ACTS 17:11 - Lacid Common Language Bible

¹¹ Beria voobyu yi gi Thesaloni voobyu yi da" tho' re- khoin: lheing: mo, nghoid boem. Nyang: nu" gi mungdang: ri nheigloem: zhug zhug za: tam" gyo: yu boem wigi Polu kho" kyo" da" mungdang: gi deung adeung ziri si' wa shid re" nyid" khang" moo" jhoem: mougsoug" ri nghab xoin: se' nyid ago".

ACTS 17:11 교차 참조

YOBA 23:12

Ngoo gi Mangso amyeing" dang: ri khanham we' cang pyeing nyid. Ngoo gi nya: myid vho: khyoo: ri cang wigi ngoonya: myid vho: khyoo: ri acang.

COUNG" NGHEI 119:100

Ngoo gi re" da" amyeing" dang: joem ri tam" gyo, cang yhe: lo" nyid yoomo apyaid gyi: bye: bang: tho' moo: lang" ngoo je" wigi phajhi" bo nyid.

COUNG" NGHEI 119:148

Damyen goin" ayhoeb, loo: leung jo, zoore re" da" khyoo: shed jhoug" thui: joem ri myid yu" nyid.

COUNG" NGHEI 119:97

Re" da" tarha" ri ngoo khayhi' jheddab nyid lha". Hau: khyoo: ri danyid goin" ngoo myid soin: yu" nyid.

DANG: ZHOEM 1:5

He: da" dang: zhoem joem gi- phajhi" boo su: da" lasi laleug rilang" lung: byid: nyid tho' moo: agoo- phajhi" boo mo, ri we' khyoo: yo" toin" shed byid: nyid.

DANG: ZHOEM 8:10

Ngei, sheung: da" gungthid- nga" khyoo: shed dang: ri khyen: yu we' Sheing: gyeung" tho' moo: je phau" da" lasi phajhi" ri khyen: yu we'.

DANG: ZHOEM 9:9

Phajhi" boo su: ri nang tid kyo" da" khyoo: ce" ja: nghoid loug we' nyang: ri phajhi" je" si' nhang: nyid. Deing byeung" da" byu dayug ri nang ce" ja: tid kyoo" nghoid loug we' nya: da" lasi phajhi" ri loung: loo" nhang: nyid.

ESAIA 34:16

Aseing da" mougsoug" pug moo sho: yu" lho: citid to" ziri nghab yu' ge'. Hau gougnyhoug joem mo dadu: we' abyug wa. Byencang" abo zi dadu: we' aboo wa. Aseing gi hougsu" nghoid wa amyeing" khyo' to" bye:. Nyang: nyang: hau joem ri dage" zheing" yu wa.

ESAIA 8:20

Nanu" gi nyangnu" ri «Aseing wigi nanu" ri jhau" shid nyid ziri tam" gyoo: ge'. Join: zei: bang: dang: ri atam" gyoo: goo". Nyangnu" wigi nanu" ri nanu" shid re" ce: akyu" aboo nghoid da ein: phoug tid goo" wa nghoid ago"» ga: tid da:.

YEREMIA 2:21

Ngoo gi nang ri ge thang da" myoug: shi" mo zabyid nei yhang: ti" sho" too" bye:. Nghoid loug we' nang ci bue" lo ziri yu" yu" we' nang gi ce: phoug" adab da" zabyid nei boeb yo' du da:.

MATHE 13:23

Myidjang: gi moo sain" khyo da" myoug: shi" gi mungdang: tarha" ri shau" gyo: lho: hau: ziri se' gyoo: su: yo" du nyid. Nyangnu" mo dayham" gi azhang dashoo:- dayham" gi azhang khyug xi:- dayham" gi azhang soem" xi:- myo: je lo da" ashi" ri yo" zei:» ga: tid.

LUKA 1:2

Houg: yoomo hau: da" khyoo: joem ri myojid" myang da" sagsi: yi nghoid wigi Aseing: Yesu da" khyoo: lu dang: gi, ri kho" kyo" da" byu yi kho" to" ziyo' dakhyoo" ti" Jhoem: mougsoug" sara: yi gi koid: lhid" xoem" to" da" khyoo: nghoid.

LUKA 11:3

Ngoo nu" ca" nyid da" zoo: noem ngoonu" ri nyid" khang" nyid byid: we'.

LUKA 16:29

Abraham gi re" nhoung" ri tid poin" wa shid' re" Moshe yo" lapi: yi nyid bye. Houg: bang: da" dang: ri tam" gyoo: goo" baja" ga: tid poin" bye.

LUKA 24:44

Hau: thang: ri nyang: gi Moshe da" tarha"- Lapi: yi da" tarha" mungdang: yo"- coung" nghei mougsoug" moo nga" khyoo: yo" sen: wigi lhid" to" da" khyoo: joem gi bui" nyang: bue" loo wa ein: wigi nanu" yo" dage" nyid shi" uri ngoo tid kyoo" bye: the,- ga: nyangnu" ri tid.

YOHAN 3:21

Nghoidloug we' deingmain" da" moo" zei: mo, gi nyangnu" koid da" khyoo: Mangsoo: myid khyoo: nghoid ziri yo" toin' shed wa shid re" bidbang moore" ago".

YOHAN 5:39

Nanu" gi apyaid' ato: kangso' yoo" abe ga: wigi Mungdang: ri ayoeb' yoeb' nghab' nyid ago". Hau: jhoem: mungdang: dangain" gi nga" khyoo: ri tid nyid zi nghoid.

ACTS 10:33

Houg: yoomo ngoo gi houg: jang: nyang- re" jhang khyoo: byu nhang: kaid' bye- nang ju" ri" yoomo gye" goug bye. Nyang: nang ri tid nhang: kaid' da" mungdang: dangain" ri tam" gyo: yu wa shid mo akhid" ngoonu" dangain" mo, gi-Mangso shid' khoin" moo lang" nyid boem- ga: tid kyo.

ACTS 11:1

Tungbau byumyu" yi we' Mangso mungdang: ri kham: yu boem bye. ga: da" khyoo: ri lagyoo: yi yo' Yuda meing: goin" jang" moo nyid da" loem" jeing" mo, gi shau" gyo: lo" boem bye.

ACTS 17:1

Polu yo' Sila eig yug gi Ampipholi yo' Apoloni Voogung ri so" lid, lo" wigi Thesaloni voogung khyoo: ju" yhe: lo" ago". Hau: voogung moo Yuda tarha" jung daloem: jo.

ACTS 2:41

Nyangnu" myoo" sho mo, gi Petru kho" kyo" da" mungdang: ri loem" jeung" lo boem wigi Babtisma zheung: kham boem lho-hau: bidnyid moo loem" jeung" lo da" phung: byu yi soem khyeing"- hau: phung: moo loung: lo ago".

TARHA" TID POIN" 29:29

«Ngoonu" da" Aseing Mangso nyhoem" shoung: to" zi dayham" jo,. Nghoid loug we' nyang: gi nya: tarha" joem ri ci: shug bye:. Houg: lho: ngoonu" yo' ngoonu" da" amyed ashen yigi hau: ziri apyaid atoo: moo tam" gyo: cang yhe: nyid ca" da:.

1THESALONI 1:6

Nanu" gi ngoonu" da" khoo" shid: yo' Aseing: da" khoo" shid: ri yu" yu cang lo" nyid boem bye- nanu" gi kyi" khyeug shen" yhen da" jam jau, myoo" sho' shau" boem nghoid loug we' hau: ngei bu: lu dang: ri gyeungshang: venyi khyo" yo" yu da" gau, yi ngei bu: kang: lung bu, ziyo' lhoem: yu boem abye:.

1THESALONI 2:13

Hau: lho: wigi Mangso jeju" ri anoo: atheing: loo- coung" nghei byid: nyid wa da" khyoo:- gootu: dakhaid bo jo, shi"- nanu" jang" moo ngoonu" hau: Mangso da" mungdang: ri re" kho" kyo" da" uri byu yi da" mungdang: ri yhang: ti" anghoid- Mangso mungdang: nghoid deung nyid ziyo' dakhyoo" ti"- nanu" shau" gyo: wigi loem" jeung" ziyo' lhoem: kham: yu boem bye- hau: mungdang ri loem" jeung" bang: nanu" da" nheigloem: ung: khoug: moo moo" zei: nyid.

2 THESALONI 2:10

Hau: tho' moo gootu: byo, yoin" shau" bang: da" atho' moo akhyeing" ashoeb, khyo: mhau' fain" vo da" khyoo: aja: ja: koid wa zi nghoid- nyangnu" gi khyoid yu shau" wa shid re" hau; deingmain" da" khyoo; ri alhoem: yu ziyo' avhoo: angei, boem yoomo nyangnu" nyang: byo, yoin" shid: joem: lo" boem wa zi nghoid.

YAKU 1:21

Hougsu" nghoid yoomo nanu" gi aco' ajhoid da" aved asam" yo' akhyeing" ashoeb da" khyoo: bain sho' ri she: pyam ge'. Nanu" da" nheigloem: ung: khoug: moo Mangso wigi kaid' byid: to" da" yo" khyoid yu da" nya: mungdang: ri nu" nham, da" e" myed, yo' kham: yu nyid ge'.

1PETERU 2:2

Aseig co' phyed' to" da" zoonu' yi yhang: ti"- nanu" we' Venyi noug" gyeing" ri khanham we shug nau nyid ge'-- Hougsu" nghoid lang" she, nanu" gi gyi: sheung: lo lho: khyoid yu zi shau" boem wa nghoid.