ACTS 18:5 - Lacid Common Language Bible

⁵ Sila yo' Timothi eig yug Makedoni mung" moo zheung: ju" ri" lang" Polu gi nya: ayo, dangain" mungdang: kho" kyo" khyoo: moo za: kaid pyam' wigi Yesu gi Meshia nghoid ga: Yuda byumyu" ri sagsi: kham, byid: nyid.

ACTS 18:5 교차 참조

YEREMIA 20:9

Nghoid loug we' ngoo gi «Aseing ri to" myhid pyam lho: Nya: myeing moo dang: atid loo wa ein: ngoo tid lang" Re" mungdang: gi myi: yhang: ti" nge" nyid da:. Ge bue" yhi: ngoo hau: ziri zoem: ci: nghoid loug we' hau: ziri ngoo ayo" zoem: ci: nghoid da:.

YEREMIA 6:11

Nyangnu" ri nang nheig yo: zigi nga" gung khoo: moo we' nge" lung" jo, da:. Aseing we" hau: ziri ngoo ayo" zeing: ci: loo: nghoid kyi» ein: tid bye:. Houg: lang" Aseing gi ngoo ri «Nga" nheig yo: zigi fu" moo" khyoo: mo zooshang: yi adang khyoo: foid shoin" kaid wa. Houg: lho: zoolu: yi phung: moo foid shoin" kaid wa. Yhoem: seing: phoo yi yo' yhoem: seing: myhi' yiri we' shu" lo" boem wa. Houg: lho: gye" mang: byug bye: bang: rilang" teing too" byid: wa zi anghoid.

EZEKIEL 3:14

Aseing da" yoem: so' gi nga" atho' moo yoem: moo" yo' ju" re" wigi nya: Venyi: ngoo ri shu" thu loo" lang" nheig kho" ziyo' nheig yoo: nau re" da:.

MIKHA 3:8

Hougsu: danghoid loug we' Aseing gi ngoo ri nya: yoem: so' Venyi yo' byeung" nhang: lho: nyeung veung" tarha" ri yo" si' nhang:- Israela byumyu" yiri nyangnu" da" yooboo ce: noem nghoid ga: ziri voem" tid kyoo" wa da" yoem: vhoo" ri byid: wa zi nghoid.

LUKA 12:50

Ngoo kham: yu wa Babtisma daloem: jo,- hau: moo" abain zei: zei: gi ngoo nheigloem: amyen.

LUKA 16:28

Houg: moo nga" nhung" yi wim: yug nyid shi"- nyangnu" we' hid: yhi' kyi" khyeug jamjau jang" moo azheing: ju" loo wa shid' re" nyangnu" ri lo" tid poin" nhang: we'.

YOHAN 1:41

Nyang: gi nya: mang: Simun ri myang lang" tid zigi ‹‹Ngoonu" koem Meshia ri myang bye.» (Meshia ga: da" dangkang: gi)- Khristu ga: zi nghoid ga: tid.

YOHAN 10:24

Hau: uri byu yi gi Yesu ri re" lheung: khoem, ci: lho: nang gi kha: myhang myang" sho' ngoonu" ri nheigloem: soin: yau: nyid nhang: wa lha". nang gi Meshia anghoid la".- ngoonu" ri bang bang tid kyoo" we' ga: myid: boem.

YOHAN 15:27

Nanu" we' xang: shid" mo nyang:- ngoo yo" dage" nyid boem yoomo nga" da" khyoo: ri sagsi: kham: boem wa zi nghoid.

YOHAN 3:28

Ngoo gi Meshia anghoid. Hau: Aseing: da" gam, shid" khyoo: khyoeb su: date: nghoid. He: khyoo: ngoo nanu" ri tid kyoo" bye: zi gi nanu" nyang: sagsi: nghoid boem bye.

ACTS 10:42

Nyang: gi byu dangain" mo, ri ngeibu: ludang: gi, ri kho" kyoo" byid: wa ziyo' Kangso' dei nyid shi" mo, yo' shid: loo" bye: mo, ri tarha" dang: phyed' wa shid re" Mangso wigi nyheung to" da- tarha" agyi zeing nghoid da" khyoo: ri sag si: kham' wa shid mo ngoonu" ri nyang: amyeing" byid: too" bye.

ACTS 15:22

Houg: Lang" lagyoo: yi yo' phung ludaid yi dangain" mo, gi sham: go" lho: nyangnu" mo byu dayham" ri khyen: yu wigi Polu eig yug Barnaba yo' dage- Antioki voogung khyoo: bo nhang: kaid' wa shid re" sham: go" to" boem ago". Hougsu" loem" jeing" bang: dangain" wigi phau" myang: da" Basaba ga: da" Yuda yo' Sila eig yug ri khyen: yu lho: nya: eig youg lo, khyo" mougsoug" dakhyab, lhid" foin: kaid' ago".

ACTS 16:1

Polu gi Debe yo' Lustra voogung khyoo: yhe: lo- Lustra voogung moo Timothi ga: da" Khristain phung byu dayug nyid nyid. Nya: myhi' gi Yuda Byumyu" Khristain nghoid wigi Grid" byumyu" nghoid.

ACTS 16:12

Ngoonu" gi hau: voogung wigi Roma koluni we' nghoid da- Makedoni mung" moo myoo" sho' nyid" yhe: theung: nyid boem.

ACTS 16:9

Polu gi myen" ri yoeb, myang myang jang" moo Makedoni byu dayug gi yab, jo, lho: Makedoni mung" khyoo: gu: re" lho: nyangnu" ri re" khyoid yu we' ga: mho' nyid ziri myang.

ACTS 17:3

Meshia gi dayam, dayoo: kham' zoo: ca" wa ziyo' - shid: jang" mo doem, dei to'' loo wa"- ga: da" khyoo: joem ri jhoem: mougsoug" moo shid' lho: nyangnu" ri phyed' phyed' kho' kho' tid kyo" nyid. Polu gi nyangnu" ri hid: ngoo tid kyo" nyid da- Yesu gi Meshia nyang: nghoid bye"- ga: tid kyo.

ACTS 18:28

Khasu" wim gari Yesu gi Meshia nyang: nghoid bye"- ga: ziri jhoem: mougsoug" mo sagsi: joem yo' khyag khyag za: toin" shid' byid: wigi mung" byu yi da" shid khoin" moo Yuda byu yi ri yo" tid oung: pyam' bye.

ACTS 2:36

Houg: yoomo Nanu" wigi pyang" zeing tho' moo baid' jen" said pyam da" hau: Yesu gi Mangso wigi Aseing: yo' Meshia khyo" tang: too" bye: ziri Israela byumyu" goin" khyag za: se' yu looge' o"- ga: tid kyo" da.

ACTS 20:21

Nyang: nu" da" yooboo mo nheigloem: ri thed' pyam' lho: Mangso shoid' khyoo: lheung: lo boem wa ziyo' - Aseing Yesu ri loem" jeung" lo boem wa shid re" ngoo gi Yuda byumyu" yi yo' tungbau byumyu" yi ri dakhyoo" ti" yoem: kaid' lho: gye" khyo" tidpoin" lid loo bye.

ACTS 20:23

Thung: loung" ziyo' yau: khe: jam jau khyoo: gi ngoori lang" nyid ga: voogung khang" moo" moo gyeungshang: da" Venyi gi ngoori tid poin" lo khyoo: riza: ngoo se' nyid.

ACTS 20:24

Nghoid loug we' nga" kang: so' ri ngoo ce: vhoo" abyid- ngoo gi deung jo" da" moo" ri zei: pain wa ziyo' - Aseing Yesu wigi ngoori byid: to" da" moozoo" nghoid da- Mangso nheing khyeug khyoo: ludang: gi ri tid fu" kyo" da" moozoo" ri kyoeb, sho' zei: wa da" khyoo: riza: kang: lung bu nyid.

ACTS 4:20

Khasu" wim gari ngoonu" gi ngoonu" nyang: shau" myang bye: da" khyoo: joem yo' shau" gyo: da" khyoo: joem ri atid loo : ayo" nyid ga: wigi phoug tu" ago".

ACTS 9:22

Nghoid loug we' - sholu gi kho" jang" moo je" yoem: bo lo wigi Yesu gi Meshia nyang: nghoid ga: ziri sag si: yo' khyag khyag kho" kyoo" byid: yoomo Damasku voogung mo: da" Yuda byumyu" yi gi nya: dang: ri ayo" phoug lo: boem nghoid ago".

2~KORINTHU 1:19

Khasu" wim gari nanu" ri ngoo yo' Sila eig yug Timothi kho" kyo" da" Mangso nya: zoo: Yesu Khristu gi nghoid ziyo' anghoid ziri lhu: lheug da" alhu: alheug su: anghoid. Gyeung" nyang: ga: ri nyang: gi Mangsoo da" myid vho" khyoo: ri" nghoid ga: tid byid: da' Aseing: nghoid nyid.

2~KORINTHU 11:9

Hau: tho' moo gootu: ngoo gi nanu" yo, dage" nyid nyid da" ayo, moo ngei sheung: ca" lo da" u ri pang" thoug yu wa shid re" ngoo nanu ri phibu, apu' yu". Makedoni mung" mo ju" re" da" mang: nhung" yi koem gi ngoo ca" gu: dangain" ci: ri byid: ago". lailoo bye: da" ayo, moo we' nanu" ri yoovoin alid: nhang" yhang: ti" - ju" loo wa da" ayo, moo we' ngoo nanu" ri khanham we' yoolid: afoin: wa.

2~KORINTHU 5:14

Ngoonu" ri Khristu da" jheddab nheig loem: yo' vhoeb khang" too" bye. Khasu" wim gari byu dayug gi dangain" mo, shid re" shid: kham: bye: ziri ngoonu" nheig shid: nheig deug boem bye. Hougsu" wigi hau: khyoo: gi nyang: shid: kham: bye: jang" moo dangain" mo, bo shid" lklham bye: ga: da" dang kang: nghoid nyid.

PHILIPI 1:23

Ngoo gi khyoo; eig khaid da" agyoo: moo nghoid nyid wigi shoid' khang" moo" khyo" lang: lo" nyid ziri ngoo shau"- ngoo gi akhid" dei nyid da" kangso' khyoo: ri to" pyam kho' lho: Khristu yo' dage" kang: so' dei nyid noug bye- houg: gi nga" shid re" je" ge zi nghoid.

1THESALONI 3:2

Khristu da" ngei bu: lu dang: kho" kyo" jang" moo ngoonu" dage" za: moozoo" ri voin, vu, nyid da" ngoonu" da" mang nhung" phoo Timothi ri nhang: kaid' boem bye.

1THESALONI 3:6

Akhid" Timothi gi nanu" jang" moo doem ju" loo bye: nghoid rigi nanu" moo loem" jeung" khyoo: yo' jheddab khyoo: gi je myo: loo bye: ziri gau, kham: yu ge da" lu dang: ri voin, ju" loo bye-nanu" gi ngoonu" ri khanham nghoid loug we' goolhoo: za: myid' boin: jheddab nyid boem tho' moo agoo"- nanu" ri ngoonu" gye" shau" goo" nau, ziyo' dakhyoo" ti" nanu" we' ngoonu" ri shau" myang goo: nau nyid boem da" khyoo: ri lo tid kyoo" bye.

1PETERU 5:12

Ngoo gi he: da" mougsoug" lhid" zoore"- Sila bo pang" byid: khyo" he: mougsoug" ri nanu" jhang khyoo: lhid" foin: kaid' sila gikyed da" Khristain mang nhung" dayug nghoid ein:- ngoo myid loem nyid. Nanu" ri yoem: byid: da" dang: tid wa ziyo' - nanu" shau" kham' zo: da" jeju" gi Mangsoo byid: da" jeju" gyeing" nyang: nghoid da" ziri sag si: kham' wa shid re" he: da" mougsoug" ri lhid" kaid. hau: jeju" moo geung: tung yab, jo, ge'.