ACTS 16:9 - Lacid Common Language Bible

⁹ Polu gi myen" ri yoeb, myang myang jang" moo Makedoni byu dayug gi yab, jo, lho: Makedoni mung" khyoo: gu: re" lho: nyangnu" ri re" khyoid yu we' ga: mho' nyid ziri myang.

ACTS 16:9 교차 참조

ACTS 10:3

Danyed" mo da" myenthang: soem" nayi: koo: moo Mangso moug: lagyoo: dayug gi nya: jang" moo ju" re" lho: «Koneli we"» ga: re" yoid ziri yoeb, myang moo bang bang za: shau" myang kaid.

ACTS 10:30

Houg: lang" Koneli gi lid lo" da" soem" nyid" koo: moo myenthang: soem" nayi: yo, ri ngoo gi yhoem: khoug: moo akyu" mho' nyid uri nyid' dain' tung" lo, lo, bang da" byimi, void, ci: da" - byu dayug gi nga" shid moo re" yab, jo, lho:

ACTS 16:10

Polu gi he: da" yoeb, myang ri bain myang lang" - nyangnu" gi Makedoni mung" khyoo: yhe: loo" wa shid re" soin' nyheung boem bye. khasu" wim gari Makedoni mung" moo nyid, mo, ri ludang: seig kho" kyoo" byid: wa shid re" Mangsoo gi ngoonu" ri khe: yu zi nghoid bye" ein: ngoonu" myed jhoo: yoomo nghoid.

ACTS 16:12

Ngoonu" gi hau: voogung wigi Roma koluni we' nghoid da- Makedoni mung" moo myoo" sho' nyid" yhe: theung: nyid boem.

ACTS 18:5

Sila yo' Timothi eig yug Makedoni mung" moo zheung: ju" ri" lang" Polu gi nya: ayo, dangain" mungdang: kho" kyo" khyoo: moo za: kaid pyam' wigi Yesu gi Meshia nghoid ga: Yuda byumyu" ri sagsi: kham, byid: nyid.

ACTS 19:21

He: da" moo" bain bue" lid lo" da" thang: ri Polu gi Makedoni Mung" yo' Akhaia mung" khyo" so" lid lo" wigi Yerusalem voomoo" khyoo: yhe: loo" wa shid' re- myed phyed' too" - Nyang: gi ngoo hau: voogung moo bain ju" yhe: thang: ri Roma voomoo" khyoo: we' ngoo ju" lo" yu" ca" ga: tid.

ACTS 19:22

Houg: yoomo Polu gi nyang: ri bo pang" da" Timothi yo' Erastu ri makedoni mung" khyoo: nhang: kaid' lho: nyang: gi Asia mung" moo dayo, daboin: theung: nyid jo, da.

ACTS 19:29

Hau: da" mo, thei" mo, yug lu: fu" go" lo da" khyoo: gi davoo gung goin" moo byeung" lo wigi byu yi gi Polu yo' gyung: soo" byen, cang" nghoid da- Makedoni mung" byu- Ge-u yo' Aristaku eig yug ri myheug yu lho: Pui" mo goo" jang: khyoo: myab, myab, shu" vang yhe: lo" ago".

ACTS 20:1

Houg: su" mo, thei" mo, yug lu: fu: go" da" khyoo: joem tam" lo" thang: ri Polu gi loem" jeing" bang: ri khe: zheung" yu lho-yoem: byid: dang: tid. hau: thang: ri nyangnu" ri vhu" too" khare" lho: Makedoni mung" khyoo: yhe: loo" bye.

ACTS 20:3

Hau mung" moo lham" moo" soem" khyab, yhe: theung: nyid Nyang: gi Suri mung" khyoo: yhe: loo" wa ga: doem, soin' nyid uri Yuda byu yi gi nyang: ri said' pyam' wa da" phajhi" gau" khyau" wigi kuang lo nyid da" khyoo: ri nyang: si' lang" Polu gi Makedoni mung" khyoo: doem, tau" phang: loo" wa ga: myed phyed' too" bye.

ACTS 27:2

Ngoonu" gi Asia mung" thoem" yam, gukhuang" khyo" gu: yhe: loo" wa soin' nyid boem- Adramuti mo gyid sang phoo tho' moo yhe: do, zhoung lho: gu: yhe: lo" boem bye. Thesaloni voogung mo Makedoni byu- Aristaku gi ngoonu" yo' dage" bo cang re.

ACTS 9:38

Yopa voogung gi Luda voo yo' atoung" thei" vi: nghoid da- houg: yoomo Yopa voogung mo loem" jeing" bang: gi Luda voo moo Petru ju" nyid ziri shau" gyo: boem wigi nyangnu" gi byu eig yug ri Petru jhang khyoo: nhang: kaid' lho: ngoonu" jhang khyoo: myab, myab, jen" re" lhoo: we' ga: khi: nhang: kaid' ago".

Roma 15:26

Khasu" wim lha" ga: ri - Makedoni mung" yo' Greed' mung" phung: byu yi gi - Yerusalem boomoo" moo zheing: nyid sho" jhen: da" Mangso: phung: byu yi ri Alu: jhung: shug yhe: di" byid: wa myid phyed' to" zi nghoid.

2~KORINTHU 11:9

Hau: tho' moo gootu: ngoo gi nanu" yo, dage" nyid nyid da" ayo, moo ngei sheung: ca" lo da" u ri pang" thoug yu wa shid re" ngoo nanu ri phibu, apu' yu". Makedoni mung" mo ju" re" da" mang: nhung" yi koem gi ngoo ca" gu: dangain" ci: ri byid: ago". lailoo bye: da" ayo, moo we' nanu" ri yoovoin alid: nhang" yhang: ti" - ju" loo wa da" ayo, moo we' ngoo nanu" ri khanham we' yoolid: afoin: wa.

2~KORINTHU 12:7

Ngoo myang da" lo" thang aved' alhoo: yoomo ngo moo nheugloem: gyi: phau: khuang da" khyoo" aboo baja". Nga" da" gung moozu: no da" zi daja kham‹ zo: nyid. Hougsu" zu" nho: da" ziri satan wigi nhang" kaid da" lagyoo: phoo yhang: ti"- ngoori baid nhoug wigi nga" da" phau: khuang zi ri khyau" pyam' byid: nyid.

2~KORINTHU 7:5

Makedoni mung" khyoo: ngoonu" ju" yhe: uri lang" gi ngoonu" moo myenjham" khyoo: ci: ayo" yu boem nghoid da. Joyoo loem: khang" moo" moo yau khe" jam jau shid: gyoin noogyoin'- gootu: byu yo' myeng: myoo: yhoo: she: khyoo: bo. Ngoonu" nheigloem: khoug: moo myid myooung: loug khyoo: aja: ja: thoung" shau" boem.

2~KORINTHU 8:1

Jheddab, da" mang: nhung" yi we"- Makedoni mung" mo phungbyu yi ri Mangsoo gi cenoem jeju" byid: bye: ziri-nanu" ri ngoonu" si' nhang" nau nyid boem.

2~KORINTHU 9:2

Nanu bopang" bothoug nau da" jheddab e" myed bo nyid ziri ngoo se' nyid. Houg: su" nghoid yoomo nanu" da" khyoo: ri Mawkedoni mung" byu yi jang khyoo:- phau: khuang fu" kaid bye. Akhaia mung" mo da" mang: nhung" yi gi anheug mo wigi lang" pang" thoug wa shid re nyheung soin jen" to" nyid bye- ein: wigi Makedoni bang: ri ngoo tid bye. Nanu" myid loem: vho: ngei nyid yoomo nyangnu" myoo: looboug bang: da" nheigloem: ri lhu: nhau" tu: to' byid: kaid nyid.

TARHA" TID POIN" 30:13

Hau: zigi panglai: thu: tab shoid moo: jo, ziwe' anghoid. Nanu" gi ‹Panglai: thei: tab khyoo: hang" gu: yhe: wigi hau: ziri ngoonu" shau" gyo: wigi yo" tam" gyo: cang yhi: wa shid re" hang" yu loo byid: wa lug la" ein: amyed: ca" goo" wa.

1THESALONI 4:10

Gyeing" nyang: ga: rigi nanu" gi Makedoni mung" goin" jang" mo Khristain mang nhung" yi dangain" bang: yo' zoem" khau: jang" moo houg: khyo" jheddab go" da" khyoo: ri cang lo" boem bye- houg: yoomo mang nhung yi we"- nanu" da" jheddab nheigloem: je gyi: loo wa shid re" nanu" ri ngoonu" mho' nyid.