ACTS 15:5 - Lacid Common Language Bible

⁵ Nghoid loug we' pharishe be da" phung moo bo da" loem" jeung" mo, dayham" gi zheung: to' yab, lho: wigi tungbau byumyu" yi gi shooyid' thang: yham" khyoo: kham: yu ca" hau: lho: Moshe da" tarha" ri bo phau" cang wa shid re" nyangnu" ri tid ca" ga: bo tid nyid boem ago".

ACTS 15:5 교차 참조

MATHE 3:7

Akhid" Pharishe" yo' Saduke myoo" sho' mo, baptisma kham: yu wa ga: ju" re" boem zi Yohan lhoem: myang lang" nyang: bang: ri Yohan tid zigi «Akhyeing" da" myuno, Byumyu" yi we"- Mangso dang: khoo' da" zi thung" shau" zoo: wa da" yooboo shed: gyoin noo gyoin mo yo" phang: thu' loo" goo" baja" ga: nanu" ri hang" tid poin" go" lha".

ACTS 15:1

Byu dayham" bang: gi Yuda mung" mo zi Antioki voo moo zheung: ju" re" boem lho-loem" jeing" bang: ri nyangnu" gi Moshe da" tarha" yo' dakhyoo" ti" shooyid' thang: yham" zi akoid boem nghoid rigi khyoid yu zi ayo" shau" ga- yhe: jhoug" byid: shed" lo" ago".

ACTS 15:24

Ngoonu" da" phung mo byu dayham" bang: gi ngoonu" wigi ci: we' apyeung: kaid' ziri nanu" jang" moo ju" re" lho: myid myo: ja: dang: aja: ja: ri zheung: tid wigi nanu" ri myid zheung: myoo: nhang: ga: da" thui: ri ngoonu" shau" gyo: loem bye.

ACTS 21:20

Polu tid kyo" da" ludang: joem ri bain shau" gyo: boem lang" nyangnu" dangain" mo, gi Mangsoo ri coung" nghei boem ago". Hau: thang: ri nyangnu" gi Polu ri mang: nhung" phoo Polu we" - Yuda byu yi moo loem" jeung" loo bye: bang:- kha myhoo, khyeing" nghoid bye: ziyo' nyangnu" dangain" mo, gi tarha" ri khayhi' ju" sho' cang loo wa shid mo kang: lung bu nyid mo, nghoid ziri nang se' myang gu nghoid.

ACTS 24:14

Shoid ga: nyangnu" tid da" houg: khyoo: ein: da" phung: loem khau: da" khyoo: moo cang yhe: khyo" wigi-Ngoo gi nyangnu" phoug" phyid" yi da" Mangsoo ri noku nyid ein: - he: khyoo: rigi re" shid' khoin" moo ngoo yhen: yu bye. Nghoid loug we' ngoo gi Moshe tarha" yo' lapi: yi da" mougsoug" joem moo lhid" to" khyoo: dangain" ri loem, khau: cang pyeung nyid.

ACTS 24:5

Byu he: yug gi ayoug: akhi" bui" nhang: su: nghoid ziyo' mougmyid gyab, goin" jang" mo Yuda Byumyu" yi ri mo, thei" mo, yug bui" nhang: wa shid mo pui: su: nghoid yoomo Nazared phung: mo vhu" jhung: dayug nghoid ziri ngoonu" shau" myang bye.

ACTS 28:22

Khasu" wim gari nang bo da" phung: ri khyi, khang" moo mung" byu yi ngeug thoug shang" nyid ziri ngoonu" se. Nghoid loug we' nang myed khyoo: ri ngoonu" we' tam" gyoo: nau- ga: tid ago".

ACTS 5:17

Houg: lang" khainjung zeing yo' nya: byen cang" yi nghoid da- Saduke phung bang: gi lagyoo: yi ri gye" anoug angei zi bue" lo wigi nyangnu" gi lagyoo: yi ri myheug wa khyo" soin' lo boem bye.

1Korinthians 7:18

Athang: yham" da" byu dayug khyo" wigi- Mangso khe: yu zi shau" nghoid rigi- athang: yham" da" akhoo: ri ci: akoid ca" loo. Athang: ayham shi" su: ri- Mangso khe: yu zi shau" nghoid rigi- nyang: gi athang: ayham" noo" loo.

GALATI 2:11

Nghoid loug we' Antioki voogung khyoo: Petru ju" yhe: uri nyang: zei so nyid da" avoid asam" gishoid nyidda" khyoo: gi bang bang nyang: nghoid nyid yoomo ngoo ginyang: ri mung" byu yi da" shid' khoin" moo gyi koid.

GALATI 2:14

Akhid" nyangnu" gi ngei bu lu dang: da" deingmain" da" khyoo: moo dain: dain: aso" nyid boem ziri ngoo shau" myang lang" gi nyangnu" dangain" bang: da shid' khoin" moo Petru ri nang gi Yuda byu nghoid lho: wigi Yuda byu yhang: ti" anghoid- tungbau byu yi yhang: ti" kangso dei nyid lho: tungbau byumyu" yi ri Yuda byumyu" yi yhang: ti"- kangso dei wa shid' re" khasu" koid yo" nyen" nhang: wa lha". ein: wigi ngoo tid pye.