ACTS 19:9 - Lacid Common Language Bible

⁹ Nghoid loug we' nyangnu" mo dayham" bang: gi nheigloem: thain: nyid boem yoomo aloem" jeung" boem nghoid ago". Houg: yoomo nyangnu" gi mung" byu dangain" bang: da" shid' khoin" moo Aseing: da" khyoo: ri age khyo" tid phue: pyam' byid: boem ago". Houg: yoomo polu gi loem" jeing" bang: shu" lho: nyangnu" mo zheung: thu' lo" wigi Turanu ga: su: da" phajhi" jung moo nyid" khang" moo" mungdang: ri tid go" koin, da" zoeb, phung ri koid nyid boem ago".

ACTS 19:9 교차 참조

2 KHOKHAM 17:14

Nghoid loug we' nyangnu" atam" gyoo: nghoid da:. Nyangnu" Aseing Mangsoo ri aloem da" nyangnu" phoug" phyid" yi yo' dakhyo" nyangnu" nheigloem: thain: ago".

2 KHOKHAM MHOOMYID: 30:8

Nyangnu" yhang: ti" nheigloem: athain: goo. Aseing dang: ri koem' gi tam" gyoo: we'. Nanu" da" Aseing Mangso wigi apyaid atoo: moo gyeung" shang: sho' koid to" da" Yerusalem mo Noku Yhoem: Moo" khyoo: re" bo we'. Houg: lho: nyang: nanu" ri nheig ayoo: baja"- nyang: ri noku we'.

2 KHOKHAM MHOOMYID: 36:16

Nghoid loug we' nyangnu" gi Mangso da" lagyoo: yiri aphoug" akhyoid koid- nya: mungdang: joem ri cishu: anhang:- nya: lapi: yiri yi juang" pyam byid: ago". Houg lho: lo" thang moo nya: byumyu" yiri Aseing da" nheig yo: zigi hang" we' ayo" phang: loid loo sho' sung gyi: byug da:.

NEHEMIA 9:29

Nang gi nyangnu" ri re" jhau" shid khyoo: joem ri cang wa shid re" tid poin" da:. Nghoid loug we' re" tarha" cang zigi kangso' dei khyoo: nghoid loug nyangnu" da" nghoid boin: myid yo' re" tarha" ri ngeug he: pyam ago". Nyangnu" gi myo, yang" ziyo' nheigloem: thain: yoomo anau cang nghoid ago".

COUNG" NGHEI 95:8

Meriba moo: nyid lid loo bye: nanu" da" nya: phoug" phyid" yi yhang: ti" we' Nasa siyoo khoug: moo hau: bidnyid ri nyangnu" koid lid lo yhang: ti" we' nanu" da" nheigloem: ri athain: nyid loo: goo.

DANG: ZHOEM 8:34

Nga" dang: ri tam" gyo: ziyo' nga" khoem" duang: moo: nyid" khang" moo" nyid nyid wigi nga" yhoem: khoug: moo: vang lo da" khoem" duang: moo: dalang" nyid su: gi ngilhoo' wa nghoid.

ESAIA 8:14

Nga" gyoug pho" gyeung" shang: zi yoomo byumyu" yi khyid: vhu" thung" leung boem da" lug boem yo' dayhang: ti" ngoo bue" nyid da:. Ngoo gi Yuda mung" byu yi Israela mung" byu yi yo' Yerusalem byu yi dangain" mo, myi" boem wa zi nghoid da" lhid' yo' dayhang: ti" bue" nyid da:.

YEREMIA 19:15

Myhang: thang Aseing Israela da" Mangsoo gi «Nanu" nheigloem: thain: wigi ngoo tid dang: atam" gyoo: goo" wa ngoo koid wa ein: tid to" da" yooboo dam dangain" ri ngoo gi he: voomoo" yo' aqei: ayam voogung khang" moo" adang moo bue" loo nhang: wa ga: tid to" ziri byu dangain" bang: ri tid kyoo" bye:.

YEREMIA 7:26

Nghoid loug we' hang" we' atam" gyoo: cishu: we' anhang: nghoid ago". Hau: gungthid- nanu" gi nanu" phoug" phyid" yi tho' je nheigloem: thain: wigi je goemlu too' wa myid bo ago".

MATHE 15:14

Houg: bang: yoomo myid amyoo: goo"- nyangnu" gi myo, jed mo ri khyoo: shid: da" myo, jed mo, nghoid. Myo, jed nyang: cang" khyoo: shed go" rigi eig youg duang: khuang" moo byid: gyo" zi shau" wa nghoid» ga: doem tid kyo.

MATHE 16:4

He: da" pyaid mo byu yi gi gye" akhyeing" ashoeb' zi nghoid lho: Mangsoo yo" kha: yhi' ve: gang: nyid boem bye: nhung: lha". Nanu" gi ngoori alhoo: again mho' go" la". Nghoidloug we' Yona da" alhoo: again mo gootu: ce" alhoo: again we nanu" myang wa zi anghoid» ga: wigi tid. Houg: lang" Yesu gi houg: bang: jang" mo thu' loo" bye.

MATHE 26:55

Hau: thang: ri Yesu gi hau byu phung: yi ri «nanu" gi khyang toug ri myheing yhangti"- ngoori myheig wa shid re" thung" keing: we' sham: lham: we dari" go" la". ngoo ginyid khang" moo" noku yhoem: moo" moo zhoung: jo, lho: jhau" mho' nyid da" uri nanu" ngoori ci: wim amyheig atei go.

YOHAN 12:40

Nyangnu" abyang" yu yu gi nyangnu" da" myojid" joem gi ayo" myang wigi Nyangnu" da" nheigloem: gi a oung: se' gyoo: wa ziyo' nyangnu" nya: jhang khyoo: ayo" tau" loo wa shig re" Mangsoo gi-nyangnu" da" myo, ri jed' nhang: lho: nyangnu" nheigloem: khoem" ri myhid" too" bye: ga tid.

ACTS 11:26

Nyang: gi Sholu ri yhe: shau" myang lang" Antioki voogung khyoo shu" lo" wigi nya: eig yug gi da zain, goin" houg: moo phung: byu yi yo' zoem" khau: nyid lho-byu myoo" sho' ri yo" jhoug" byid: ago". Hougsu" loem" jeing" mo, ri khristan yi ga- xang: shed" myheung shid" byid: zigi-Antioki voogung moo nghoid.

ACTS 14:4

Houg: mo mung" byu yi gi eig phung gyo" lo" lho: daphung: gi Yuda byumyu" yi shoid khyoo: bo- gootu: daphung: gi lagyoo: yi thang: khyoo: bo dab, boem ago".

ACTS 17:4

Nyang: nu" mo dayham" gi loem" jeung" lo boem wigi Polu yo' Sila shoid khyoo: bo dab, ago".

ACTS 19:23

Hau: ayo, moo Aseing: yesu gang mo Ephesu voogung moo yau: khe" khyoo: azeing bue" thu' loo bye.

ACTS 19:30

Polu nyang: gi-Meing: byu yi da" shid khoin" khyoo: yhi: nau, nghoid loug we' -Loem" jeing" bang: gi nyang: ri ayhi: nhang: nghoid ago".

ACTS 20:31

Houg: su" wigi ngoo nanu" yug khang" moo" ri soem" zain loem: loem: nyang: nyid" ri myen" ri ngoug byed' ngoug nhab, myoo" sho' gyo" lho: wigi kho" kyo" jhoug" byid: bye: khyoo: joem ri myed boin: lho: lhid' zoore nyid nyid ge'.

ACTS 22:4

Ngoo gi khyoo: he: khaid cang mo, ri ashid: sho' shen" yhen lo yu" da" byu dayug nghoid. Ngoo gi yug gi myiyi: yi ri myheug yu lho: thung: lhoung lo yu" su: nghoid.

ACTS 24:21

Ngoo, gi nyangnu" da" shid' khoin" moo yab, jo, uri" Shid: bye: bang: doem dei, to loo wa khyoo: ri loem, khau: loem" jeung" nyid yoomo akhid" nyid" ngoo gi nyangnu" da" myed: ca: yu" da" khyoo: ri kham, nyid, , ein: yoid, nyho: da" tho' moo jain" lho: nyangnu" gi ngoori ce" ja" yooboo we' ayo" foin: boem nghoid ago".

ACTS 28:22

Khasu" wim gari nang bo da" phung: ri khyi, khang" moo mung" byu yi ngeug thoug shang" nyid ziri ngoonu" se. Nghoid loug we' nang myed khyoo: ri ngoonu" we' tam" gyoo: nau- ga: tid ago".

ACTS 7:51

Stephain gi xo' lho: doem tid zigi nanu" gi nheigloem: gye" thain: nyid ago- nanu" da" nheigloem: ung: khoug: moo gi Mangsoo ri ase' boem nghoid go. Nanu" gi nanu" nya: da" phoug" phyid" yi yhang: ti" Mangso mungdang: ri ashug" gyo: da" nujed' mo, nghoid boem ago". Gyeungshang: da" Venyi ri khanham we' ngeug pyam mo, nghoid nyid boem ago".

ACTS 9:2

Aseing: da" khyoo: ri phau" cang nyid mo Yuggi myiyi: yi ri myang lang" nyangnu" ri myheug yu lho: wigi Yerusalem voomoo" khyoo: shu" tau" loo" wa shid mo khainjung pho, jang" mo Damasku voo moo jo, da- tarha" jung yi jhang being" si' byid: da" akhang" mougsoug" ri yhe: mho' ci: da.

Roma 11:7

Houg: yoomo khasu" tid wa lha". Israela byumyu" yi gi nyanu" sho: nyid ziri ashug" boem. Hau: zi ri myang mo gi Mangso: khyen: to" da" byuphung: nu" zoo: da nghoid. Jain" nyid mo gi Mangsoo: khi: thui" ashaug" gyoo: mo nghoid.

Roma 9:18

Houg: yoomo Mangsoo: gi nyang: nheig khyeug wa yug ri nheig khyeug lho: - Nyang: u" loem' thain: nhang: wa su: ri u" loem' thain: nhang.

1Korinthians 16:9

Khasu" wim ga: ri hau: voo gung moo: ngoori- thoutheung da" gyivoo yi myoo" sho' nyid nyid ago". Nghoid loug we' akyu" bo wigi- gyi: sheung: sho' zei: wa da" moozoo" myoo" sho' zei: soo" wa ge' da" ayo, akhyeing: bo jo.

1 TIMOTHI 6:5

Hau: tho' moo gootu:- nheig abo ziyo' deingmain" khyoo: ri amyang ase' bang: jang" mo ngeig goo" byo, go" da" khyoo: gi daso' so' bue" thu lo nyid. loem, khau: da" noku thung" eing: zigi yoo" zoo: yoo" shug da" de lo khyoo: nghoid- ga: nyangnu" myid yu ago".

2 TIMOTHI 1:15

Nang se' nyid bye: ziyo' dakhyoo" ti"- Phugelu yo' Heramoge eig yug yo' dage" Asi zoo: moo nyid bang: dangain" mo, ngoori she: pyam' khare" boem abye: go.

2 TIMOTHI 3:5

Nyang: nu" gi yha" da" noku thung ri ri atho' dapyam: za: bo cang mhau' boem lho: wigi hau: noku thung" mo, phung" yoeb, rigi ngeug pyam mo, nghoid nyid boem ago". Houg: yhang: te" byu yi ri we' jang" pyam' nyid we'.

2 TIMOTHI 4:2

Hau" mungdang: kho" kyoo" wa shid re" se' gyoo: nhang: wa shid re" yooboo toin" shid' lhoo: gyikoid wa shid re" yoem: foin, byid: wa shid re"- nheugloem: sheing:' sheing: jhoug" byid: mhoo, byid: wa shid re" ayo, aboin: eung: nghoid loug we' acoung: nghoid loug we' yoem: dakhaid nyid we ein: ngoo nang ri doin: nyhen" nyid.

HEBRE 3:13

Nanu" mo dayug we' - youg: noo yoobo wigi mhau, mhed" jhu, phyo' zi shau" lho: nheigloem: thain: nyid da" byu yi abui" goo" baja"- Jhoem: mungdang: moo tid to" ziyo' dakhyoo" ti" - Akhid" nyid" ein: ngoonu" shid re" yo" tid nyid shi" da" ayo, bidnyid moo nyid" khang" moo" nyang: cang" nyang: pang" thoug go" nyid ge'.

2PETRU 2:12

Nghoid loug we' he: da" byu yi gi kuang myheug yu lho:-said' pyam wa shid re" nyid yen" da" goug: nyhoug lam: joem yhang: ti"- nyangnu" lang" ase' da" khyoo: ri ung: khoug: nheugloem: yo' juang" yi rue" nyid moo" zei: ago". Nyangnu" gi kyang: da" goug: nyhoug lam" joem ri yhang: ti"- lhu: phyo' lhu: shoin' pyam zi shau" boem wa nghoid.

2PETRU 2:2

Hougsu" danghoid sho' loug we' byu myoo" sho' bang: gi nyangnu" da" age aved asam" khyoo: moo bo cang lo" boem wa zi nghoid. Nyangnu" houg: su" koid boem yoomo hau: deungmain" da" akhyoo" ri byu gooji bang: gi age khyoo" gei sang: juang" yi pyam boem wa nghoid.

YUDA 1:10

Nghoid loug we' byu hid: bang: gi nyangnu" asi ashug" gyo: yu" da" khyoo: dangain" ri rue" ziyo' yooboo foin: pyam' boem. Kyang: da" gougnyhoug joem yhang: ti"- nyangnu" nya: da" nheigloem: khoug: moo akhang: re boo gu ri te: se' gyo: da" khyoo: joem gi nyangnu" lhu: phyo' lhu: shoin' loo" nhang: da" myid' nyain, za: nghoid.