ACTS 2:3 - Lacid Common Language Bible

³ Hau: thang: ri nyangnu" gi-nge" byo sain" lo" da" myiyham: yo' du, da" zi nyangnu" yug khang" mo" da" tho' moo dab, jo, ziri myang ago".

ACTS 2:3 교차 참조

APOEM AYANG: 11:6

Hau: lho: nyang: gi «Houg ri akhid" he: byu yi dangain" gi byu damyu" myeing" daja: za: nyangnu" kaid nyid boem. He: zigi nyangnu" zei: zo" lo" nyid da" moo" aseig dashid" lo" nyid ashi". Daso' lang" nyangnu" koid nau ziri yo" bain koid boem wa myang.

COUNG" NGHEI 55:9

Aseing we"- nga" gyivoo joem tid nyid da" dang: ri lhu: lheug pyam byid: we'. Voomoo" khoug: moo: athoug" akhyoug: anhung akhoid khyoo: ri ngoo myang.

ESAIA 6:5

Ngoo gi «Nga" shid re" myid byu khyoo: ajo, ngoo gi joem bye:. Ciwim gari nga" nhoid mo thu da" dang: khoin" khang" moo" gi yooboo byeung" jo, da:. Houg: lho: ngoo gi yooboo dang: kyeing" tid da" byu phung: khoug: moo nyid nyid. Nghoid loug we' ngoonya: myojid" wigi nyang: myhang: thang Aseing khokham ri shau" myang bye:» ein: tid bye:.

YEREMIA 23:29

Nga" mungdang: gi myi: yo' du wigi lug moo" boem ri ajab jab baid mhoin' pyam da" baid du yo' du da:.

MATHE 3:11

Ngoo gi nheigloem: thid' goo" baja" ein: nanu" ri gyid moo baptisma ri byid: bye. Nghoidloug we' nga" thang: moo ju" ri" wa su: gi nga" tho' mo yoem: je boo su: nghoid wigi nya: da" khyid: baid' voin byid: wa zilang" ngoo amoin: yi. Hau: yug gi gyeungshang: Venyi: moo we' myi: moo we' nanu" ri baptisma byid: wa su: nghoid.

MATHE 3:15

Houg: ri Yesu gi «akhid" nyang: houg: zei: byid: we' deung main" da" khyoo: ja: khang" moo" ri zei: byeung" wa zigi ge nyid bye:» ga: nyang: ri tid. Houg: lang" hau: moo" nyang: ri zei: byid: bye.

LUKA 24:32

Nya: eig yug gi khyoo: moo nyang: gi yha" eig yug ri dang: tid nyid da" uri we' Jhoem: mungdang: phoid: kyo" uri we' yha" eig youg da" nheigloem: moo myi: yham: dab nyid yhangti"- wim nyid anghoid la"» ga: nyang: cang" nyang: tid go" nyid.

ACTS 1:15

Hau: thang: atoung" myang" ri loem" mo, dasho: eig xi: yug koo- zeung: foem: phoung nyid boem ago, Houg: lang" Petru gi to' yab, lho: wigi

ACTS 2:11

Houg" su: wigi ngoonu" mo dayham" bang: gi Roma mo ju" re" da" Yuda yo' Yuda noku thung" khyoo: phoug lheug lo" da" tungbau byu yi nghoid ago". Hau: lho: ngoonu" mo dayham" gi-krewti yo' Arabia mung" mo bang boem ago". Nghoid loug we' Mangsoo bain zei: bye: da" gyeungshang: moozoo" joem ri shau" gyo: yu" boem zigi khasu" nghoid lha"» ga: tid nyid ago".

ACTS 2:2

Ug lid hau, lo te" da" thui: da ja-moung: khung: khyo" nyid' dain tung" myeung thu lo wigi nyangnu" zhoung: jo, da" yhoem: goin" jang" moo hau: da" thui: byeung" jo, bye.

ACTS 2:4

Nyangnu" dangain" bang: gi gyeungshang: da" Venyi: byeung" lo wigi Hau: Venyi wigi yo" tid wa yoem: so' byid: ziyo' dakyoo" ti" gootu: myeing" aja: ja: ri tid thu lo boem.

1Korinthians 12:10

Hau: Venyi wigi nyang- dayug rigi: mau" pho" alhoo: again yo" koid shug wa da" yoem: vhoo"- gootu: dayug rigi: lapi: wa da" akhang" gootu: dayug rigi- Venyi mo yo" yu da" yoem: vhoo" yo' Venyi khyo" anghoid da" jhung" shug joem ri se' yu" phoid: kho' se' da" yoem: so'- Gootu: dayug rigi:- myeing" aja" ja: se' kaid da" yoem: so' yo' gootu: dayug rigi: tid da" dang: khoin" mo dang: kang: joem ri se' phoid: kyo" da" yoem: vhoo" byid: to.

YAKU 3:6

Yhoo: we' myi: yo' du nyid wigi shoid vhang: da" khyoo: yo' byeung" jo- hau: zigi gung du: mo ako' daloem: za: te: nghoid loug we' - ngoonu" da" gung goin" moo yooboo yo" dab, loo nhang: nyid. Hau: yhoo: gi ngoonu" da" gung goin: ziri aco' ajhoid koid pyam wigi ngarai mung" mo myi: yo' nyang:- ngoonu" da" kangso' gyung: khyoo: dangain" ri yo" nge" joem: loo" nhang: pyam.

Pang Shug 11:3

Jid: moo" byimi void ci: da" nga" sagsi: eig yug ri ngoo nhang: kaid' wa Nya: eig yug gi bidnyid 1260 nyid agyoo: moo Mangso mungdang: ri lapi: dang: khyo" kho" kyoo" wa,, ga: tid.

Pang Shug 14:6

Hau: thang: rimoug: myid mungdain loem: khang" moo" moo nyid da" myeing" acang: joeb, bang:- byumyu" acang: joeb da" bang: ri tid fu" kyoo" wa shid re" apyaid' atoo: mo ngei bu: lu dang: gi ri ci: lho: moug: laid' moo dang: lheung: nyid da" moug: lagyoo: gootu: ri ngoo myang.