ACTS 2:42 - Lacid Common Language Bible

⁴² Nyangnu" lagyoo: yi da" dang: ri jhau" yu zoore- dage" za: bo zoem" khau: nyid boem wigi zooyho' phe, gam go" khyoo: ri koid- dage" za: akyu" shoin" mho' wigi ayo, bidnyid ri lid loo" nhang: nyid ago".

ACTS 2:42 교차 참조

LUKA 24:30

Zoobui" moo nya: eig yug yo" dage" zhoung: jo, lho: zooyho' ri yu lho: mainkaid byid:. Hau thang: myang gi zooyho' ri phe, lhoi nya: eig yug ri gam byid: bye.

LUKA 24:35

Hau: thang: ri hau: eig yug gi khyoo: moo bue" da" zi we' zooyho' phe, gam nyid uri Aseing: nghoid zi boin: gyeing: lo da" khyoo: we lo" tid kyo" boem.

ACTS 1:14

Nyangnu" gi Yesu nya: myhi' Mari yo" we-goo tu: myi: myi: yi yo" we' Yesu da" nya: no, yo" we' atheing: loo: foem: phoung akyu" mho' lho: danyid nyid boem.

ACTS 11:23

Barnaba gi Antioki voogung khyoo: ju" yhe: lho: mung" byu yi ri Mangsoo gi khasu" ga: mainkaid byid: to" da" khyoo: ri yhe: myang lang" yu" gau, lho: wigi Aseing: ri nyangnu" da" nheigloem: khoug: moo teing" teing zei: ci: lho: wigi voin: tang: za: phau" cang nyid boem wa shid mo nyangnu" dangain" mo, ri yoem: byid: joug jhoin"

ACTS 14:22

Nya: eig yug gi loem" jeung" loo bang: ri yoem: byid: lho: loem" jeung" da" khyoo: moo- dain: dain: dayab, jo, boem wa shid re we' - nyangnu" ri tid poin" tid kyeing" byid: wigi Ngoonu" gi Mangso mungdain khyoo: vang loo" wa shid re" yau: khe" da" khyoo: myoo" sho' ri yo" lid phyed' loo" ca" - ga: kho" kyo" ago".

ACTS 2:46

Nyang: nu" gi nyid" khang" moo" noku yhoem: moo" moo zeung: foem: phoung nyid lho: nyangnu" da" yhoem: khoug: mo da" zooyho' ri gau yi ziyo' phe, lho-khyo, nyhoem: da" nheigloem: yo' dage" za: shoin" zoo: shoin" shug nyid boem ago".

ACTS 20:11

Polu gi yhoem: dang khyoo: doem, do, lo" lho: zooyho' ri shu" yu phi' zo:. Polu gi myo, myang sho' nyangnu" yo' dang: tid go" nyid. Hau: thang: rigi hau: voogung mo to' loo" bye.

ACTS 20:7

Ngoonu" gi bain thu khyug nyid" myenthang: ri zoem" khau: da" myen" xoin: zoo: wa shid mo zeung: foem: nyid boem. Polu gi thang: nyid" ri loo" wa zi nghoid wigi gam, gung myen: ju" sho' phung: byu yi ri tarha" kho" kyo" nyid.

ACTS 4:23

Petru Yo' yohan gi nya: eig yug ri nhang: kaid' yo' su- nyangnu" da" phoung foem: khyoo: doem tau" lo" lho: khainjung zeing yi yo' ludaid' vhu" jhung: yi nya: eig yug ri tid kaid' da" dang: joem ri nyangnu" ri lo" doem tid kyo" ago".

ACTS 4:31

Nyang: nu" akyu" mho' lang" gi nyangnu" nyid da" jo yoo gi lei: nain" lo lho: nyangnu" dangain" bang: gi gyeungshang: da" Venyi yo' byeung" lo wigi Mangso mungdang: ri agyug avoem, loo: za: yo" tid fu" lo" ago".

ACTS 6:4

Ngoonu" koem gi akyu" mho' ziyo' kho' kyo" da" moozoo" voin vu, da" jang" moo ayo, byeung" sho' byid: pyam' ca" nyid ga: tid ago".

Roma 12:12

Nanu" moo nheig nhei: jang: boo yoomo - gau yi ngei pyo: nyid ge'. Koug shu: sho" jhen: lo da bidnyid ri geing: geing: teing teing koid' nyid ge'. Ano: ayab loo: akyu" damho' nyid ge'.

1Korinthians 10:21

Nanu" gi hau: Aseing da" goem mo shoug lho: wigi- yu joem da" goem' mo doem ge shug wa zi anghoid. Hau: Aseing da": zoo: bui" mo we' yu joem da" zoo: bui" mo we' dage" age shoin" zoo.

1Korinthians 11:2

Nanu" gi khyoo: khaid gu: khang" moo" moo: ngoori: boin: so" nyid wigi- ngoo nanu' ri byid: too" bye: da" jhau" mho' thui'- nanu" cang zei: lo nyid boem bye: yoomo- ngoo nanu" ri coung" byid: nau.

1Korinthians 14:6

Houg: yoomo mang: nhung" yi we"- Akhid" ngoo nanu" jang" moo: ju" re" lho: gooki" lid: da" dang: aj" a: ja: tid nghoid loug we'- Mangso jang" mo lapi: dang:- lasi laleig da" dang:- Venyi: wigi: fang byid: da" mungdang: jhoug" byid: mhoo, byid: da" dang:- ngoo nanu" ri atid nghoid rigi- nanu" shid re" ce: akyu" boo wa la" ce" akyu" we' aboo.

GALATI 1:6

Khristu da" jeju" yo' nanu" ri khe: yu su: jang" mo wigi hid: yhi' gyeing" myab, khyo" nanu" gang: lo" wigi ngei bu: lu dang: gootu: ri lhoem: kham: yu nyid boem yoomo nanu" ri ngoo gye" mau" nyid.

Ephesu 2:20

Nanu" gi lagyoo: yi yo' lapi: yi zhoug to" da"-apoem: ayang: moo poug zhug do, loo" shau" mo, we' nghoid- Khristu Yesu nyang: koem gi hau" yhoem: mo geung: teung ayang: lug boem nyang: nghoid bye.

Ephesu 6:18

Mangso jang" mo pang" thoug khyoo: yo" yu baja"- goeb khyo' akyu" mho' ziyo' he: khyoo: dangain" gu: ri zei: so' nyid ge'- gyeungshang: da" venyi vhu" she: ziyo' dakhyoo" ti"- ayo, khang" moo" moo akyu" mho' nyid ge'- he: gang mo nheigloem: soozoo: lheung: nyid ziyo' khanham we' asoem" akham' goo" Mangso byu yi shid re" khanham we' akyu" mho' nyid ge'.

PHILIPI 1:5

Khasu" wim gari ngeibu: ge: da" moozoo" ri ngoo voin, yu, shed" lo da" bidnyid mo akhid" nyid" ju sho' hau" ngei bu lu dang: kho" kyo" da" khyoo: moo ngoori bo pang" thoug voin, vu, lid lo boem bye.

KOLOSE 1:23

Nanu" gi geung: teung da" ayang: moo nheigloem: zung" ziyo' agyi: zug wigi geung: teung jo, ge'. hau: lho: nanu" gi hau" ngei bu: lu dang: shau" gyo: da" uri nanu" yo" yu ci: da" nheig byu khyoo: ri moo" yoin da" dei zoo: dayug bue" loo bye- hau: ngei bu: lu dang: koem gi moug: gyab, goin" jang" mo byu yug khang" moo" ri kho" kyoo" bye: da" mungdang: nghoid nyid.

KOLOSE 4:2

Anoo: loo- atheing: loo: akyu" damho, nyid ge'. hau: tho' moo gootu: nanu" akyu" mho' khyoo: moo zed" zoore"- Mangsoo ri jeju" daboin: nyid ge'.

2 TIMOTHI 3:14

Nghoid loug we' nang koem gi jhau" mho' da" khyoo: ri kham: yu wigi geing: geing: teing teing loem" jeung" nyid bye: da" hau: deingmain" da" khyoo: moo xo' lho: d acang yhe: loo" we'. Re" sara: gi hang" nghoid ziri nang se' nyid gu nhgoid bye.

HEBRE 10:25

Nyhang" nyang: cang" zeung: foem: da" thung" ri ri dayham" gi she: pyam' nyid boem ago". Nyhang" gi houg: su" akoid boem loo: za: hau: Aseing: doem ju" ri" wa da" bidnyid jhang loo bye: ziri se' nyid boem bye: yoomo nyang: cang" nyang: je" wigi yoem: byid: go" nyid boem shang.

HEBRE 10:39

Ngoonu" gi doem tau" zoid phang: lo" da" byu yi anghoid loo: za: loem" jeung" lho: khyoid yu shau" da" byu yi nghoid nyid boem bye.

1YOHAN 1:3

Ngoonu" gi nya: phoo Mangsoo yo' we' nya: zoo: Yesu Khristu yo' we' zoem" khau: nyid boem zi nghoid boem zi nghoid wigi nanu" we' ngoonu" yo' dage" shau" zoem" khau: nyid boem goo" baja" ein:- ngoonu" myang yu" gyo: yu" bye: da" khyoo: nanu" ri tid fu" kyo" zi nghoid.

1YOHAN 1:7

Nghoid loug- nyang: gi bidbang moo nyid nyid yhang: ti"- ngoonu" we' bidbang moo kangso' dei so" yen" boem nghoid rigi ngoonu" dayug yo' dayug nyang: cang"- zoem" khau: nyid mo, nghoid boem ziyo' nya: zoo: Yesu da" suid" gi ngoonu" mo youg: noo yooboo dangain" ziri yo" cid" yung" cid" shang: pyam' byid: bye.

1YOHAN 2:19

He: da" byu yi gi khanham we' ngoonu" yo' zoem" khoug: wa zi ci: asen: mo, nghoid nyid boem yoomo ngoonu" jang" mo nyangnu" thu' lo" byug ago- ngoonu" yo' zoem" khoug: wa zi sen: mo, nghoid boem rikoem gi nyangnu" gi ngoonu" yo' dage" nyid nyid boem wa zi nghoid. Nghoid we' nyangnu" dangain" mo, gi ngoonu" yo' gyeing" nyang: asen: da" khyoo: bang bang myang thu' loo baja" ga: nyangnu" thu' lo" byug boem bye.

YUDA 1:20

Nghoid loug we' bidnoem yi we"- nanu" gi nanu" nya: da" gye" yung" lho' gyeungshang: da" loem" jeung" khyoo; moo ayang: zug jo, lho: nanu" da" kangso' dei khyoo; ri gyi: sheung: loo nhang: ge'. Gyeungshang: da" venyi yoem: vhoo: ri nghe: khau: lho: akyu"- mho' nyid ge'.