ACTS 18:2 - Lacid Common Language Bible

² Hau: da" voogung moo gi Pontu mung" byu Akula ga: su: Yuda byu dayug yo' nya: yhoem: seing: myhi' Priskela eig yug yo' yhe: shau" go. Yuda byumyu" yi dangain" mo, gi Roma voogung mo thu' loo" ca"- ga: Roma khosen: phoo kolodi gi amyeing" khyo' kaid' yoomo nya: eig yug gi athei" myang" shi" ri Itali mung" mo ju" re" atang: nghoid ago".

ACTS 18:2 교차 참조

ACTS 11:28

Nyang: nu" mo Agabu ga: su: gi to' yab, lho: gyeungshang: da" Venyi yoem: so' khyo" wigi moug: myed gyab, goin" moo phang" khoug gyo" loo wa zi nghoid- ga: wigi lapi: pe da. (Hau: da" phang" khoug moo" zeing gi Roma khosen: kolodi da" apyaid' moo gyeing" nyang: bue" loo bye.)

ACTS 18:18

Polu gi Korinthu voogung mo loem" jeing" bang: yo' dage" myoo" sho' nyid" theung: nyid shi"- hau: thang: ri nyangnu" ri vhu" too" kho' lho: Lhid' khyo" wigi Priskila yo' Akula eig yug yo' dage" Suri mung" khyoo: gu: yhe: lo" ago- kenkrea voogung mo gyid sangphoo' ato' loo" shi" ri Polu gi Mangsoo ri jham, tang: too bye: yoomo nya: vhuloem xam: zhoid' khyo, pyam.

ACTS 18:26

Nyang: gi Yuda yi da" tarha" jung moo agyug avoem, looza: kho" kyo" nyid. Priskila yo' Akula eig tang: gi nya: mungdang: ri shaug" gyoo: lang" Apolo ri nya: eig youg yhoem: khyoo: khe: yu wigi Mangso khyoo: ri je" wigi jid" jid" nug nug za: nyang: ri tid phoid: sho' kyoo" nhang: ago".

ACTS 2:9

Ngoonu" gi Pathai meing: Media meing- xlam mung" Mesopotemia mung" Yuda mung" kapadokia mung" pontu mung- Asia mung"-

ACTS 27:1

Ngoonu" ri Itali mung" khyoo: gyid sang phoo khyo" re" de" kaid' wa shid mo bain myed phyed' lang" Polu yo' thung: byu dayham" ri Khosen" pho, gyidab, ga: da- Roma gyidab, daloem: mo gyizoug: phoo Yuli ga: su: lo, khyo" wigi nyangnu" ri ab, byid: kaid.

ACTS 27:6

Gyizoug: phoo gi hau: voogung moo I tali mung" khyo" yhe: loo" wa da" Alexandru voogung mo gyid sang phoo ri yhe: myang wigi nyang: gi ngoonu" ri hau: sang phoo tho' moo do, zhung: nhang.

1Korinthians 16:19

Asi meing: mo phung: byu yi gi nanu" ri vhu" kaid ago". Akula yo' Priska eig yug yo' nyangnu" da" yhoem: moo: coem zeing: foem nyid da" phung byu yi we'- Khristain jhed' nheigloem: yo' nanu" ri gye" vhu" kaid ago".

2 TIMOTHI 4:19

Priska yo' Akula eig yug we' Onesiphura da" yheom: byu yi ri bo vhu" byid: kaid' ago".

HEBRE 13:24

Nanu" da" khyooshed' vhu" shi: bang: dangain" yo' Mangsoo da" byumyu" dangain" bang: ri bo vhu" byid ge'. Itali mung" mo mang: nhung" yi gi nanu" ri vhu" kaid ago".

1PETERU 1:1

Aseing Yesu Khristu da" lagyoo: Peteru jang" mo Puntu: Galati- Kapadoki Asha mung" yo' Bethuni mung" joem moo byo sain" nyid mo, Mangsoo khyen: yu to" da" byu phung: yi jhang khyoo: mougsoug" lhid" kaid.