ACTS 17:5 - Lacid Common Language Bible

⁵ Nghoid loug we' Yuda byu yi gi myed, zheung: noug: yoomo fu" moo" khyoo: cang nyid yen" da" - byugang: yi ri khe: zheung" yu lho: byu phung: daloem: koid yu boem ago". Nyang: nu" gi davoo, goin" ziri lhu: nhau" zhuang" to' kaid' boem lho: wigi Yasun ga: su: yhoem: khyoo: sarhi' yhe: zheung: koid wigi Polu yo' Sila eig yug ri mung" byu yi da" shid khoin" moo she: khyoid thu' yu wa shid re" - yhe: pue: ago".

ACTS 17:5 교차 참조

COUNG" NGHEI 35:15

Hougsu" nghoid loug we' ngoo yau: khi" zi shoug" nyid uri nyangnu" gi gau, lho: ngoo ri juang" yi wa shid re" zeung: foem: to" boem. Ngoo asi, mo, ngoo ri: nhoug lho: thoug" thoin: ago".

COUNG" NGHEI 69:12

Voomoo" fu" moo" khyoo: joem moo- Nyangnu" gi nga" khyoo: gei sang: yen" boem yi yo' yhid: yed bang: gi nga" khyoo: ri lid jhoem" yang" nyid boem.

DANG: ZHOEM 14:30

Ngei pyoo: myenjham" za: se' nyid da" nheigloem: gi gung du: ri yang" zain" nhang: nyid nghoid loug we' noo" zo: da" nheigloem: koem gi mung yhang: ti" nghoid nyid.

ESAIA 26:11

Nang wigi nyangnu" ri yooboo dam byid: wa ziri re" gyivoo yi asi nghoid ago". Aseing we"- nyangnu" ri sho' phu" nhang: wigi kyi" khyeug kham zoo: nhang: we' nang soin' to" da" yooboo dam nyangnu" ri kyi" khyeug kham zoo: nhang: wa. Re" byumyu" yiri nang khayhi' jheddab ziri nyangnu" ri ci: shug byid: we'.

MATHE 27:18

Houg: bang: gi anoug angei yoomo Yesu ri nya: lo, moo ab byid: ziri nyang: se' nyid.

ACTS 13:45

Yuda byumyu" yi gi hau: mung" byu yi ri re" zheung: myang lang- nyangnu" gi myid yu" nau: boem yoomo-Polu kho" kyo" da" mungdang: ri ngeug pyam' boem lho: wigi nyang: ri aphoug" akhyoid ga: rue" da" dang: ri tid ago".

ACTS 14:19

Pasidi mung" Antioki Voogung yo' Ikoni voogung mo da" Yuda byu yi dayham" bang: re" lho: mung" byu yi ri nyangnu" jhang khyoo: yo" re" ngoug yu boem ago". Hau: thang: ri nyangnu" gi Polu ri lug go' wigi zheung: du" lho: shid: bye: ga: zheung: jhoo: yoomo vooyam, moo yhe: she: thu' to" ago".

ACTS 14:2

Nghoid loug we' - aloem" ajeung" da" Yuda byumyu" yi yo' nghi: zain, byumyu" yi gi khristain ri pyi: sho: lho: aveing" goo" wa shid' mo lhu: nhoug" byid: nyid boem.

ACTS 17:13

Nghoid loug we' Polu gi Beria voogung moo we' - Mangso mungdang: ri tid kyo" nyid ga: da" ludang: ri Thesaloni voogung: mo Yuda byumyu" yi shau" gyo: boem wigi nyangnu" gi Beria voo khyoo: zheung: ju" re" lho: mung" byu yi ri lu: fu: loo wa shid re" re" pue: boem ago".

ACTS 17:6

Nyang: nu" gi azheung: shau" sho: myang lang" nyangnu" gi Yasun yo' loem" jeing" bang: dayham" ri hau: voogung mo amyeing" ci: mo, shid' moo she: khyoid re" lho:" Hid: bang: gi joyoo khyi, khang" moo" moo yau: khe" da" khyoo: ri ze" bue byid: loo mo, nghoid ago'- akhid" ngoonu" da" voogung moo we' ju" lo boem abye: go"-,, Yasun we' nya: yhoem: moo he: eig yug ri lhoem: kham: yu to" da" - ga: zheung: tid kyo".

ACTS 17:7

Nyang: nu" gi Yesu ga: da" khokham" dayug nyid ga: zheung: tid wigi Khosen" da" tarha" joem ri shoid rue" nyid mo, nghoid ago- ga: zheung: zeug yoid boem.

ACTS 17:9

Amyheing ci: bang: gi Yesun yo' gooji bang: ri Pakham: ngei khyoug" nhang: lho: nyangnu" ri nhang: kaid' ago".

ACTS 18:12

Nghoid loug we' Galio ga: su: gi Akhaia mung" zoug: bue" loo lang" Yuda byumyu" yi gi zeung: foem: lo lho: Polu ri myheug yu wigi tarha" yung" khyoo: shu" yhe: lo" ago".

ACTS 19:40

Khasu" wim gari - akhid" nyid" bue" lo da" mo, thei" mo, yug lu: fu: go" da" moozoo" gang: mo ngoonu" ri yooboo foin: loo wa ziri gyoug ca". Hid: yhang: ti" mo, thei" mo, yug lu: fu: go" da" khyoo: gi Ce: noem yoomo bue" lo da" khyoo: ri toin" shid' wa ziyo' akhyoo" zhug zhug za: zei: wa khyoo: ngoonu" ayoo"-ga: tid.

ACTS 7:9

Yaku da" nya: zooyi gi nyangnu" da" nhung" zoo: Yoseb, ri myid nau: boem yoomo Egutu meing: khyoo: join, koid nhang: wa shid mo Yoseb ri ung" byid: pyam' boem ago".

Roma 16:21

Ngoo ri pang" thoug nyid da" byen cang - Timothi' yo" nga" byumyu" nghoid da" Luki - Yason yo" Sosipata gi nanu" ri u" kaid' ago".

1Korinthians 3:3

Houg: su" yoomo nanu" gi moug: myid byu yi khyo" danyid nyid boem shi" yoomo- nanu" nyang: cang" noo" goo" zoo go" ziyo' myeing" myoo: yhoo: she: khyoo: dakoid nyid boem ago". Hau: khyoo: gi nanu" he: moug: myid yo' sen: khyo" kangso dadei nyid shi" ein: da" sagsi: kham nyid zi anghoid goo" la"

2~KORINTHU 11:26

Ngoo gyung: so" yen" zi myoo" sho' lheung: moo gyid je: lo wigi shau" da" shid: gyoin'- khyangtoug: shau" da" shid: gyoin'- ngoo nya: da" Yuda byumyu" yi koid byid: da" shid: gyoin- tungbau byumyu"' yi koid byid: da: shid: gyon- voothoem" yi moo thoung" shau" da" shid: gyoin'- siyoo soogam moo shau" yen" da" shid: gyoin- mhau' da" mang: nhung" yi koid da' shid: gyoin noogyoin myoo" sho' shau" lid lo yu" bye.

GALATI 5:21

Aloem" athoo: koid khyoo:- yhid: shug yhed khyoo: zoo: pyoo: shug bu zoo" re" youg: sho: avoid avhu: koid khyoo: yo' houg: yo" du go" da" khyoo: nghoid nyid Hidsu" koid nyid bang: gi Mangso mungdain da" agyid asoo: ri yo" kham: yu wa zi anghoid- ein: shid' phyang" tid kyoo" bye: ziyo' dakhyoo" ti"- akhid" we' nanu" ri ngoo tid nyid.

GALATI 5:26

Ngoonu" gi nghoid boin: khyoo:- nyang: cang" nyang: pyi: shoo: go" khyo" yooboo foin: ziyo' nyang: cang" nyang: noo" goo" zoo go" da" khyoo: joem ri to" pyam' ca" boem bye.

1THESALONI 1:6

Nanu" gi ngoonu" da" khoo" shid: yo' Aseing: da" khoo" shid: ri yu" yu cang lo" nyid boem bye- nanu" gi kyi" khyeug shen" yhen da" jam jau, myoo" sho' shau" boem nghoid loug we' hau: ngei bu: lu dang: ri gyeungshang: venyi khyo" yo" yu da" gau, yi ngei bu: kang: lung bu, ziyo' lhoem: yu boem abye:.

YAKU 4:5

Jhoem: mungdang: moo Ngoonu" da" akhoug: moo Mangsoo kaid byid: to" da" Venyi gi-gye" thain: da" vho: ngei nheigloem: yo' byeung" jo, ga: wigi tid to" da" zigi agoin: danghoid ein: amyid nyid goo.

TARHA" AGYI 9:4

Nyangnu" gi Bala da" dang: theing yhoem: mo ngei nyhed xi: pyi" nyang: ri byid: ago". Hau: ngei wigi nyang: gi ce: phoug" adab da" byu koo" daphung: ri nya: thang: cang goo" wa shid re" vhoo" kung: lhung: yu da:.