ACTS 2:4 - Lacid Common Language Bible

⁴ Nyangnu" dangain" bang: gi gyeungshang: da" Venyi: byeung" lo wigi Hau: Venyi wigi yo" tid wa yoem: so' byid: ziyo' dakyoo" ti" gootu: myeing" aja: ja: ri tid thu lo boem.

ACTS 2:4 교차 참조

2 SAMUELA 23:2

Aseing Venyi gi nga" gung khyo" wigi dang: tid nyid. Nya: mungdang: nga" nhoid moo bo nyid da:.

ESAIA 28:11

Nanu" ngoo ri atam" gyoo: wa nghoid rigi Mangsoo gi nanu" ri jhau" wa shid re" agyo: yu" da" myeing" ri ci: da" tungbau byu yiri ci: loo wa.

ESAIA 59:21

Houg: lho: ngoo nanu" yo' dang: theing koid to". Nanu" ri ngoo byid: to" da" nga" yoem: so' yo' nga" jhau" shid khyoo: gi nanu" shid re" apyaid atoo: nghoid wa. Houglho: akhid" mo zi nanu" gi ngoo ri tid dang: gyo: wigi nanu" da" zoo: shang: yi yo' nanu" da" amyed ashen yiri ju" loo wa da" ayo, goin" moo ngoo ri tid dang: gyoo: wa shid re" jhau" shid ge'» ga: tid da:.

YEREMIA 6:11

Nyangnu" ri nang nheig yo: zigi nga" gung khoo: moo we' nge" lung" jo, da:. Aseing we" hau: ziri ngoo ayo" zeing: ci: loo: nghoid kyi» ein: tid bye:. Houg: lang" Aseing gi ngoo ri «Nga" nheig yo: zigi fu" moo" khyoo: mo zooshang: yi adang khyoo: foid shoin" kaid wa. Houg: lho: zoolu: yi phung: moo foid shoin" kaid wa. Yhoem: seing: phoo yi yo' yhoem: seing: myhi' yiri we' shu" lo" boem wa. Houg: lho: gye" mang: byug bye: bang: rilang" teing too" byid: wa zi anghoid.

EZEKIEL 3:11

Houg: lho: pyoung" she: nyhid: too" shau" da" re" byumyu" yi jhang yhe: wigi ngoo yoem: moo" bo Aseing nyangnu" ri tid ziri nyangnu" tam" gyo: nghoid nghoid- atam" gyo: nghoid nghoid nyangnu" ri tid kyoo" we» ga: tid.

MIKHA 3:8

Hougsu: danghoid loug we' Aseing gi ngoo ri nya: yoem: so' Venyi yo' byeung" nhang: lho: nyeung veung" tarha" ri yo" si' nhang:- Israela byumyu" yiri nyangnu" da" yooboo ce: noem nghoid ga: ziri voem" tid kyoo" wa da" yoem: vhoo" ri byid: wa zi nghoid.

MATHE 10:19

Nanu" ri ab pyam' wa da" uri khasu" tid wa zi gi gung ayoug goo"- Khasu" phoug tu" wa da" dang: gi nanu" ri tid poin" loo wa.

MARKU 16:17

Loem jeung" mo, gi he: da alhoo: again joem ri yo" koid va, nga" myeung khyang" khyo" wigi yu joem ri khaid thu' pyam boem wa nghoid. Hau: lho: goo" ki" lid da" dang: joem ri tid loo goo" wa.

LUKA 1:15

Nyang: gi Mangso da" shid' khoin" moo gyi: sheung: su: nghoid wa. Nyang: gi zabyid yhid: yo' yed coid ja: yhid: ri shug wa su: anghoid.

LUKA 1:41

Elisabed gi gyeungshang: Venyi: yo" byeung" zoore.

LUKA 1:67

Houg: lang" nya: phoo Zakhari gi gyeungshang: da" Venyi yo" byeung" lho: Lapi: dang: khyo" tid zigi

LUKA 12:12

Nanu" Khasu" tid wa da" khyoo: ri gyeungshang: da" venyi: gi hau: uri jhoug" byid: loo wam bye: ga: tid.

LUKA 21:15

Khasu" wim gari nanu" da" gyivoo yi ayo" ngeig- ayo" shang" yab jo, sho' wim da" dang: yo"- nyan phajhi" yo' mungdang: ri ngoo nanu" ri byid: wa byid: loo wa yoomo nghoid.

LUKA 4:1

Aseing Yesu gi gyeungshang: Venyi: yo" byeung" lho: Yodan gyidlang mo doem lo da" uri gyeungshang: Venyi: gi Yesu ri dain" pyoid yoo khyoo khe: shu" vang lo" byug. Hau: joyoo moo bidnyid myidxi: nyid yu satan jhu phyo' zi shau" nyid.

YOHAN 14:26

Nghoidloug we' Phoo gi nga" myeing mo nhang: kaid wa da" pang" thoug su: ein: da" gyeungshang: da" Venyi: gi nanu" ri ja: khang" moo" jhoug" byid: wigi ngoo tid kyo" da" khyoo: dangain" ri doem myid boin: loo nhang: wa zi nghoid.

YOHAN 20:22

Houg: su" bain tid thang: ri Yesu gi cangzoo: yi da" tho' moo so' moid kaid lho: gyeungshang: da" Venyi: ri kham: yu ge" ga: tid.

ACTS 1:5

Yohan gi gyid yo' Babtisma byid: bye- nghoid loug we' khamyhoo, nyid" akyoo: ri nanu" gi gyeungshang: venyi wigi babtisma kham byid: zi shau" goo" wa nghoid.

ACTS 1:8

Nghoid loug we' nanu" da" a tho' moo gyeungshang: Venyi ju" gyoo" loo lang" gi-nanu" gi yoem vhoo" pyeung byid: zi shau" wigi Yerusalem voomoo" mo zi Yuda meing: goin- Samari meing: yo' moug: myed thang sho' moo nga" sagsi: yi bue" loo" goo" wa-ga: tid.

ACTS 10:46

Khasu" wim gari nyangnu" gi myeing" aja: ja: kaid' wigi Mangso da" gyi: thang phung" yoeb, ri gyisho' coung" nghei byid: nyid ziri nyangnu" shau" gyo: boem yoomo nghoid da.

ACTS 10:47

Houg: lang" Petru gi Hid: bang: gi ngoonu" yo' dakhyoo" ti" gyeungshang: Venyi: ri yo" kham: yu boem ago- Houg: yoomo nyangnu" gi gyid' moo babtisma kham: yu boem wa ziri we' hang" yo" toem, too" wa go" lha"» ga: tid thu' kaid' da.

ACTS 11:15

Houg: su" ngoo dang: tid shed" loo" yo' su- gyeungshang: Venyi gi shid' phyang" ngoonu" tho" moo ju" gyoo" re" ziyo' dakhyoo" ti" nyangnu" da" tho' moo we' ju" gyoo" re.

ACTS 11:24

Barnaba gi byugi, nghoid ziyo' gyeungshang: nheigloem: yo' loem" jeung" da" nheigloem: byeung" su: nghoid wigi byu myoo" sho' mo, ri Aseing: jhang khyoo: yo" phoug lheung: loo nhang: su: nghoid.

ACTS 13:52

Antioki Voogung moo nyid da" loem" jeing" bang: gi gye" ngeibu: boem ziyo' gyeungshang: da" Venyi yo' byeung" jo, ago".

ACTS 13:9

Houg: yoomo Polu ga: da" Sholu gi gyeungshang: Venyi yo' byeung" wigi nyang: gi goem, phain" phoo ri dain: dain: za: yu" zhoug to" lho:

ACTS 15:8

Byu yug khang" mo" da" ung: khoug: nheigloem: ri se' da" Mangsoo gi ngoonu" ri gyeungshang: da" Venyi byid: bye: ziyo' dakhyoo" ti" tungbau byumyu" yi ri we' - gyeungshang: Venyi byid: bye: ziyo' dakhyoo" ti" nyangnu" ri we' vho: nghei nyid bye: da" khyoo: ri toin" shid' too" bye.

ACTS 19:6

Polu da" lo, nyangnu" tho' moo ki" byid: lang" gyeungshang: da" Venyi gi nyangnu" da" atho' moo gyoo" lo wigi nyangnu" gi gooja: myeing" kaid' lo boem lho: Mangso mungdang: ri we' lapi: pe: lho: tid lo boem ago".

ACTS 2:11

Houg" su: wigi ngoonu" mo dayham" bang: gi Roma mo ju" re" da" Yuda yo' Yuda noku thung" khyoo: phoug lheug lo" da" tungbau byu yi nghoid ago". Hau: lho: ngoonu" mo dayham" gi-krewti yo' Arabia mung" mo bang boem ago". Nghoid loug we' Mangsoo bain zei: bye: da" gyeungshang: moozoo" joem ri shau" gyo: yu" boem zigi khasu" nghoid lha"» ga: tid nyid ago".

ACTS 2:3

Hau: thang: ri nyangnu" gi-nge" byo sain" lo" da" myiyham: yo' du, da" zi nyangnu" yug khang" mo" da" tho' moo dab, jo, ziri myang ago".

ACTS 4:31

Nyang: nu" akyu" mho' lang" gi nyangnu" nyid da" jo yoo gi lei: nain" lo lho: nyangnu" dangain" bang: gi gyeungshang: da" Venyi yo' byeung" lo wigi Mangso mungdang: ri agyug avoem, loo: za: yo" tid fu" lo" ago".

ACTS 4:8

Houg: lang" Petru gi gyeungshang: da" Venyi byeung" jo, yoomo nyangnu" ri mung" byu yi da" vhu" jhung: yi yo' ludaid yi we'

ACTS 6:3

Mang: nhung" yi we" hougsu" nghoid nyid yoomo gyeungshang: da" Venyi byeung" ziyo' phajhi" bo da" byu nyhed yug ri nanu" da" phung mo khyen: thu yu ge'. He: da" moozoo" ri Aseing: koid lho: zei: nyid wa shid re" ngoonu" gi nyangnu" ri nyheung too" ca" wa zi nghoid.

ACTS 6:5

Loem khoug: bang: daphung goin" gi lagyoo: yi tid fang da" dang: khoin" ri gyo: ngei boem bye- houg: yoomo nyangnu" gi loem" jeung" da" nheigloem: gyi: ziyo' gyeungshang: Venyi byeung" da- Stephain ga: su- Philib, Prokuru- Nikanora- Timun- Parmena- yo' Nikola ri khyen: yu boem ago". Hau: Nikola ga:" su: gi Antioki Voogung mo, Yuda noku thung" khoug: mo wigi phung: vang lo da- tungbau byumyu" nghoid.

ACTS 6:8

Stephain rigi agoin ago" da" mainkaid jeju" yo' yoem: vhoo" byeung" sho' byid: too" yoomo mung" byu yi da" shid khoin" moo mau" pho" da" alhoo: again joem yo' mau" pho" moozoo" gyi sho' koid shug byid: bye.

ACTS 7:55

Nghoid loug we' Stephain gi gyeungshang: da" Venyi byeung" jo, yoomo moug: khung: khyoo: tu: yu" kaid' ri Mangso phung" yoeb, yo' yesu gi Mangso lo, yo shoid moo yab, jo, ziri myang kaid.

ACTS 8:17

Houg: yoomo Petru yo' Yohan eig yug gi nyangnu" da" a tho" moo nya: eig youg da" lo, ki" byid: lho: nyangnu" gi gyeungshang: da" Venyi ri yo" kham: yu boem ago".

ACTS 9:17

Houg: yoomo Anania gi Sholu nyid da" yhoem: khyoo: vang yhe: lho: Sholu da" atho' moo nya: lo, yhe: ki" byid: wigi mang: nhung" phoo Sholu we" - nang he: voogung khyoo: do, lo da" uri khyoo: moo nang ri toin" shid' byid: da- Aseing Yesu nyang: wigi ngoori re" jang" moo nhang: kaid' zi nghoid. Nyang: gi nang myo, doem myang loo wa shid mo we' gyeungshang: da" venyi yoo" baja" ga: we' ngoori nhang: kaid' zi nghoid- ga: nyang: ri tid kyo.

Roma 15:13

Gyeungshang: da" Venyi: phung" yoeb gi nanu" da" loem" jeung" nheig shid: nheig deig da" khyoo: ri geing: teing tho' moo geing: teing loo wa shid' re" loem" jeung" nheig shid: neig deig nhang: da" Mangsoo: gi nanu" da" loem" jeung" yoomo nanu" ri gau yi ngei pyo: joeb byeung" nhang: zi yo" myenjham" khyoo: ri byid: baja" o".

1Korinthians 12:10

Hau: Venyi wigi nyang- dayug rigi: mau" pho" alhoo: again yo" koid shug wa da" yoem: vhoo"- gootu: dayug rigi: lapi: wa da" akhang" gootu: dayug rigi- Venyi mo yo" yu da" yoem: vhoo" yo' Venyi khyo" anghoid da" jhung" shug joem ri se' yu" phoid: kho' se' da" yoem: so'- Gootu: dayug rigi:- myeing" aja" ja: se' kaid da" yoem: so' yo' gootu: dayug rigi: tid da" dang: khoin" mo dang: kang: joem ri se' phoid: kyo" da" yoem: vhoo" byid: to.

1Korinthians 13:1

Ngoo gi byu da" dang: yo' mau lagyoo: yi da" dang- aja" ja: se' tid nghoid loug we'- jheddab nheigloem: abo rigi- baid' myheung da" mang" thui: yo' myeing tei" to" da" shab, sheing: yo' dadu nyid.

1Korinthians 13:8

Jheddab nheigloem: gi apyaid' atoo: moo: dajo, jo- gye" no, da" mungdang: joem, gi daso, moo: bei: lo" byug wa dang: aja: ja: se' tid khyoo: nghoid rigi- no: lo" byug wa lasi laleig khyoo: we' lai lo" byug wa zi nghoid.

1Korinthians 14:18

Nanu" hang" da" atho moo: we'- gooki" lid' da dang: aja" ja: ngoo se' tid yoomo- Mangsoo ri ngoo coung" nghei nyid.

1Korinthians 14:5

Nanu" nyid moo: nyid bang: gi gooki" lid' da" dang: tid wa ziri- ngoo vho: ngei nyid- nghoid loug we' Mangso mungdang: ri yo" kho" kyoo" wa da"- yoem: vhoo" yo' sen: da" jeju" ri je" yo" yu nhang: nau nyid. Khasu" wim ga: ri gooki" lid' da" dang: ri se' tid su: gi nyang: tid da" dang: kang: ri- phoid kyoo" su: nyid ri she'- hau: phung: ri dayo" geung: teing nhang. Hougsu" anghoid rigi- Mangso mungdang: kho" kyoo" su: gi gooki" lid' da" dang: se' tid su: tho' moo: phoung" je, dab, nyid.

Ephesu 3:19

Nghoid bye"- nya: da" jheddab nheigloem: rigi khanham we' bain si wa zi anghoid- Nghoid loug we' nanu" gi nya: da" jheddab nheigloem: ri se' lo wigi nanu" moo we' dabo jo, baja" ein: akyu" mho' nyid.

Ephesu 5:18

Yhid: ashug yed, nyid goo"- hau: zigi nanyang: ri lhu: phyo' shoin pyam wa zi nghoid nyid. Hau: gung khoo: venyi: yo' joeb byeung" nyid ge'.

Ephesu 6:18

Mangso jang" mo pang" thoug khyoo: yo" yu baja"- goeb khyo' akyu" mho' ziyo' he: khyoo: dangain" gu: ri zei: so' nyid ge'- gyeungshang: da" venyi vhu" she: ziyo' dakhyoo" ti"- ayo, khang" moo" moo akyu" mho' nyid ge'- he: gang mo nheigloem: soozoo: lheung: nyid ziyo' khanham we' asoem" akham' goo" Mangso byu yi shid re" khanham we' akyu" mho' nyid ge'.

1PETERU 1:12

Mangsoo hid: bang: ri' toin" shid' zigi akyu" yoo" wa shid re" anghoid- nanu' da" akyu" shid re" danghoid. Khasu" wim ga: ri nyangnu" gi nanu" akhid" lagyoo: yi jang" mo shau" gyo: yu da" ngei bu: lu dang: yo' sen: lho: no re tid to" boem- hau" ngei bu: lu dang: gi moug: khung: khyo" nhang: kaid' da" gyeungshang: da" venyi yoem: so' yo' lu dang: voin lagyoo: yi tid fu" byid: bye- hau: da" khyoo: yi ri moug: lagyoo: yi lang" bo, se' gyoo: nau nyid boem.

2PETRU 1:21

Khasu wim gari kha: da" lapi: dang we' byu yi da" myedsoin' nyeung khyoo: bue" thu' lo yu" zi anghoid. Gyeungshang: da" Venyi wigi nheugloem: lhu: too' byid: zi shau" bang: gi Mangso jhag mo ju" re" da" lapi: dang: ri thoid' tid kyo" ago".

1 SAMUELA 1:14

Nyang: gi Hana ri «Zabyid yhid: yed yhang: ti" nanya: gung ri hougsu" akoid shug nyid zabyid yhid: ashug loo za: sam" dab tung" nyid we'» ga: tid.

1 SAMUELA 10:10

Sholu yo' nya: dei zoo: gi Gebia joyoo moo ju" lo" uri lapi: daphung: yo' zheung: shoug" goo" bye:. Hau: uri Mangso Venyi gi nyeigdain tung" nyang: ri vhoebkhang" ziyo' nyang: we' nyangnu" yo' dage" nyho: wigi go" lho: lapi: pe: nyid jang: moo bo vang go" nyid bye:.