ACTS 2:36 - Lacid Common Language Bible

³⁶ Houg: yoomo Nanu" wigi pyang" zeing tho' moo baid' jen" said pyam da" hau: Yesu gi Mangso wigi Aseing: yo' Meshia khyo" tang: too" bye: ziri Israela byumyu" goin" khyag za: se' yu looge' o"- ga: tid kyo" da.

ACTS 2:36 교차 참조

YEREMIA 2:4

Yaku da" amyed ashen yi nanu" we"- Israela byumyu" kung: yi nanu" we"- Aseing mungdang: ri tam" gyoo: we'.

YEREMIA 31:31

Aseing tid zigi «Yuda byu yi yo' Israela byu yi yo' ngoo dang: theing aseig koid wa da" ayo, ju" lo nyid da:.

YEREMIA 33:14

Aseing tid zigi «Israela byu yi yo' Yuda byu yiri ngoo byid: to" da" dangsoo" joem ri ngoo zei: pyeing byid: wa da" ayo, ju" lo nyid da:.

EZEKIEL 34:30

Israela byumyu" yiri ngoo goem loem byid: ziyo' nyangnu" gi nga" da" byumyu" nghoid ziri yugkhang" moo" se' loo goo" wa. Ngoo yoem: moo" bo Aseing tid too" bye:.

EZEKIEL 36:22

«Houglho: akhid" gi Israela byumyu" yi shid re" Ngoo yoem: moo" bo Aseing da" mungdang: nyangnu" ri byid: we'. Ngoo koid wa ein: zigi Israela byumyu" nanu" akyu" shid re" anghoid. Nanu" ju" yhe: lo" da" mungdain: khang" moo" moo nanu" wigi ngi: yoem" nhang: da" nga" gyeung" shang: myeing shid re" koid wa zi danghoid.

EZEKIEL 36:32

Israela we"- ngoo gi he: gu: dangain" ri re" akyu" shid re" koid zi anghoid ein: ziri si nhang: nau. Nang koid da" sho' ja: yo' ngi: yoem" khyoo: nang ri kham zoo: nhang: nau yoomo koid zi danghoid. Ngoo yoem: moo" bo Aseing tid too" bye:»

EZEKIEL 45:6

Gyeung" shang: joyoo da" ayam moo jo, da" myidgung dadu nghoid da" 10 main: sheing: wigi 2 main: lam da" gu: gi Israela byumyu" yi mo hang" nghoid loug we' yo" nyid da" voomoo" khyo" teing too" ca" da:.

ZEKHARIA 13:1

Yoem: moo" mo Aseing tid zigi «Hau: da" bidnyid ju" lo uri David da" nya: myid: nya: zoo: yi yo' Yerusalem voomoo" moo nyid da" voobyu yi da" yooboo yo' soolhoo: ri no' da" khyoo: ri cid" shang: pyam' byid: wa shid re" gyid bug dakhyung: phang byid: wa.

LUKA 2:11

David da" voogung moo Aseing: Khristu ga: da" khyoid yu Aseing: gi Nanu" shid' re akhid" nyid" khu: loo bye.

ACTS 2:35

Re" gyivoo joem ri Re" da" khyid: nang: da" tang khug khyo" re" da" khavoo: khoug: khyoo: ngoo akaid' byid: byid: gi-Nga" lo, yo shoid moo dazhoung: jo, we' ga: wigi Hau Aseing: gi Nga" Aseing: ri tid da- ga: tid.

ACTS 5:28

Nyang: gi hau: youg myeing ri lang: lho-ci" we' ajhoug" byed: wa shid re" nanu" ri ngoonu" gi jhug jhug nyang: amyeing" byid: too" bye- nghoid loug we' yu" ge'- nanu" gi Yerusalem davoo goin" jang" moo nanu" da" jhau" mho' khyoo: za: byeung" shoin: loo" sho' koid to" abye: go- houg: yoomo nanu" gi nyang: shid: da" xang: gyoug: ri ngoonu" da" atho' moo foin: nau boem ago- ga: lagyoo: yi ri tid.

2~KORINTHU 5:10

Khasu" wim gari ngoonu" dangain" mo, gi tarha" dang: phyed zi shau" wa shid re" Khristu da" tang myhang shid moo thu' yab, ca" boem wa zi nghoid. Hau: da" uri ngoonu" dayug yo" dayug gi He" da gungsho" yhoem: moo nyid nyid shi" uri zei so" lid loo bye: da" ge da" moozoo"- age da" moozo" shid re" eung: ziyo' dakhyoo" ti" shau":" kham, zo: boem wa nghoid.