ACTS 14:1 - Lacid Common Language Bible

¹ Ikoni Voogung moo Polu yo' Barnaba eig yug gi Yuda byu yi da" Tarha" jung moo zheung: vang lo" lho: kho" kyo" nyid uri Yuda byumyu" yi yo' nghi: zain, byumyu" yi gi Aseing Yesu ri loem" jeung" loem khau: lo byu myoo" sho' bo lo.

ACTS 14:1 교차 참조

MARKU 7:26

Hau: myi: yi: myhi, gi tungbau byumyu" nhoid wigi suri Phiniki mung" byu nghoid da:- nyang: gi Yesu ri nya: myiyi: zo: da" khyoug: mo hau: yu ri khaid thu' pyam byid: wa shid re" mho'.

YOHAN 12:20

Hau: pue" uri noku yhe: da" byu yi akhoug: moo Greed byumyu" dayham" we' bo

YOHAN 7:35

Yuda zoug: myeing" ci: mo, gi ngoonu" ashau" shoo: sho' nyang: kha: moug: khyoo: loo" wa la'- Yuda byumyu" yi nyid da" Greed voo gung yi moo lo" lho: Greed byumyu" yi ri jhau" mhoo, byid: wa la".

ACTS 11:21

Aseing: da" yoem: gi nyangnu" yo' dage" nghoid yoomo byu myoo" sho' mo, loem" jeung" lho: Aseing: jhang khyoo: phug lo ago".

ACTS 13:43

Hau" zoeb, phung mo, mung" byu yi byo, lo" boem thang: ri Yuda byu yi myoo" sho' mo, gi Yuda noku thung" khyoo: phoug vang loo bye: da- tungbau byu yi myoo" sho' mo, gi Polu yo' Barnaba thang: cang lo" ago". Polu yo' Barnaba eig yug gi Mangsoo nheig khyeug da" akhoug: moo xo' lho: kangso' yo" dei nyid wa shid re" nyangnu" ri yoem: byid: da" dang: ri tid ago".

ACTS 13:46

Nghoid loug we' Polu yo' Barnaba eig yug gi je" ri agyug avoem, loo: za: Mangso mungdang: gi nyangnu" rishi" - xang: shed" tid kyoo" wa da" khyoo: eung: nyid. Nghoid loug we' nyangnu" gi hau: mungdang: ri ngeug pyam lho: hau: apyaid' atoo: mo, kangso' yo' amoin: yi" ga- nyhang: nu" nyang: dang: zheung: phyed' yu lho: nga" eig yug gi nanu" ri too" kho' lho: tungbau byu yi jhang khyoo: yhe: loo" wa zi nghoid.

ACTS 13:5

Nya: eig yug gi Salami voo moo ju" loo" lang" tarha" jung moo Mangso mungdang: ri kho" kyo" ago". Nya: eig yug ri bo pang" thoug wa shid mo Yohan Marku ri we' bo, shu" yhe: ago".

ACTS 13:51

Polu yo' Barnaba eig yug gi nyangnu" ri ngeug pyam' da" aved' khyo" nya: eig youg da" khyid: voo: mo pheilhoug: joem ri ko: khyoo, kho' lho: Ikoni voo khyoo: yhe: lo" ago".

ACTS 14:19

Pasidi mung" Antioki Voogung yo' Ikoni voogung mo da" Yuda byu yi dayham" bang: re" lho: mung" byu yi ri nyangnu" jhang khyoo: yo" re" ngoug yu boem ago". Hau: thang: ri nyangnu" gi Polu ri lug go' wigi zheung: du" lho: shid: bye: ga: zheung: jhoo: yoomo vooyam, moo yhe: she: thu' to" ago".

ACTS 14:2

Nghoid loug we' - aloem" ajeung" da" Yuda byumyu" yi yo' nghi: zain, byumyu" yi gi khristain ri pyi: sho: lho: aveing" goo" wa shid' mo lhu: nhoug" byid: nyid boem.

ACTS 14:21

Polu Yo' Barnaba eig yug gi ludang: gi ri Dabe Voogung moo kho" kyo" lho: wigi byu yi myoo" sho' bang: gi cangzoo: yi bue" lo boem ago". Hau: thang: moo nya: eig yug gi Lustra, voo- Ikoni yo' Pesidi mung" mo wigi Antioki voogung khyoo: doem tau" lo" ago".

ACTS 16:1

Polu gi Debe yo' Lustra voogung khyoo: yhe: lo- Lustra voogung moo Timothi ga: da" Khristain phung byu dayug nyid nyid. Nya: myhi' gi Yuda Byumyu" Khristain nghoid wigi Grid" byumyu" nghoid.

ACTS 16:2

Tomothi gi Lustra voo bang: yo' Ikoni voogung moo nyid da" loem" jeing" mo, dangain" bang- coem, coung" byid: nyid su: nghoid.

ACTS 17:12

Nyang: nu" mo myoo" sho' mo, gi loem" jeung" lo boem bye- byunyed, azhang myhang: bye: da" - Grid" myiyi: yi myoo" sho' mo, yo' Grid" yuggi yi myoo" sho' bang: we' loem" jeung" lo boem ago".

ACTS 17:17

Houg: yoomo Polu gi tarha" jung moo Yuda byumyu" yi yo' Mangsoo ri noku da" tungbau byumyu" yi yo' we' - Shava kid vang" cang so" lid, yen" da" mung" byu dangain" mo, ri we' - nyid" khang" moo" tid sham: go" nyid.

ACTS 17:4

Nyang: nu" mo dayham" gi loem" jeung" lo boem wigi Polu yo' Sila shoid khyoo: bo dab, ago".

ACTS 18:4

Polu gi Dougno: Bidnyid khang" moo" - Yuda tarha" jung moo Yuda byumyu" yi yo' doem, go' koin, lho: nyangnu" loem" jeung" loo sho' -tid ngoug yu nyid.

ACTS 18:8

Houg: yoomo tarha" jung mo agyi phoo Krispu yo' nya: yhoem: byu yi dangain" mo, gi Aseing: ri loem" jeung" lo boem ago". Korinthu voobyu yi myoo" sho' bang: we' - hau: mungdang: ri shau" gyo: lho: loem" jeung" lo wigi Babtisma kham: yu boem bye.

ACTS 19:10

Hidsu" eig zain' loem: loem: koid lho: wigi Asia mung" moo zheung: nyid da- Yuda byumyu" yi yo' Tungbau byumyu": yi dangain" mo, gi Aseing: da" mungdang: ri zheung: shau" gyo: boem ago".

ACTS 19:17

Ephesu voogung moo nyid da" Yuda byumyu" yi yo' Tungbau byumyu" yi dangain" bang: gi hau: ludang: ri zheung: shaug" gyoo: lang" gyoug lo lho: Aseing Yesu myeing ri je" wigi coung" nghei nyid boem.

ACTS 19:8

Polu gi lham" moo" soem" khyab, koo: - Yuda tarha" jung moo main: main: yhe: lho: wigi mung" byu yi yo' agyug avoem, loo: zheung: tid ngeig go" nyid boem lho: Mangso mungdain: ri se' kham: yu boem, goo" wa shid re" nyangnu" ri kho" kyoo" byid: nyid.

ACTS 2:47

Nyangnu" gi Mangsoo ri coung" nghei nyid zoore- byu dangain" bang: da" shid khoin" moo myonhoo: bo nyid ago". Aseing: gi khyoid yu zi shau" bang: ri nyid" khang" moo" nyangnu" phung: moo myo: loung: loo nhang: nyid.

ACTS 20:21

Nyang: nu" da" yooboo mo nheigloem: ri thed' pyam' lho: Mangso shoid' khyoo: lheung: lo boem wa ziyo' - Aseing Yesu ri loem" jeung" lo boem wa shid re" ngoo gi Yuda byumyu" yi yo' tungbau byumyu" yi ri dakhyoo" ti" yoem: kaid' lho: gye" khyo" tidpoin" lid loo bye.

ACTS 21:28

Nyang: nu" tid zigi Israela byumyu" yi we" - pang" ge' byu he: yug gi khyi, khang" moo" moo cang so" yen" lho: yug khang" moo" ri we' Israela byumyu" yi ri we' - Moshe da" tarha" ri we' hid: noku yhoem: moo" ri we' gyi, koid lho: khoug" byid: yen" su: nghoid da. Hau: lho: akhid" we' noku yhoem: moo" khyoo: tungbau byumyu" dayham" ri shu" vang re" wigi hid: yhi gyeungshang: da" joyoo ri ayung" alhoo koid pyam' abye:- ga: neig yoid lho: nyho: nyid ago".

ACTS 9:20

Nyang: gi Yuda tarha" jung joem khyoo: dain: yhe: lo" lho: Yesu gi Mangso nya: zoo: nghoid- ga: khyoo: ri kho" kyoo" byid: bye.

Roma 1:16

Ngoo gi ngeibu lu dang: ri nheig shid: nheig deig loem jeung" bye. Hau: lu dang: gi loem" jeing" mo, dangain" da" Yuda byumyu" yi yo" ngheizain byumyu" yi ri xang: shid" khyoid' yu da" Mangsoo: yoem: so' phung" yoeb nghoid.

Roma 10:12

Phoo Mangsoo: gi byu xangsu: yi dangain" bang: da" kangso' Aseing: nghoid lho: - nyang: gi akyu" mho' mo dangain" ri joeb byeung" da mainkaid jeju" byid. Houg: yoomo Yuda byumyu" yo" - tungbau byumyu" - ga: suid" aphyed'.

GALATI 2:3

Nga" byen cang" phoo Titu gi Heleni byumyu" nghoid- nghoid loug we' nyang: ri ayoid ayu" - athang: yham" wa shid re" aphoug akhyoid' akoid nhang: boem.

GALATI 3:28

Hougsu" nghoid yoomo Yuda byumyu" yi yo' Grid byumyu" ein: zi aboo- join, yo' loid byoin mo, ga: zi we' aboo- myiyi: yo' yug gi ein: zi we' aboo- nanu" dangain" bang: gi Khristu moo dayug za: danghoid nyid boem lo.

KOLOSE 3:11

He: khyoo: yoomo Yuda byumyu" yi yo' Heleni byumyu" yi gi athang: yham" kham' su: yo' akham' su: siyoo soogam: byu yi-byu kyang: byu lam" joem- join, yi yo' loid byoin, byu yi ga- nyangnu" da" akhoug: moo kho' go" koin, nyid wa khyoo: ajo, loo- Khristu gi nanu" dangain" bang: tho' moo-je" yhoug: gyen: su: nghoid wigi nanu" dangain" bang: yo' dage" nyid nyid.

2 TIMOTHI 3:11

Nga' da" kyi" khyeug shen" yhen lo da" khyoo: joem ri bo myang bo si' bye. Antioki voo, Ikoni voo, Lustra voo joem moo ngoo thoung" shau" da" gyoug pho" shen" yhen pyi: sho: khyoo: yo' ngoo kham, zo: loo bye: da" khyoo: joem dangain" ri nang se' nyid gu nghoid bye. Aseing: koem gi hau: khyoo: dangain" jang mo ngoori khyoid yu abye:.