ACTS 13:25 - Lacid Common Language Bible

²⁵ Houg: yoomo Yohan gi nyang: ri zei: nhang: to" da" moozoo" mo bain zei: lo" nyid lang" gi Meing: byu yi ri ngoori hang" nghoid ein: jho: nyid go" lho? Ngoo gi houg: nanu" lang" nyid su: anghoid. Nyang: gi nga" thang: moo ju" ri" zi nghoid- ngoo gi nya: da" khyid: mo khyid: baid ri khyoid' byid: wa zilang"- amoin: yi" nghoid da" - ga: tid.

ACTS 13:25 교차 참조

MATHE 3:11

Ngoo gi nheigloem: thid' goo" baja" ein: nanu" ri gyid moo baptisma ri byid: bye. Nghoidloug we' nga" thang: moo ju" ri" wa su: gi nga" tho' mo yoem: je boo su: nghoid wigi nya: da" khyid: baid' voin byid: wa zilang" ngoo amoin: yi. Hau: yug gi gyeungshang: Venyi: moo we' myi: moo we' nanu" ri baptisma byid: wa su: nghoid.

MARKU 1:7

Houg: lang" Yohan gi Nga" thang: moo ju" ri wa yug gi nga" tho' moo yoem: so' je boo: su: nghoid da:- ngoo gi nya: khyid: baid tei" goeb phoid: byid: wa zilang" amoin: yi" ga: nyang: gi byu phung: yi ri tid fu".

YOHAN 1:29

Thang: nyid" ri nya: jang" moo Yesu jure" zi myang lang" Yohan tid zigi Mougmyid byu yi da" yooboo ri yu pyam byid: da:- Mangso: yang nu" ri yu" yu" ge'.

YOHAN 1:34

Houg: su" tid to" ziyo' dakhyoo" ti"- ngoo shau" yang bye. Houg: yoomo ngoo nanu" ri tid ba- nyang: gi Mangso da" nya: zoo: nghoid.

YOHAN 1:36

Aseing Yesu jure" zi myang lang" thei: yug gi Mangso yang nu" nghoid ga: tid.

YOHAN 4:34

Yesu gi ‹‹Nga" da" zoo: noem gi Ngoo ri nhang: kaid' su: vho: khyo" cang pyeing lho: Hau: Aseing: byid: to" da" moozoo" ri bain sho' voin vu, khyoo: gi nga" zoo: noem nghoid bye:» ga: tid.

YOHAN 7:18

Nyang: nya: da" Tarha" ri kho" kyo" jhoug" byid: su: gi nyang: nya: da" myonhoo: ngeilang: ri shoo: wa nghoid. Nghoidsho' loug we' nyang: ri nhang: kaid su: da" myonhoo: ngeilang: ri shoo: su: gi deing: deing: main" main" se' kho" kyo. lho: nyang: moo mhau' fain" zi aboo.

ACTS 13:36

David gi nyang: dei nyid da" bidnyid gu: moo Mangsoo myed soin' to" moozoo" joem ri zei: so' lho: shid: loo" bye. Nyang: gi nya: phoug" phyid" yi loeb, nam, moo myhoeb, shug: pyam' zi shau" lho: nya: manggung gi loeb, khoug: moo boeb, yoem: lo" byug bye.

ACTS 19:4

Polu doem tid zigi Yohan da" Batisma gi nyangnu" da" yooboo mo nheigloem: thed' loo wa shid re" nghoid- Yohan gi nya: thang: moo ju" ri wa da" Yesu ga: su: ri loem" jeung" boem wa shid re" Israela mung" byu yi ri tid zi nghoid- ga: tid kyo.

ACTS 20:24

Nghoid loug we' nga" kang: so' ri ngoo ce: vhoo" abyid- ngoo gi deung jo" da" moo" ri zei: pain wa ziyo' - Aseing Yesu wigi ngoori byid: to" da" moozoo" nghoid da- Mangso nheing khyeug khyoo: ludang: gi ri tid fu" kyo" da" moozoo" ri kyoeb, sho' zei: wa da" khyoo: riza: kang: lung bu nyid.

2~KORINTHU 4:5

Khasu" wim gari ngoonu" gi ngoonu" nya: khyoo: ri kho" kyo" zi anghoid. Yesu Khristu gi Aseing: nghoid nyid khyoo:- ngoonu" gi Yesu yoomo za: nanu" da" deizoo: yi nghoid da" khyoo: ri dakho" kyo" boem.

2 TIMOTHI 4:7

Ngoo gi gei, shi go" pui" moo yoem: so' bain sho' gei loo" bye. gei, wa shid re" ke' to" da" lake, bain: zeing: moo ju" sho' gei bye. Hau: loem" jeung" khyoo: ri ngoo bain' cang bye.

Pang Shug 11:7

Nghoid loug we' nya: eig yug bain kho" kyo" thang: rigi no, athang: da" duang: khuang" khoug: mo akhyeung" da" gougnyhoug zeing thu lo wigi nya: eig yug rioung: pyam lho: said' pyam' zi shug " wa nghoid.