ACTS 16:6 - Lacid Common Language Bible

⁶ Houg: lang" gyeungshang: da" Venyi gi nyangnu" ri Asha mung" gyoo: moo mungdang: ri kho" kyoo" wa akhang" abyid: yoomo nyangnu" gi phrugi mung" yo' Galile mung" gyoo: khyo" so" lid lo.

ACTS 16:6 교차 참조

ESAIA 30:21

Nanu" lo, yoo lo, kung" shoid khyoo: khyoo: vhang: vhang: lo" boem ri nanu" nungthang mo «Khyoo: moo" hid khyoo: nghoid. He: khyoo: khyo" cang ge'» ga: tid da" nya: thui: ri nanu" shau" gyo: loo goo” wa.

LUKA 1:2

Houg: yoomo hau: da" khyoo: joem ri myojid" myang da" sagsi: yi nghoid wigi Aseing: Yesu da" khyoo: lu dang: gi, ri kho" kyo" da" byu yi kho" to" ziyo' dakhyoo" ti" Jhoem: mougsoug" sara: yi gi koid: lhid" xoem" to" da" khyoo: nghoid.

ACTS 10:19

Petru gi hau: da" yoeb, myang yo' sen: wigi damyed yu" nyid shi" uri gyeungshang: da" Venyi gi nyang: ri yu" we' - hid: moo byu soem" yug gi nang ri sho: nyid boem ago".

ACTS 11:12

Gyeungshang: da" Venyi gi da jhi, we' a - ug vhoo" loo: za: nyangnu" da" thang: khyoo: cang yhe: loo" wa zi ngoori tid. Yopa voogung mo loem" jeung" da" byu khyug yug we' ngoo yo' dage" kesare voogung khyoo: bo cang re" boem. Ngoonu" dangain" bang: gi koneli da" yhoem: moo vang lo" boem bye.

ACTS 16:7

Nyang: nu" gi Musi mung" moug: kyoo" moo ju" yhe: loo" lang" gi Nyang: nu" gi Bithuni mung" khyoo: yhi: wa ga: soin' ago". Nghoid loug we' Yesu da" Venyi gi nyangnu" ri akhang" abyid: nghoid da.

ACTS 18:23

Hau: voogung moo dayo, koo: yhe: theung: nyid wigi houg: mo nyang: gi Galile mung" yo' phrugi mung" gyoo: khyo" lid, jang: lo" lho: loem" jeing" bang: ri so' nyheung teing byed.

ACTS 19:10

Hidsu" eig zain' loem: loem: koid lho: wigi Asia mung" moo zheung: nyid da- Yuda byumyu" yi yo' Tungbau byumyu": yi dangain" mo, gi Aseing: da" mungdang: ri zheung: shau" gyo: boem ago".

ACTS 20:16

Polu gi Asia mung" moo bidnyid anau ze" thang nhang: noug yoomo Ephesu voogung nam, khyo" gu: lid loo" wa ga: myed phyed' to. Ge bue" nghoid rigi Pentikoti pui" moo myhi: sho' - Yerusalem voomoo" khyoo: ju" yhi: wa ziri nyang: hain: nyid.

ACTS 20:28

Houg: yoomo nanu" nyang: gung nyang: we' - gyeungshang: da" Venyi wigi nanu" da" lo, moo ab, byid: to" da" - yang kyung ri yu" goin, coung: nyid ge'. Nya: zo: suid" wigi yang seing: daphung: za: koid yu da- Mangso yang lhug mo, bue" nyid ge'.

ACTS 20:4

Beria voobyu puru da" nya: zoo: Sopata: - Thesaloni voo mo Aristaku, yo' Sekundu- Derbe voo mo Ge- u Asia mung" mo, Tukhiku- Trophimu yo' Timothi gi nyang: yo' dage" bo cang yhe: lo" ago".

ACTS 21:27

Nghoid loug we' bidnyid nyhed nyid" byeung" loo lang" gi Asia mung" mo Yuda byu yi dayham" bang: gi noku yhoem: moo" moo shau" myang abye: go. Nyang: nu" gi mung" byu phung: goin" ziri lhu: nhau" pu: to' kaid lho: Polu ri myheung yu ago".

ACTS 6:9

Nghoid loug we' Alesandru yo' Koreni voogung mo Yuda byu yi we' bo da- lhoid pyoin kaid' zi shau" mo, da" tarha" jung moo bo nyid mo, dayham" gi Stephain ri ngeug pyam boem ago". Nyang: nu" yo' kiliki- Asia meing: mo mo, Yuda byu yi gi Stephain yo' coem, tid byo, go" nyid boem.

ACTS 8:29

Gyeungshang: da" Venyi gi Philip, ri hau: myang: rheing" khyoo: tab' tab' yhe: loo" we' ga: tid da.

Roma 16:5

Nyanu" da" yhoem: moo lhoung no' ku" nyid da' phung: byu yi ri we' ngoo u" kaid' da" khyoo: ri bo tid khyoo" byid: ge'. Asha' moug: moo xang: shid" phung: vang loo su: nga" da' bidnoem phoo Eponetu ri we' bo u" byid ge'.

1Korinthians 12:11

Nghoid loug we' hau: jeju" yoem: vhoo" joem gi hau: venyi dayoug wigi: za: bui" nhang: nyid yoomo- nyang: myid vho: ziyo' dakhyoo" ti"- dayug yo' dayug ri- gooki" lid' da" jhung: shug gootu: tu: ngab sho'- gam, byid: to" boem bye.

1Korinthians 16:1

Yuda meing: moo: nyid da" Mangso phung byu yi ri pang" thoug yu wa da" alu ngei ri khyu: wa shid re" nanu" moug soug" yo' lhid" byid kaid da" khyoo: yo' sen: lho: Galati meing: mo da" phung byu yi ri ngoo pyeung: kaid ziyo' dakhyoo" ti" nanu" we' zei: so' voin vu, nyid ge'.

1Korinthians 16:19

Asi meing: mo phung: byu yi gi nanu" ri vhu" kaid ago". Akula yo' Priska eig yug yo' nyangnu" da" yhoem: moo: coem zeing: foem nyid da" phung byu yi we'- Khristain jhed' nheigloem: yo' nanu" ri gye" vhu" kaid ago".

2~KORINTHU 1:8

Mangnhung: yi we"- Asia mung" moo ngoonu" thoung" shau" yu" bye shid gyoin noogyoin, da" khyoo: nanu" ri doem tid poin" nau.ngoonu" da" tho' moo doin: zeug lo da" kyi" khyeug jam jau ein: da" yoovoin, gi-gye" gyi: ziyo' gye" lid: zi nghoid yoomo ngoonu" gi kangso' xo' dei nyid wa zilang" gi-nheig byu jang: aboo loo: sho' nghoid lo" boem bye.

GALATI 1:2

Hid: moo ngoo yo' dage" nghoid nyid da" mang: nhung" yi dangain" yo' Galati mung" mo phung byu yi jhang khyoo: mougsoug" lhid" lho: vhu" kaid' boem.

GALATI 3:1

Akoo" apyoid' da" Galati byu yi we"- pyang" zeing tho' moo Yesu Khristu shid: Kham: bye: da" khyoo: ri nanu" da" myonhoo: moo bang bang yo" myang sho' ngoo tid shid kyoo" bye: ri-nanu" ri hang" wigi mhoug cid" zho" lho: jhu, phyo' zi shau" go" la".

2 TIMOTHI 1:15

Nang se' nyid bye: ziyo' dakhyoo" ti"- Phugelu yo' Heramoge eig yug yo' dage" Asi zoo: moo nyid bang: dangain" mo, ngoori she: pyam' khare" boem abye: go.

2 TIMOTHI 4:10

Dema gi he: da" mougmyid' ri jheddab yoomo ngoori she: pyam' khare" lho: Thesaloni voo khyoo: loo" khari" bye. Kareka gi Galati mung" khyoo: Titu gi dalamati mung" khyoo:- zheung: yhe: lo" boem bye.

HEBRE 11:8

Abraham gi Mangsoo nyang: ri byid: wa"- ga: da" dang: soo" bo nyid da" mung" khyoo:- thu' yhe: loo" wa da" shid re" loem" jeung" nheigloem: gi nyang: ri tam" gyoo: nhang: nyid. Houg: yoomo nyang: gi khakhyoo: yhe: loo" wa zi lang" ase' zi nya: mungdain: mo wigi thu' so" loo" bye.

1PETERU 1:1

Aseing Yesu Khristu da" lagyoo: Peteru jang" mo Puntu: Galati- Kapadoki Asha mung" yo' Bethuni mung" joem moo byo sain" nyid mo, Mangsoo khyen: yu to" da" byu phung: yi jhang khyoo: mougsoug" lhid" kaid.

Pang Shug 1:11

Hau: da" thui: gi nang yo" myang yu bye: da" khyoo: joem ri mougsoug" bug moo lhid" kaid to" lho: Ephesu voo- Samurna voo Pegamu Thuatira Sardi Philadephia yo' Ladoki voo moo zheung: nyid da" phung nyhed loem: bang: jhang khyoo: foin: kaid' we' ga: tid.

Pang Shug 1:4

Ngoo Yohan gi Asia mung" mo phung nyhed loem bang: jhang khyoo: mougsoug" lhid" kaid. Goo" nham, pyaid he: da" pyaid thang: phyang" pyaid khanham we' dangid nyid da" Venyi: nyhed youg jang" mo we'