ACTS 15:9 - Lacid Common Language Bible

⁹ Mangsoo gi ngoonu" yo' Tungboug yi da" agyoo: moo gootu: akho' too" nghoid da- nyng: nu" we' loem" jeung" lo boem bye: yoomo Mangsoo gi nyangnu" da" yooboo dangain" ri we' khyoid pyam' byid: bye.

ACTS 15:9 교차 참조

COUNG" NGHEI 51:10

O" Mangsoo we"- nga" da" akhoug: moo: younglho' da" nheigloem: ri phain" so: byid: lho: nheigloem: zung" khyoo: yo' soozoo: aseig ri nga" da" akhoug: moo: kaid byid: we'.

EZEKIEL 47:22

Hau: zigi nanu" da" apyaid atoo: mo agyid asoo: mougmyid nghoid da:. Hau: ziri nanu" kho' gam go" uri nanu" da" phung: gung moo nyid wigi hid moo: zooshang: khu: da" tungbau byu yi we' nyangnu" da" gamboem yo" yu ca" da:. Nyangnu" we' Israela mung" byu seing: yhang: ti" nyang: zoem" khoug: ca" wigi nyangnu" gi Israela byumyu" kung: yi yo' dage" mougmyid kho' gam wa shid re" me" bo yo" lab ca" da:.

ACTS 10:15

Doem phoug tid lo da" thui: gi " Mangsoo gyeungshang: ga: ziri nang agyeing" ashang: ein: asoin: yu, ga: doem tid.

ACTS 10:28

Petru nyangnu" ri tid zigi Yuda byu dayug gi tungbau byu yi yo' age zoem" goo" - dage" age nyid ga: ziri nya: noku thung" khyo" toung: to" zigi nanu" nyang: voin: tang: si' gu nghoid bye. Nghoid loug we' hang" ri nghoid loug we' Noku thung" khyo" agyeing" ashang: yung" alhoo, ein: wigi hang" ri we' ngoo age myed lo: khyoo: ri Mangsoo gi ngoori toin" shid' too" bye.

ACTS 10:34

Houg: lang" Petru gi Mangsoo gi yug khang" moo" ri myonhoo: vhuzung akhyen: loo: za: koid nyid ziri akhid" ngoo gyeing" nyang: si' bye.

ACTS 11:12

Gyeungshang: da" Venyi gi da jhi, we' a - ug vhoo" loo: za: nyangnu" da" thang: khyoo: cang yhe: loo" wa zi ngoori tid. Yopa voogung mo loem" jeung" da" byu khyug yug we' ngoo yo' dage" kesare voogung khyoo: bo cang re" boem. Ngoonu" dangain" bang: gi koneli da" yhoem: moo vang lo" boem bye.

ACTS 14:1

Ikoni Voogung moo Polu yo' Barnaba eig yug gi Yuda byu yi da" Tarha" jung moo zheung: vang lo" lho: kho" kyo" nyid uri Yuda byumyu" yi yo' nghi: zain, byumyu" yi gi Aseing Yesu ri loem" jeung" loem khau: lo byu myoo" sho' bo lo.

ACTS 14:27

Nya: eig: yug gi Antioki voogung khyoo: ju" yhe: loo" lang" phung byu yi ri khe: zheung" yu wigi nya: eig yug khyo" Mangsoo gi khate" da" moo" ri zei: loo bye: da" khyoo: dangain" ri we' Mangsoo gi tungbau byumyu" yi Yesu ri loem" jeung" lo boem wa shid' mo khyoo: khasu" phang byid: lo da" khyoo: dangain" ri we' - nyangnu" ri tid kyo" ago".

Roma 3:22

Mangso: da" shid' khoin" moo byu xang: su yi gi Khristu Yesu ri loem jeung" khyo" za: deingbyeing" khyoo: yo" lo. Byu gi Mangso: shid' khoin" moo Khristu ri loem jeing" mo, dangain" gi dayhang: ti" nghoid.

Roma 3:9

Hougsu" nghoid loug we' ngoonu" Yuda byumyu" yi gi - tungbau byumyu" yi da tho' moo ci jegi mo nghoid la". Jege khyoo: ci aboo. Yuda byumyu" we' tungbau byumyu" we' yooboo yoem: so' khoug: moo danyid da" khyoo: ri nanu" ri ngoo toin" shid' bye.

Roma 9:24

ngoonu" gi Yuda byumyu" khoug: mo za: anghoid. Tungbau byumyu" khoug: mo we' Mangsoo: khe: yu too" mo nghoid.

1Korinthians 1:2

Korinthu voo mo Mangso da" phung moo: boo mo, yo' joyoo khyi, khang" moo" mo, ngoonu" yo' nyangnu" da" Aseing: nghoid nyid da- Aseing Yesu Khirstu ri noku loem khau: da- Yesu Khristu khyo" wigi: Mangso da" gyeungshang: byumyu" bue" loo wa shid re" khe: yu zi shoug" bang: dangain" mo, jhang khyoo: dang: pyeung: kaid.

1Korinthians 7:18

Athang: yham" da" byu dayug khyo" wigi- Mangso khe: yu zi shau" nghoid rigi- athang: yham" da" akhoo: ri ci: akoid ca" loo. Athang: ayham shi" su: ri- Mangso khe: yu zi shau" nghoid rigi- nyang: gi athang: ayham" noo" loo.

GALATI 3:28

Hougsu" nghoid yoomo Yuda byumyu" yi yo' Grid byumyu" ein: zi aboo- join, yo' loid byoin mo, ga: zi we' aboo- myiyi: yo' yug gi ein: zi we' aboo- nanu" dangain" bang: gi Khristu moo dayug za: danghoid nyid boem lo.

GALATI 5:6

Khasu" wim gari ngoonu" gi Khristu Yesu moo nyid nyid beom nghoid rigi athang: yham" ziri kham, akham' ein: zigi ce: ayhoug: gyen:- yhoug: gyen: da" khyoo: gi jheddab myid ri ci: lho: loem" jeung moo" zei: khyoo: nghoid.

Ephesu 3:6

Hau: no, thang da" khyoo: gi ngei bu: lu dang: yoomo nghi: zain' byumyu" yi gi Mangso da" mainkaid jeju" joem ri Yuda byumyu" yi yo" kham: yu da" akhang" ri yo" yu loo bye: khyoo: nghoid. Nyang: nu" yo' Yuda byumyu" yi gi gung shoo" daloem: za: mo akung: ako'' nghoid nyid wigi Khristu Yesu khyo" wigi Mangsoo byid: to" da" dang: soo" khoin" mo akyu" ri kham: yu da" akhang" yo" boem bye.

KOLOSE 3:11

He: khyoo: yoomo Yuda byumyu" yi yo' Heleni byumyu" yi gi athang: yham" kham' su: yo' akham' su: siyoo soogam: byu yi-byu kyang: byu lam" joem- join, yi yo' loid byoin, byu yi ga- nyangnu" da" akhoug: moo kho' go" koin, nyid wa khyoo: ajo, loo- Khristu gi nanu" dangain" bang: tho' moo-je" yhoug: gyen: su: nghoid wigi nanu" dangain" bang: yo' dage" nyid nyid.

1PETERU 1:22

Nanu" gi deingmain" da" tarha" ri cang so" loo" yoomo nanu" da" nheigloem: ung: khoug: ri ced" yung ced" lho, wigi nanu" nyang: cang" we' nheigloem: ung: khoug: bain sho' yo' jheddab go" nyid ge'.