ACTS 19:8 - Lacid Common Language Bible

⁸ Polu gi lham" moo" soem" khyab, koo: - Yuda tarha" jung moo main: main: yhe: lho: wigi mung" byu yi yo' agyug avoem, loo: zheung: tid ngeig go" nyid boem lho: Mangso mungdain: ri se' kham: yu boem, goo" wa shid re" nyangnu" ri kho" kyoo" byid: nyid.

ACTS 19:8 교차 참조

ACTS 1:3

Nyang: shid: kham: thang: ri myed: xi: nyid" agyoo: moo nyang: gi myoo" sho' lheing: lagyoo: yi jang" moo nya: gung ri cang toin" shid lho: nyang: gi dadei nyid khyoo: ri loem' ge" da" sagsi: myoo" sho' yug ri toin" shid too" bye. Lagyoo: yi gi yesu ri shau myang boem wigi-Nyang: gi nyangnu" ri Mangso mungdain khyoo: tid kyo.

ACTS 13:14

Nyang: nu" gi Perga khyoo: xo' yhe: lo" wigi Pesidi mung" mo Antiki voogung khyoo: ju" yhe: lo" ago". Nyang: nu" gi Dougno: Bidnyid moo Yuda tarha jung yhoem: khoug: khyoo: vang yhe: lho: zhoung: jo, ago".

ACTS 13:46

Nghoid loug we' Polu yo' Barnaba eig yug gi je" ri agyug avoem, loo: za: Mangso mungdang: gi nyangnu" rishi" - xang: shed" tid kyoo" wa da" khyoo: eung: nyid. Nghoid loug we' nyangnu" gi hau: mungdang: ri ngeug pyam lho: hau: apyaid' atoo: mo, kangso' yo' amoin: yi" ga- nyhang: nu" nyang: dang: zheung: phyed' yu lho: nga" eig yug gi nanu" ri too" kho' lho: tungbau byu yi jhang khyoo: yhe: loo" wa zi nghoid.

ACTS 14:1

Ikoni Voogung moo Polu yo' Barnaba eig yug gi Yuda byu yi da" Tarha" jung moo zheung: vang lo" lho: kho" kyo" nyid uri Yuda byumyu" yi yo' nghi: zain, byumyu" yi gi Aseing Yesu ri loem" jeung" loem khau: lo byu myoo" sho' bo lo.

ACTS 17:17

Houg: yoomo Polu gi tarha" jung moo Yuda byumyu" yi yo' Mangsoo ri noku da" tungbau byumyu" yi yo' we' - Shava kid vang" cang so" lid, yen" da" mung" byu dangain" mo, ri we' - nyid" khang" moo" tid sham: go" nyid.

ACTS 18:19

Nyang: nu" gi Ephesu voogung moo zheung: ju" yhi: lang" Polu gi Priskila yo' Akula eig yug ri hau: voogung moo nyhed: too" kho. Hau: tang: moo nyang: gi Yuda tarha" jung khyoo: yhe: lho: Yuda byumyu" yi yo' dang: tid shi, go" nyid.

ACTS 18:26

Nyang: gi Yuda yi da" tarha" jung moo agyug avoem, looza: kho" kyo" nyid. Priskila yo' Akula eig tang: gi nya: mungdang: ri shaug" gyoo: lang" Apolo ri nya: eig youg yhoem: khyoo: khe: yu wigi Mangso khyoo: ri je" wigi jid" jid" nug nug za: nyang: ri tid phoid: sho' kyoo" nhang: ago".

ACTS 18:4

Polu gi Dougno: Bidnyid khang" moo" - Yuda tarha" jung moo Yuda byumyu" yi yo' doem, go' koin, lho: nyangnu" loem" jeung" loo sho' -tid ngoug yu nyid.

ACTS 19:10

Hidsu" eig zain' loem: loem: koid lho: wigi Asia mung" moo zheung: nyid da- Yuda byumyu" yi yo' Tungbau byumyu": yi dangain" mo, gi Aseing: da" mungdang: ri zheung: shau" gyo: boem ago".

ACTS 19:7

Nyang: nu" gi daxe: eig yug koo: nghoid boem ago".

ACTS 19:9

Nghoid loug we' nyangnu" mo dayham" bang: gi nheigloem: thain: nyid boem yoomo aloem" jeung" boem nghoid ago". Houg: yoomo nyangnu" gi mung" byu dangain" bang: da" shid' khoin" moo Aseing: da" khyoo: ri age khyo" tid phue: pyam' byid: boem ago". Houg: yoomo polu gi loem" jeing" bang: shu" lho: nyangnu" mo zheung: thu' lo" wigi Turanu ga: su: da" phajhi" jung moo nyid" khang" moo" mungdang: ri tid go" koin, da" zoeb, phung ri koid nyid boem ago".

ACTS 20:31

Houg: su" wigi ngoo nanu" yug khang" moo" ri soem" zain loem: loem: nyang: nyid" ri myen" ri ngoug byed' ngoug nhab, myoo" sho' gyo" lho: wigi kho" kyo" jhoug" byid: bye: khyoo: joem ri myed boin: lho: lhid' zoore nyid nyid ge'.

ACTS 28:23

Houg: yoomo nyangnu" gi Polu yo' bidnyid deing go" ci: ago". deing go" to" da" bidnyid moo Polu nyid da" joyoo moo byu myoo" sho' zeung: ju" re" boem ago". Polu gi nab, kyoo mo zi moug: coid' sho' Mangso mungdain yo' sen: da" mungdang: joem nyangnu" ri phoid: sho' kyo" wigi Moshe tarha" yo' Lapi: yi da" jhoem: mungdang: ri gung: nhi" kaid' lho: Yesu ri nyangnu" gi loem" jeung" loo sho' kho" kyo".

YUDA 1:3

Jheddab, da" bidnoem yi we"- nanu" dangain" mo, bain' loem" jeung" kham: yu ci: bye: da" khyoid yu khyoo: ri ngoo gi nanu" jhang khyoo: lhid" kaid' wa shid' re" yoem: kaid' nyid uri Mangsoo gi dalheing: dam nya: da" byumyu" yi ri bain' nyeing byid: too" bye: da" loem" jeung" khyoo: geung: teung jo, baja" ga- loem: zain: oung: myid boem wa shid re" nanu" jhang khyoo: mougsoug" myab, myab, lhid" lho: wigi yoem: byid: ca" khyoo: shau" nyid.