ACTS 2:32 - Lacid Common Language Bible

³² Mangsoo gi he: da" Yesu ri dei to'' loo nhang: abye:- hougsu" ngoonu" dangain" gi he: khyoo: yo' sen: da" sagsi: nghoid bye.

ACTS 2:32 교차 참조

YOHAN 15:27

Nanu" we' xang: shid" mo nyang:- ngoo yo" dage" nyid boem yoomo nga" da" khyoo: ri sagsi: kham: boem wa zi nghoid.

ACTS 1:8

Nghoid loug we' nanu" da" a tho' moo gyeungshang: Venyi ju" gyoo" loo lang" gi-nanu" gi yoem vhoo" pyeung byid: zi shau" wigi Yerusalem voomoo" mo zi Yuda meing: goin- Samari meing: yo' moug: myed thang sho' moo nga" sagsi: yi bue" loo" goo" wa-ga: tid.

ACTS 13:30

Nghoid loug we' Mangsoo gi Nyang: ri shid: jang" mo doem dei, to' loo nhang: wigi

ACTS 13:33

Nyang: gi khanham we' ashid: loo: wa ga: yoomo nyang: ri shid: jang" mo doem dei to' loo nhang: ziyo' sen: lho: wigi Mangsoo gi Ngoo David ri byid: wa ein: da" dang: soo" khoin" ri byid: too" bye.

ACTS 17:31

Khasu" wim gari nyang: khyen: yu too" su: da" lo, khyo" wigi nyang: gi mougmyid gyab, goin" ziri dain: nyeung khyo" tarha" dang: phyed' wa da" bidnyid' ri mhe, phyed' to" abye:. He: Khyoo: yo' sen: lho: yug khang" moo" ri sag si: toin" shid' wa shid re" hau: yug ri shid: jang" mo doem, dei to' loo nhang: bye.

ACTS 2:24

Nghoid loug we' Mangsoo gi-Nyang: ri shid: lo" da" yoem: so' lhoid kaid kho- shid: jang" mo doem dei to' loo nhang: bye. Khasu" wim gari shid: zigi Nyang: ri ayo" zei: lhoug too" nghoid da.

ACTS 3:15

Nanu" gi kangso' Aseing: ri said' pyam ago". Nghoid loug we' Mangsoo gi nyang: ri shid: jang" mo doem dei to' loo nhang: bye. ngoonu" gi hau: da" sagsi: nghoid nyid boem.

ACTS 3:26

Hougsu" nghoid yoomo nanu" yug khang" moo" ri akhyeung" da" lo, moo" mo-doemtau" loo nhang: khyo" wigi nanu" ri mainkaid byid: zi yo" yu wa shid re" Mangsoo gi Nya: deizoo: ri khyen: yu lho: nanu" jhang khyoo: Nyang: ri xang: shed" nhang: kaid' byid: abye:- ga: kho" kyo.

ACTS 4:10

Nanu" gi Nyang: ri pyang" zeing moo jen" said' pyam lho: Mangso wigi shid: jang" mo doem dei to' loo nhang: da-hau: Nazared mo yesu khristu da" myeing khyang" yoem: so' khyo" hau: khyid: yoin" su: gi nyeing" za: ge yang" loem" lo wigi he: khyi, nanu" da" shid khoin" moo yab, jo, ziri-nanu" dangain" bang: yo' Israela byumyu" yi dangain" mo, se yu loo: ge'.

ACTS 4:33

Lagyoo: yi gi Yesu doem dei, to lo" khyoo: ri yoem: zeing kaid lho: sagsi: kham nyid boem ago". Mangsoo gi nyangnu" dangain" bang: da" a tho' moo main, kaid, jeju" foid shoin" byid: nyid bye.

ACTS 5:30

Ngoonu" phoug" phyid" yi da" Mangsoo gi nanu" wigi pyang" zeing tho' moo baid' jen" said' pyam da" Yesu ri shid: jang" mo doem dei to'' loo nhang: bye.

1Korinthians 15:15

Hau: tho' moo: goo" tu- ngoonu" gi Mangso khyoo: moo: mhau, da" sagsi: yi bue" lo" boem bye. Khasu" wim ga: ri Mangsoo gi Khristu ri shid: jang" mo doem dei to' loo nhang: bye: ein:- ngoonu" tid boem bye. Gyeing" nyang shid: bye: bang: ri- kangso dei nyid jang" khyoo: adoem tu: to' kaid nghoid rigi- Mangsoo gi Khristu ri shid: jang" mo doem tu: to' kaid wa zi anghoid.

1Korinthians 6:14

Mangsoo gi hau" Aseing ri shid: jang" mo doem dei to' loo nhang: khyo" wigi- ngoonu" ri we' nya: da" yoem: zeing mo doem dei to' loo nhang: wa zi nghoid.

2~KORINTHU 4:14

Aseing Yesu ri - shid: jang" mo doem dei to'' loo nhang" da" Mangsoo gi ngoonu" ri we' Aseing: yesu yo' dage" doem dei to'' loo nhang: wa zi nghoid yoomo nanu" yo' dage" nya: shid khoin" moo shu" yu wa zi nghoid ziri ngoonu" se' nyid boem.

GALATI 1:1

Byu da" amyeing" yo' lagyo: aya: moo nyhed: to" zi we' nghoid- byu yi da" byu nyid byu yab khyo" cang lho: wigi nyheung to" da" lagyoo: we' anghoid. Yesu Khristu jang" mo we' nyang: ri shid: loo" bye: bang: mo-dei to'' loo nhang: da" Mangso amyeing" khyo" wigi lagyoo: nghoid nyid da" ngoo Polu gi

Ephesu 1:20

Khirstu ri shid: bye: jang" mo doem dei to'" loo nhang: wigi moug: khung: moug di mo Mangso lo, yo shoid moo zhoung: jo, nhang: da" uri ci: yhoung: da" yoem: moo" so' moo" nyang: nghoid bye.

KOLOSE 2:12

Nanu" gi Babtisma kham: yu da" bidnyid ri nyang: yo' dage" myhoeb, pyam' zi shau" wigi Khristu ri shid: jang" mo doem dei to' loo nhang: Mangso da"-yoem: moo" ri loem" jeung da" laloem, lakhoug: yoomo Khristu yo' dage" dei to'' loo nhang: zi shau" boem bye.

HEBRE 13:20

Nya: kangso' ri xoin" to' pyam' lho: shid: kham: ziyo' apyaid atoo: moo dang: theing go" to" da' dazig ri thung" bye: yoomo Yang phung: yi da" yang lhug zoug: moo" ein: da" ngoonu" da" Aseing Yesu ri Mangsoo gi shid: jang" mo doem dei to' loo nhang: bye. Nanu" gi nyang: myid vho: khyoo: ri yo" cang dei: loo" wa shid mo nanu" moo ca" nyid da" khyoo: khaid khang" moo" ri-ngei pyo: Aseing: Mangsoo gi nanu" ri joeb, byeung" loo nhang: baja"- Aseing: gi nyang: myid vho: ziyo' dakhyoo" ti"- Khristu da" gang mo nanu" ri joeb, byeung" loo nhang: loo nhang: bye. Yesu Khristu moo myonhoo: phung" yoeb, gi apyaid atoo: dajo, jo, baja" o".

1PETERU 1:21

Nyang: mo wigi nanu" Mangsoo ri loem, khau: loo bye- Mangsoo gi Yesu ri shid: jang" mo doem dei to'' loo nhang: wigi myonhoo: phung" yoeb, thu loo nhang: bye- Yesu khyo" wigi nanu" hougsu" loem" jeung loem khau: nheig byu khyoo: gi Mangsoo moo zoug jo, wa zi nghoid.