ACTS 2:30 - Lacid Common Language Bible

³⁰ Nyang: gi lapi: nghoid lho-Mangsoo gi nyang ri dang: soo" khoin" byid: to" ziri nyang: se' da. Mangsoo gi David khokham" yo' dakhyoo" ti" khokham" koid wa nya: da" akung: mo khokham" thu ri" nhang: wa ga- jham, tang: to.

ACTS 2:30 교차 참조

2 SAMUELA 23:2

Aseing Venyi gi nga" gung khyo" wigi dang: tid nyid. Nya: mungdang: nga" nhoid moo bo nyid da:.

ESAIA 7:14

Houg: lang" gi bye:. Aseing gi nyang: nyang: avoid daja: ngoonu" ri byid: loo wa. Hau: zigi gung lid: da" zoomyi: dayug gi yuggi zoo: dayug khu: loo wa. Nya: myeing gi Emanuela ga: myheing loo wa.

YEREMIA 30:9

Hau: gungthid- nyangnu" gi nyangnu" Mangsoo- ngoo Aseing ri we' ngoo wigi khokham khyo" nyang: ri zhungtang moo zhung: nhang: da" David da" amyed ashen dayug ri dei byid: loo goo" wa.

MIKHA 5:2

Aseing tid zigi «Bedlehem Ephrad we"- nang gi Yuda voogung joem mo nge thang voogung daloem: nghoid loug we' goonham' gooco' byuyoug gyung: gyo" loo su: Israela khokham dayug ri nang mo khu: thu loo nhang: wa nghoid.

MATHE 22:43

Yesu gi «houg su" nghoid lang" gi David gi gyeungshang: Venyi: khyo" Meshia ri Aseing ga: ci: wim tid lha".

MATHE 27:35

Hau: thang: ri nyangnu" gi Aseing yesu ri pyang" zeing tho' moo baid jen" too" bye. Hau: thang: ri nya: byimi rigi me" lab' lho: gam go" boem.

MARKU 12:36

Re" gyivoo joem ri re" khyid: voo: khoug moo ngoo atoo" byid: byid: gi nga" lo, yo shoid moo dazhoung: jo, we' ga: hau: Aseing: gi nga" Aseing: ri tid da:› ga: David gi gyeungshang: Venyi: vang lho: tid da.

LUKA 24:44

Hau: thang: ri nyang: gi Moshe da" tarha"- Lapi: yi da" tarha" mungdang: yo"- coung" nghei mougsoug" moo nga" khyoo: yo" sen: wigi lhid" to" da" khyoo: joem gi bui" nyang: bue" loo wa ein: wigi nanu" yo" dage" nyid shi" uri ngoo tid kyoo" bye: the,- ga: nyangnu" ri tid.

ACTS 1:16

Nga" Mang: nhung" yi we-Yesu ri myheug mo, ri khyoo: shu" shed su- Yuda yo' sen: lho: wigi gyeungshang: da" Venyi khyo" David da" nhoid mo tid to" da-Jhoem: mungdang: gi zung: loo wa zi nghoid bye.

Roma 1:3

Hau: ngeibu lu dang: ein: zigi - David akung: mo khu: lo lho: xang: su: byugung re" void da" Mangso nya: zoo: ngoonu" da" Aseing Yesu Khristu da" khyoo: nghoid.

Roma 15:12

Xo' lho: Esaia tid zi gi Yesu da" nya: myid: nya: zoo: dayug gi nyid ri" wa - tungbau byumyu" ri vhoeb' khang: wa shid' re" - nyang: gi tungbau byumyu" ri tu: to' vhoeb' khang" nhang: lho: nyanu" gi nyang: moo- nheig shid: nheig deig da" nheig byu, nheig nhei: khyoo: yoo" wa - ga: tid to.

2 TIMOTHI 2:8

Ngoo kho" kyo" da" ngei bu: lu dang: moo bo ziyo' dakhyoo" ti"- shid: byug bye: bang: mo doem, dei to'' lo da" David da" akung: ako'' nghoid nyid da" Khristu Yesu ri boin: so" nyid we'.

HEBRE 1:1

Goonham, da" apyaid moo Mangsoo gi ngoonu" da" phoug" phyid " yi ri dang: tid da" khyoo: myoo" sho' lheing- akhyoo" again aja: ja: khyo" lapi: yi da" nhoid mo tid kyo" lid loo bye.

HEBRE 3:7

Hougsu" nghoid yoomo hau: gyeungshang: da" Venyi tid ziyo' dakhyoo" ti"- Akhid" nyid" nanu" Mangso dang: shau" gyo: nghoid rigi

HEBRE 4:7

Houg: su" yo" kham: yu da" khyoo: ri (akhid" nyid" ga: da" bidnyid goo" nyid" Mangsoo: doem nyheung xoem" too" byid: bye, ga: da" khyoo: dakhaid yo' sagsi: toin" shid ' nyid. Aseing: gi jhoem: mungdang: moo tid too" bye: ziyo' dakhyoo" ti"- zain, void, gye" myang" thang: ri David da" nhoid yo') Ngoonu" khuid" nyid" nya: da" thui: shau" gyo: boem nghoid rigi nanu" u" loem: athain: nyid loo: goo".

HEBRE 6:17

Mangsoo gi nyang: myid soin' nyheung lo" da" khyoo: joem ri thed' pyam'- shai" loo" nhang: wa zi anghoid loo: za: dang: soo" khoin" yo' sen: da" agyid asoo: kham: yu mo, ri bang bang toin" shid' nau nyid. Houg: yoomo nya: da" dang: soo" khoin" moo jham, tang: dang: lung: kaid to.

HEBRE 7:21

Nghoid loug we' Yesu gi jham, tang: to" dang: yo' khainjung bue" loo bye. Mangsoo nyang: ri tid zigi (Nang gi apyaid' atoo: mo khainjung bue" loo wa" ga: wigi hau: Aseing: gi datheung tid bye: yoomo Nyang: tid to" dang: ri yoeb, yu loo: wa zi anghoid, ga: wigi tid.

2PETRU 1:21

Khasu wim gari kha: da" lapi: dang we' byu yi da" myedsoin' nyeung khyoo: bue" thu' lo yu" zi anghoid. Gyeungshang: da" Venyi wigi nheugloem: lhu: too' byid: zi shau" bang: gi Mangso jhag mo ju" re" da" lapi: dang: ri thoid' tid kyo" ago".

Pang Shug 17:14

Houg: bang: gi hau: yang nu" yo' meing: zain: goo" wa zi nghoid loug we' hau: yang nu" ginyang: khe: yu too" mo, khyen: yu too" mo, yo' nheigloem: zung" lho: nya: thang: cang mo yo' dage" houg: bang: ri oung: pyam wa zi nghoid. Khasu" wim gari nyang: gi Aseing: yi tho' mo Aseing: - Khokham" yi tho' mo khokham" nyang: nghoid nyid.

Pang Shug 19:16

Nya: da" byisheing: yo' nya: tang" boug" moo " Lhed" tab to" da" myeing gi " Khokham" yi da" Khokham" - Aseing: yi da" Aseing:,, ga: lhid" to".