ACTS 15:3 - Lacid Common Language Bible

³ Phung byu yi gi nyangnu" ri yhe: de" kaid ago- nyangnu" gi Phonisha mung" yo' Samari mung" khyo" so" lid lo" zoore- tungbau byumyu" yi gi Mangso shoid khyoo: - khasu" phoug lheung: lo boem wa da" khyoo: ri hug: moo nyid mo, ri we' zhang: kyo" ago".

ACTS 15:3 교차 참조

LUKA 15:32

Re" no, koem gi shid: byug bye- nghoid loug we' akhid" doem dei loo bye. Nyang: byug byug bye: nghoid loug- akhuid' doem shau" nyang bye: yoomo nyhang" phi" yi zo: shug pui" koid: shang- ngei pyo: nyid shang.

ACTS 1:15

Hau: thang: atoung" myang" ri loem" mo, dasho: eig xi: yug koo- zeung: foem: phoung nyid boem ago, Houg: lang" Petru gi to' yab, lho: wigi

ACTS 13:48

Tungbau byumyu" yi gi he: da" dang: ri shau" gyo: boem lang" gyo: ngei boem ziyo' Mangso mungdang: ri coung" nghei ago". Apyaid' atoo: mo, da" kangso' ri yo" yu wa shid re" khyen: yu zi shau" bye: mo, gu: gi Yesu ri Loem" jeung" lo boem bye.

ACTS 13:52

Antioki Voogung moo nyid da" loem" jeing" bang: gi gye" ngeibu: boem ziyo' gyeungshang: da" Venyi yo' byeung" jo, ago".

ACTS 14:27

Nya: eig: yug gi Antioki voogung khyoo: ju" yhe: loo" lang" phung byu yi ri khe: zheung" yu wigi nya: eig yug khyo" Mangsoo gi khate" da" moo" ri zei: loo bye: da" khyoo: dangain" ri we' Mangsoo gi tungbau byumyu" yi Yesu ri loem" jeung" lo boem wa shid' mo khyoo: khasu" phang byid: lo da" khyoo: dangain" ri we' - nyangnu" ri tid kyo" ago".

ACTS 15:1

Byu dayham" bang: gi Yuda mung" mo zi Antioki voo moo zheung: ju" re" boem lho-loem" jeing" bang: ri nyangnu" gi Moshe da" tarha" yo' dakhyoo" ti" shooyid' thang: yham" zi akoid boem nghoid rigi khyoid yu zi ayo" shau" ga- yhe: jhoug" byid: shed" lo" ago".

ACTS 15:12

Barnaba yo' Polu eig yug gi-nya: eig youg da" lo, khyo" wigi tungboug yi da" shid khoin" moo Mangsoo koid shug da" mau" pho" moozoo" yo' mau" pho" alhoo: again khyoo: ri tid kyo" nyid da" uri zoeb, phoung nyid mo, dangain" gi sam" zoo: gyo: nyid boem ago".

ACTS 15:22

Houg: Lang" lagyoo: yi yo' phung ludaid yi dangain" mo, gi sham: go" lho: nyangnu" mo byu dayham" ri khyen: yu wigi Polu eig yug Barnaba yo' dage- Antioki voogung khyoo: bo nhang: kaid' wa shid re" sham: go" to" boem ago". Hougsu" loem" jeing" bang: dangain" wigi phau" myang: da" Basaba ga: da" Yuda yo' Sila eig yug ri khyen: yu lho: nya: eig youg lo, khyo" mougsoug" dakhyab, lhid" foin: kaid' ago".

ACTS 15:32

Yuda yo' Sila eig yug gi lapi: zheung: nghoid yoomo loem" jeing" bang: ri myang" sho' yoem: byid: da" mungdang: tid poin" tid kyeing" byid: nyid ago".

ACTS 15:4

Nyang: nu" gi Yerusalem voomoo" moo ju" yhe: lo" boem uri houg: mo da" phung byu yo' dage" za: lagyoo: yi yo' phung ludaid yi gi nyangnu" ri lhoem: tau, yu boem bye. Houg: lang" Polu gi nyangnu" da" lo, khyo" wigi Mangsoo gi khayhang: te" da" moozoo" ri zei: nyid da" khyoo: nyangnu" ri tid kyo.

ACTS 17:15

Polu ri yhe: de" kaid' khoo, mo, gi Athen voo moo ju" sho' Polu yo" dage" zheung: cang yhe: wigi Sila yo' Timothi eig yug ri ge, bue" yhi' myab, khyo" nya: jang" moo cang ri nhang: ge' ga: Polu pyeung: kaid' da" dang: ri voin, lho: Beria voo khyoo: doem tau" lo ago".

ACTS 20:38

Polu gi thang: phyang" nyang: ri - nyangnu" ashau" doem myang loo: wa ga: tid yoomo, nyangnu" gi nheing gye" gyo: koug ago". Hougsu" wi nyangnu" gi nyang: yo' dage" lhid' khyoo: yhe: lo" boem ago".

ACTS 21:5

Nghoid loug we' - nyangnu" yo' shau" theung: nyid da" ayo, bidnyid thang lang" ngoonu" gi houg: mo thu' lho: yhe: lo" boem bye. Ngoonu" dangain" mo, gi nyangnu" yhoem: seing: myhi' yi yo' zoo: shang: mi" dangain" we' voogoung tung: gung khyo" gyid yam, moo ju" sho' ngoonu" ri re" de" kaid' boem ago". Hau: khyi, moo ngoonu" dangain" mo, poid' thug thoug lho: akyu" coem mho' boem bye.

ACTS 28:15

Roma voomoo" mo loem" jeing" bang: gi ngoonu" da" khyoo: ri shau" gyo: boem lang" gi Api: ga: da" kid" vang" joyoo ju" sho' we' being" do, yhoem: soem" loem: ga: da" joyoo ju" sho' we' - zheung: ju" re" boem wigi ngoonu" ri tau, yu ago, Polu gi nyangnu" ri myang lang" - nyangnu" gi Mangso jeju" ri coung" nghei boem lho: nheigloem: yoem: gyi" sho' yo" lo boem bye.

ACTS 8:14

Yerusalem moo nyid da" lagyoo: yi gi Samari byu yi Mangso mungdang: ri lhoem: kham: yu bye: ga- da" thui: ri shaug" gyoo: lang" Nyang: nu" gi Petru yo' Yohan eig yug ri nyang: jhang khyoo: zheung: nhang: kaid ago".

Roma 15:24

Akhid" nanu" jang" moo ju" re" wa ein: myid byu to. Ngoo spin: mung" khyoo: gyung: so" lo" da" uri - nanu" jhang khyo" vang jang: wa shid' re" myid soin: to. Nanu" jang" moo daso' re" theing: jang: lho: - Sping: mung" khyoo: gyung: xo' so" loo" wa shid' re" - ngoori pang" thoug kaid' nhang: nau.

1Korinthians 16:11

Hang" we' nyang: ri ayu" nge pyam goo" baja" nya: gyung: khyoo: moo: xo' loo: xo' yo" so" loo baja"- nanu" gi nyang: ri pang" thoug byid: kaid boem ca. Houg: su" Khristain mang: nhung" yi yo' dage" nga" jhang khyoo: yo" doem tau" ju" loo wa nghoid ein- ngoo nheig byu nyid zi nghoid.

1Korinthians 16:6

Nanu" yo' dayo, daboin: myang" sho' shau" zoem" nyid khoo' abe- hau: zigi: ngam" yo, nghoid wa. Hau: thang: ri khakhyo" nghoid loug we' gyung: doem xo' so" lo" ri- nanu" ngoori: yo" pang" thoug kaid wa ziri: myid byu to.

2~KORINTHU 1:16

Khasu" wim gari Makedoni mung" khyoo: yhe: lo" u" we' houg: mo doem tau" lo uri we' nanu" moo vang lo lho: Yuda mung" khyoo: yhi: wa gyung: khyo: shid re" we-nanu" jang" mo pang" thoug khyoo: yo" yu baja" ein: ngoo myid too" bye.

TITU 3:13

Tarha" Sara zena yo' Apolo gi nya: eig yug gyung: yo" so" loo" wa shid mo ci" we' aca" sho' nya: eig yug ri joeb, joeb, soin' nhang: kaid' we'.