso da" mungda in: gi xo' loo: xo' je" fu" nheung loo" bye- Yerusalem voomoo" mo da" cangzoo: yi gi je" je, myo: tham: lo wigi khainjung agyi yi myoo" sho' mo, we' - loem" jeung" lo boem ago".

ACTS 9:31

Houg: yoomo yuda meing: - Galile meing: yo' Samari meing: goin" jang" mo, phung byu yi gi shen" yhen zi ashug" loo: dayo, daboin: zoo: shau" nyid boem ago". Phung byu yi gi Aseing Yesu ri gyoug phau" nyid boem ziyo' - kangso' dei lho: gyeungshang: da" Venyi wigi, pang" thoug byid: yoomo geung: teung lo wigi phung byu yi gi je" myo: tham: lo nyid boem bye.

ACTS 9:35

Luda voogung yo' sharon voo moo nyid mo, mung" byu yi dangain" bang: gi Ainea ri zheung: myang lang" gi Aseing: jhang khyoo: lheung: lo boem ago".

Roma 14:18

Hid: khyo" wigi Khristu da" moozoo" ri voin vu su: ri Mangso: da' jheddab nheig shid: khyoo: yo" xangsu: byu yi da" coung" nghei" byid: khyoo: yo" yu wa.

Roma 8:30

Houg: yoomo Mangsoo: gi nyang: khyen: thu' too" mo ri khe: yu. Hougsu" khe: yu too" mo nya: shid' khoin" moo deingbyeing" mo agyeing" khyo" kham: yu lho: nya: myonhoo: phung yoeb ri - nyang: yo" dage" yo" bo kham: zoo: wa akhang" byid bye.

Roma 9:27

Israela byumyu" yo" sen: lho: - Esaia gi - Israela amyu" yi gi - panglai mid' doem: myhoo: myo: loug boem nghoid loug we' - nyangnu" khoug: mo dayham" za: khyoid' yu zi shau" wa.

1Korinthians 1:18

Khasu" wim ga: ri Khristu gi pyeing:" zeing tho' moo: shid: kham: ein: da- hau: pyeing:" zeing da" dang: kang: gi kangso venyi: soem" loo" mo, shid re" gi ce" akhyoo" avang da" dang: za: bue" nyid. Nghoid loug we' khyoid khyi: yu zi shoug" bang: da" shid re" koem gi Mangso da" yoem: moo" so' moo" nyang: nghoid bye.