Nghoid loug we' Yuda byumyu" yi gi Mangsoo ri noku coung" nghei mo, nghoid da- Byu nyid azhang" myhang: bye: da- tungbau byu myiyi: yi ri we' hau: voogung moo vhu" jhung: koid nyid mo, ri we' myid lhu: zhuang" to' kaid ago". Houg: lang" nyangnu" gi Polu yo' Barnaba eig yug ri shen" yhen lho: nya: eig yug ri nyangnu" da" mung" mo khaid thu' kaid' ago".
Nghoid loug we' Yuda byu yi gi myed, zheung: noug: yoomo fu" moo" khyoo: cang nyid yen" da" - byugang: yi ri khe: zheung" yu lho: byu phung: daloem: koid yu boem ago". Nyang: nu" gi davoo, goin" ziri lhu: nhau" zhuang" to' kaid' boem lho: wigi Yasun ga: su: yhoem: khyoo: sarhi' yhe: zheung: koid wigi Polu yo' Sila eig yug ri mung" byu yi da" shid khoin" moo she: khyoid thu' yu wa shid re" - yhe: pue: ago".
Ngoo gyung: so" yen" zi myoo" sho' lheung: moo gyid je: lo wigi shau" da" shid: gyoin'- khyangtoug: shau" da" shid: gyoin'- ngoo nya: da" Yuda byumyu" yi koid byid: da" shid: gyoin- tungbau byumyu"' yi koid byid: da: shid: gyon- voothoem" yi moo thoung" shau" da" shid: gyoin'- siyoo soogam moo shau" yen" da" shid: gyoin- mhau' da" mang: nhung" yi koid da' shid: gyoin noogyoin myoo" sho' shau" lid lo yu" bye.
Mang nhung" yi we"- nanu" moo bue" lo da" thoung" shau" khyoo: joem gi Yuda mung" mo Mangso phung nghoid da" Khristu da" byu yi moo we' thoung" shau" nyid boem- nanu" gi nyhang" nya: moug: mo byu yi da" lo, moo shen" yhen khyoo: thoung" shau" yhang: ti" ngoonu" we' Yuda byumyu" yi da" lo, moo thoung" shau" nyid boem bye.
Tung: bau byumyu" yi khyoid yu zi shau" wa shid re" houg: yo' sen: da" mungdang: ngoonu" dakho" kyo" ri lang" nyangnu" gi toung: nghoed, pyam wa shid re" yoem: kaid' lo boem ago- he: lid khyo" nyangnu" shoid vhang: lid lo yu" bye: da" yooboo joem ri joeb, sho' koid boem abye: go"- Houg: yoomo lo thang jang" moo gi Mangsoo nheig yo: da" khyoo: gi nyangnu" da" atho' moo ju" gyo" loo bye.
Ngoonu" gi nanu" nyid da" Thesaloni voogung khyoo: ari" shi" uri Philipi voo gung moo ngoonu" ri khayhi' shen" yhen da" khyoo: yo' juang" yi shau" ziri nanu" se' nyid bye- houg: yhang: ti" adu aveing" go" da" thoutheung khyoo: myoo" sho' boo nghoid loug we' nanu" ri Mangso jang" mo ngeibu: lu dang: yo" tid kyoo" wa shid re" ngoonu" da" Mangsoo gi ngoonu" ri asho' agyug da" yoem: moo" byid: too" bye.
Nga' da" kyi" khyeug shen" yhen lo da" khyoo: joem ri bo myang bo si' bye. Antioki voo, Ikoni voo, Lustra voo joem moo ngoo thoung" shau" da" gyoug pho" shen" yhen pyi: sho: khyoo: yo' ngoo kham, zo: loo bye: da" khyoo: joem dangain" ri nang se' nyid gu nghoid bye. Aseing: koem gi hau: khyoo: dangain" jang mo ngoori khyoid yu abye:.