ACTS 16:16 - Lacid Common Language Bible

¹⁶ Bidnyid danyed" moo ngoonu" gi hau: akyu" mho' joyoo khyoo: yhe: lo" nyid boem da" uri akhyeung" yu vang ci: da" - goem, phain" se' phain" da" join' myhi, dayug yo' ngoonu" shau" go. Nyang: gi goem, phan" phain" lho: wigi join' seing: ri ngei myoo" sho' kung: byid: nyid su: nghoid.

ACTS 16:16 교차 참조

2 KHOKHAM 21:6

Nyang: gi nya: yuggi zoo: ri nghe' ngei" xoin" khyo" xoin" to' byid: da:. Nyang: gi buid phyed zi fa" zi lo, kyo' yu" mo, yo' join: zei: mo, ri dang: myid: myid: da" khyoo: koid da:. Nyang: gi Aseing ri gye" thougtheung yooboo koid lho: nya: nheig yo: khyoo: ri lhu: zhang" kaid da:.

1 KHOKHAM MHOOMYID: 10:13

Sholu gi Aseing ri jhug azug yoomo shid: loo" bye:. Nyang: gi Aseing da" amyeing" dang: ri atam" gyoo: nghoid da:. Nyang: gi Aseing yo' sham: goo" wa gungthid- shid: bye: bang: da" soobyoo yo' sham: go" wigi khyoo: shed yu wa khyoo: shoo: wa soin' bye:.

ESAIA 8:19

Nghoid loug we' byumyu" yigi mungdang: joem ri lo, kyo' yu" bang:- dang: so' so'- nyhung: nyhung: ga: tid da" join: zei: bang: jhang yhe: myid: yu goo" wa shid re" nanu" ri tid loo goo" wa. Nyangnu" tid zigi «Gyeing" ga: rigi byu gi dei nyid bang: da" gungthid soobyoo joem yo' shid: bye: bang: ri dang: myid: wigi mungdang: joem ri yo" myid: yu da» ga: boem go" wa.

XOIN" NGEI" 19:31

«Shid: bye: bang: da" soobyoo joem yo' dang: doem go" da" bang: jang" moo phajhi" ayhe: mho' goo". Nanu" hougsu" koid nghoid rigi nanu" gi thung" khyo" ayung" alho' wa nghoid. Ngoo gi nanu" Aseing Mangsoo nghoid.

XOIN" NGEI" 20:27

«Shid: mo, da" soobyoo joem yo' tid sham: go" da" yuggi myiyi: hang" nghoid loug we' lug boem yo' du" said pyam wa zi nghoid. Hid su" koid su: hang" nghoid loug we' nyang: shid: zigi nyang: moo: yoovoin bo da» ga: tid.

XOIN" NGEI" 20:6

«Shid: bye: bang: da" soobyoo yo' dang: tid goo" bang: jang" khyoo: phajhi" mho' wa shid re" dayug yug yhe: nghoid rigi ngoo nyang: ri thougtheung wigi nga" byumyu" dayug khyo" myid soin: loo: wa zi anghoid.

ACTS 16:13

Dougno: Bidnyid ri ngoonu" gi Yuda byumyu" yi zeung: foem: lho: akyu" mho' da" joyoo jo, wa ein: jhoo: yoomo voogung nghe: shoid, gyid yam, khyoo: thu' yhe: lo" wigi yhe: zhoung: jo, ri houg: moo zeung: foem: re" da" myiyi: yi ri kho" kyoo" byid: boem bye.

ACTS 16:18

Hau: myiyi: nu" gi hougsu" myoo" sho' nyid" nyho: nyid yoomo Polu gi nheig gye" yoo: nau, lo wigi lheung: lo lho: Yesu khristu da" myeing ri lang: wigi ngoo nang ri amyeing" byid: ba- nya: khoug: mo phang: thu' loo" we' ga: hau: akhyeung" da" yu ri tid kaid'. Houg: lang" jang: hau: akhyeung" da": yu gi myiyi: nu" akhoug: mo, phang: thu' lo" byug bye.

ACTS 16:19

Hau: myiyi: nu" da" join, seing: gi nyang: ngei yo" nyid da" khyoo: jed" byug. ziri si' lang" nyangnu" gi Polu yo' Sila eig yug ri myheug yu lho: kid" vang" moo zeung: foem: nyid da" amyeing" yoo" mo, jhang khyoo: she: khyoid' yhe: lo" boem ago".

ACTS 19:24

Demetri ga: da" ngei sheing: shau, da" lo, moo" zei: su: dayug gi Atemi phara" myhi, da" ngei yhoem: soolhoo: nu" joem shoin" lho: nya: moozoo" yoomo lo, moo" zei: bang: ri ngei gye" yo" shoo: nhang: nyid.

GALATI 5:20

Goug ngu soolhoo: no' khyoo:- maintain khyau" fa" lung khyoo: join: yu kau" phajhi" - anoug angei ziyo' myeing" myoo: yhoo: she: khyoo:- noo" goo" zoo go"- nheig yoo ung: jhen:- nyang: nya: da" akyu" te: sho: zi gang: loo" lain' lo" da" khyoo:- phung kho' go" lo" khyoo:-

1 TIMOTHI 6:10

Khasu" wim ga: ri ngei myo, no, da" khyoo: gi akhyeing" ashoeb, khyoo: aja: ja: ri bue" thu' loo nhang: da" nei yang: nyang: nghoid bye. Byu dayham" bang: gi hau" ngei ri yoo" wa shid re" nheigloem: gye" zhu: vho: ngei nyid boem yoomo loem" jeung" khyoo: mo vhang: lo" boem ziyo' koug shu: khyoo: aja: ja: yo' nyangnu" da" nheigloem: ri gyau: moin" loo" nhang: nyid boem ago".

2 TIMOTHI 3:8

Akhui" yanne" yo' Yanbre eig yug gi Moshe ri thoutheung ngeug pyam' ziyo' dakhyoo" ti"- he: byu joem we' hau: deingmain" khyoo: ri thoutheung ngeug pyam nyid boem ago". Hau" byu joem gi nyangnu" ase' myid soin: yu" boem, loo: yoomo loem" jeung" khyoo: moo byo, yoin" soem" joem: lo" boem, ago".

2PETRU 2:3

He: da" mhau' sara yi gi-nyangnu" da" vhooo: boo myo, no' da" nheugloem: yo' nyheung phain" yu da" mhoo: myed: joem ri tid kyo" zoore"-amyaid sho: lo boem wa nghoid. Goonham, mo wigi nyangnu" ri dang: phyed' said pyam wa da" tarha" agyi phoo gi jen" nyid gu: nghoid ziyo' nyangnu" ri lhu: phyo' lhu: shoin' pyam wa sugi- yhoeb' nau lho: yhoeb, nghui" nghue" nyid zi anghoid.

1 SAMUELA 28:3

Akhid" Samuela shid: bye: yoomo Israela byumyu" dangain" mo, nheig koug nheig nge ziyo' nyang: ri nya: moug: nghoid da" Rama voogung moo myhoeb too" bye:. Sholu gi boid phyed bang: yo' yu myhi yiri Israela mungdain: mo khaid thu wa shid re" soin' nyid da:.

1 SAMUELA 28:7

Hau: thang: Sholu gi nya: moo" voin bang: ri «Ngoo ri yu koid su: dayug yhe: shoo: byid: ge'. Ngoo nyang: ri yhe: myid: yu" wa» ga: tid. Nyangnu" gi «Endora voogung moo: dayug nyid» ga: tid.