ACTS 2:26 - Lacid Common Language Bible

²⁶ Houg: yoomo nga" da" ung: khoug: moo ngei bu: zi byeung" jo, ziyo' Nga" nhoid yhoo: moo gau yi zi byeung" jo. ngoo gi shid: loo" se' da" byu nghoid loug we' nheug byu lho: nheigloem: myen myen shau" dei nyid wa nghoid.

ACTS 2:26 교차 참조

COUNG" NGHEI 16:9

Hougsu" nghoid yoomo ngoo nheugshid: yoem: yo" yu. Gau yi lho: ce" gyi we' aboo loo: myenjham" nyid bye:.

COUNG" NGHEI 30:11

Nang gi nga" da" sho" jhen: koug shu: khyoo: ri yu pyam byid: lho: ngei pyo: gau yi ziyo' lheung khoem too" nhang: bye:.

COUNG" NGHEI 63:5

Nga" da" soozoo: gi cau: main' da" zoo: noem ri shoug" zo: yhang: ti" nheugshid: zi shoug" wa nghoid wigi ngoo nang ri coung" nghei da" gau yi jikhoin" joem ri khoin" nyid wa nghoid.

COUNG" NGHEI 71:23

Re" shid mo teing baid uri ngoo gau yi nyho: nyid wa. Nang gi ngoo ri khyoid yu bye: yoomo nga" nheigloem: ung: khoug: gung du dangain" yo' ngoo jikhoin" khoin" nyid wa nghoid.

ACTS 2:25

Nya: khyoo: yo' sen: lho: Davidd tid to" zigi "Ngoo gi Aseing: ri ayo, khyeing: khang" moo myo, shid' ti: moo nyang: shau" myang nyid-Nyang: gi nga" da" anam, moo nyid nyid yoomo ngoo gi yau: khe" khyoo: shau" loo: wa anghoid.

ACTS 2:27

Khasu" wim gari Nang gi ngoori - shid: lo" da moovo, moug: moo she: pyam too" wa zi anghoid. Nang gi loemlug da re" deizoo: ri loeb duang: khoug: moo boeb, pyam nhang: wa zi anghoid ga: tid nyid.