ACTS 13:3 - Lacid Common Language Bible

³ Houglang" nyangnu" gi zoo: noem jang" lho: akyu" mho' nyid wigi nya: eig youg tho' moo nyangnu" lo, ki" byid: wigi moozoo" ri voin, vu, wa shid mo nya: eig yug ri nhang: kaid ago".

ACTS 13:3 교차 참조

GYUNG: SOO" 27:23

Aseing amyeing" dang: yo' dakhyo" Moshe gi Yoshu vhuloem tho' moo: nya: lo, ri ke" lho: nyang: ri nya: khoo: moo: moo" xo' zei: wa su: khyo" tid fu" kaid bye: da:.

ACTS 1:24

Hau: thang: ri nyangnu" akyu" mho' zigi Aseing: we" Nang gi yug khang" mo" da" nheigloem: ri sisu: nghoid- Yuda gi nyang: yo' sen: da" joyoo khyoo: yhe: loo" bye.

ACTS 13:2

Nyang: nu" gi Aseing: ri noku loem khau: wigi zoo: noem, ri jang" pyam' lho: nyid boem uri gyeungshang: da" Venyi gi nyangnu" ri tid zigi Barnaba yo' Sholu eig yug ri nga" moozoo" voin, vu, wa shid re" gootu: khyen: nyheung too" ge' -ga: tid.

ACTS 13:4

Houg: su" gyeungshang: da" Venyi wigi nhang: kaid' ziyo' dakhyoo" ti" Barnaba yo' Sholu eig yug gi Seluki voo khyoo: yhe: lo" wigi hau: voo mo zi Kupru, gugyoo: kang: khyoo: lhid' yo' gu: yhe: lo" ago".

ACTS 14:23

Nya: eig yug gi phung khang" moo" moo phung: ludaid' yi ri zheung: cang nyheung to" lho: wigi zoo: noem, jang" pyam' lho: akyu" bain mho' lang" gi nyangnu" loem" jeung" nyid da" Aseing: lo, khoug: moo houg: bang: ri zheung: mho' ab, byid: bye.

ACTS 14:26

Nya: eig yug gi hau: voogung mo lhid' zhoung: lho: Antioki voogung moo nya: eig yug zei: bain, ca" da" moozoo" ri bain zei: wa shid re" phung: byu yi gi Mangso da" lo, khoug: moo zheung: ab, byid: da- voogung khyoo: doem, ju" yhe: lo.

ACTS 15:40

Polu gi Sila ri khyen: yu lho: loem" jeing" bang: gi Polu ri Aseing: da" nheig khyeug khyoo: moo bain, ab, nung" byid: boem lang" gi to' lo" ago".

ACTS 6:6

Phung byu yi gi hau: khyen: yu too" bang: ri lagyoo: yi da" shid' khoin" moo nyid nhang: to" ago- lagyoo: yi gi houg: bang: tho' moo lo, ke" lho: wigi Akyu" mho' byid: ago".

ACTS 9:17

Houg: yoomo Anania gi Sholu nyid da" yhoem: khyoo: vang yhe: lho: Sholu da" atho' moo nya: lo, yhe: ki" byid: wigi mang: nhung" phoo Sholu we" - nang he: voogung khyoo: do, lo da" uri khyoo: moo nang ri toin" shid' byid: da- Aseing Yesu nyang: wigi ngoori re" jang" moo nhang: kaid' zi nghoid. Nyang: gi nang myo, doem myang loo wa shid mo we' gyeungshang: da" venyi yoo" baja" ga: we' ngoori nhang: kaid' zi nghoid- ga: nyang: ri tid kyo.

Roma 10:15

Kho" kyoo" wa shid' re" nhang: kaid' su: abo ri khasu" se' kho" kyoo" wa. Jhoem: mungdang: moo bo zi yo" dakhyoo" ti" - ngibu: lu dang: gi ri voin loo mo da" khyid: yi gi - khayhi' young" du nyid boem lha"» ga: lhid" to".

1 TIMOTHI 4:14

Lapi: yi kho" kyo" lho: phung ri shu" vhu" shi: bang: da" atho' moo lo, ke" lho: phung" void, kaid' byid: da" uri nang ri byid: to" da" nang moo bo jo, gyeung shang: venyi yo' sen: d a" jeju" jhung: shug ri aphoug" akhyoid koid lho: aci: phyoug pyam.

1 TIMOTHI 5:22

Aseing: da" moozoo" voin, vu, wa shid re" hang" ri nghoid loug we' lo, ke" lho: aya: tang: byid: wa ziri akhang:- subi" dakoid da" yooboo moo aye: bo vang lhu"- nang nyang: we' yooboo adab sho' gyeungshang: nyid we'.

2 TIMOTHI 1:6

Houg: yoomo ngoo nang ri lo, ki" byid: lho: aya: tang: byid: uri Mangso jang" mo nang yo" kham: yu bye: da" jeju" jhung: shug ri Mangso jang" mo nang yo" kham: yu bye: da" jeju" jhung: shug ri xo' lho: wigi dei nyid nhang: shi" wa shid re" nang ri ngoo doem, tid poin" kaid' zi nghoid.

2 TIMOTHI 2:2

Sagsi: myoo" sho' bang: da" shid' khoin" moo nga" jang" mo nang jhau" yu gyo: yu bye: da" jhoug" myeing" jhoug" thui: ri ci: lho: byu gooji" ri we' yo" doem, jhoug" byid: wa zi nghoid ein: wigi nang leom, ge" da" byu yi ri doem, thoid' ab, byid: wa.

3 Yohan 1:6

Nyang: nu" gi re" da" jheddab nheigloem: yo' zei: so' khyoo: ri hid: moo re" tid fu" sag si: kham, nyid boem ago". Mangsoo nheig shid: nheig deug khyo" nyangnu" da" gyung: khyoo: moo yo" xo' so" loo" goo" baja"- jeju" yo' nyangnu" ri pang thoug kaid' shi' ge'.

3 Yohan 1:8

Houg: su" nghoid yoomo hau: da" deingmain" moozoo" moo nyangnu" yo' dage" moo" bo pang" voin, mo, bui" goo" baja"- ngoonu" Khristain yi gi hid: bang: ri bo pang" thoug boem ca.