ACTS 13:23 - Lacid Common Language Bible

²³ Mangsoo gi nyang: dang: soo byid: to" ziyo' dakhyoo" ti" David nya: myed: nya: zoo: yi mo nghoid da- Yesu ri Israela byumyu" yi da" khyoid yu Aseing: bue" loo nhang: bye.

ACTS 13:23 교차 참조

2 SAMUELA 7:12

Nang shid: byug lang" re" phoug" phyid" yo' dage" myhoeb wigi re" yuggi zoo: dayug yug ri khokham koid nhang: lho: nya: mungdain: ri ngoo geing: teing nhang: wa zi nghoid.

COUNG" NGHEI 132:11

nang gi David ri geung: teung dangsoo" khoin" byid: too" bye:- dangsoo khoin" ri: nang doem yoeb yu wa zi anghoid- hau: dangsoo" khoin" gi ngoo gi re" zoo: yi mo dayug ri khokham bui" nhang: lho: nyang: gi re" thang: moo: khoo" zhung: wa zi nghoid.

ESAIA 11:1

David da" khokham kung: gi thug lheing: pyam bye: da" seiggam yhang: ti" nghoid da:. Nghoid loug we' seig ngoid mo seig bu: aseig to re" ziyo' dakhyo" David da" amyed ashen yi mo khokham aseig dayug doem thu loo wa.

ESAIA 11:10

David khokham kung mo khokham aseig gi byumyu" yi da" asoo" bui" wa ayo, ju" re" nyid bye:. Nyangnu" gi nya: khokham voomoo" moo zeing: foem: nyid wigi nyang: ri ngi: shab byid: loo goo" wa.

ESAIA 43:11

«Ngoo dayug za: Aseing nghoid. Nang ri yo" khyoid yu su: ngoo dayug za: nghoid.

ESAIA 45:21

Nanu" da" moo" ri tarha" yung" moo re" tid we'. Yooboo voin shau" bang: gi nyang: cang" nyang: sham: goo" baja". Bue" ri" wa ga: shid phyang" lapi: pe: su: hang" nghoid la". Nya: byu yiri khyoid yu su: gi ngoo Aseing Mangsoo anghoid rhe". Mangsoo gootu: anyid.

ESAIA 7:13

Esaia gi akhid" David da" amyed ashen yi we"- tam" gyoo: we'. Nanu" gi byumyu" yiri nheigloem: asheing: wa zi cishu: anhang: wigi Mangsoo ri we' nheigloem: asheing: wa ein: go" rhe".

YEREMIA 30:9

Hau: gungthid- nyangnu" gi nyangnu" Mangsoo- ngoo Aseing ri we' ngoo wigi khokham khyo" nyang: ri zhungtang moo zhung: nhang: da" David da" amyed ashen dayug ri dei byid: loo goo" wa.

AMO 9:11

Aseing tid zigi byo, yoin" loo" bye: da" yhoem: yo' du da" David mungdain: ri ngoo doem tu: to' kaid wa da" bidnyid gi ju" loo bye:. Hau: voogung vang khyam: joem ri ngoo doem nyheung pho: lho: doem tu: to" wa. Ngoo gi hau: ziri doem zhug to" lho: goonham' yo' dakhyoo" ti" koid wa nghoid.

ZEKHARIA 9:9

Ziun mung" byu yi we" gye" gau yi ngei bu: nyid ge'. Yerusalem bang: we" yoid nyho: loo ngei bu we'. Yu" we'- re" da" khokham phoo gi re" jang" moo ju" re" da:. Nyang: gi ung: pui" oung: myug ziyo' ju" re". Nghoid loug we' nyang: gi nu" nham' lho: loo zei: tho' moo zhung: wigi re" bye:. Nghoid- Loo zei: nu" dadu: atho' moo zhung: lho: wigi re" da:.

MATHE 1:1

He: da" khyoo: gi Abraham da" nya: zoo: yo' David da" nya: zoo: Yesu Khristu da" byuxeig shab Jhoem: mungdang: nghoid.

MATHE 1:21

Nyang: gi yuggi zoo: khu: loo wa zi nghoid. Nang nya: myeing ri Yesu ein: myheing byid: ca" wa. Khasu" wim gari nya: da" Byumyu" ri nyang: nya: youg: noo yooboo mo khyoid' yu wa su: nyang: nghoid nyid».

MATHE 21:9

Yesu da" shid' khyoo: thang: khyoo: cang lo da" byu myoo" sho' mo, gi «David nya: zoo: myonhoo: ngeilang: ri coung" byid: ge". Aseing da" myeing yo' ju" ri" su: gi ngi lho, nyid baja". Mangsoo ri coung" ge'» ga: tid boem.

MATHE 22:42

«Meshia da" khyoo: ri nanu" khasu" ein: myid go" lha". Nyang: gi hang" nya: myid nya: zoo: nghoid ein: go" lha"» ga: myid: da. Houg: bang: gi «David da" nya: myid nya: zoo: nghoid» ga: phoug tu" ago".

LUKA 1:69

Shid' phyang" re- gyeungshang: gyeungshang: da" lapi: yi mo wigi tid to" ziyo' dakhyoo" ti"-

YOHAN 4:42

Houg: bang: gi Samari myiyi: myhi, ri ‹‹Akhid" ngoonu" gi Aseing: ri loem" jeing" lo boem zigi re" dang: yoomo za: anghoid- Aseing: da" mungdang: ri ngoonu" nyang: shaug" gyoo: boem yoomo danghoid. He: da" Aseing: gi mougmyid da" khyoid yu su:- gyeing" gyeing"- nyang: nghoid da" khyoo: ri ngoonu" si' bye: ga: tid boem.

YOHAN 7:42

Meshia gi David da" nya: myid nya: zoo: nghoid ca" ga: wigi we' David nyid khare" da" Bedlehem mo po" thu' loo wa ga: wigi we' Jhoem: dang: moo bo ga: wigi we' tid go" nyid boem da.

ACTS 13:32

Coung" nghei, jikhoin" mougsoug" abeing: eig loem: moo Nang gi nga" zoo: nghoid- Akhid" nyid" ngoo nang ri khu: kaid da" Re" phoo nghoid- ga: tid to. Houg: yo' dakhyoo" ti" Mangsoo gi Yesu ri dei, to loo" nhang: khyo" - ngoonu" da" phoug" phyid" yi ri byid: to" da" dang: soo" khon" gi nyangnu" da" myed: zoo: yi nghoid mo, ngoonu" moo zei: pyeung byid: abye:. Houg: yoomo ngoonu" gi he: da" ludang: gi, ri nanu" ri tid kyoo" wa shid mo he: joyoo moo ju" re" zi nghoid.

ACTS 2:30

Nyang: gi lapi: nghoid lho-Mangsoo gi nyang ri dang: soo" khoin" byid: to" ziri nyang: se' da. Mangsoo gi David khokham" yo' dakhyoo" ti" khokham" koid wa nya: da" akung: mo khokham" thu ri" nhang: wa ga- jham, tang: to.

ACTS 3:26

Hougsu" nghoid yoomo nanu" yug khang" moo" ri akhyeung" da" lo, moo" mo-doemtau" loo nhang: khyo" wigi nanu" ri mainkaid byid: zi yo" yu wa shid re" Mangsoo gi Nya: deizoo: ri khyen: yu lho: nanu" jhang khyoo: Nyang: ri xang: shed" nhang: kaid' byid: abye:- ga: kho" kyo.

ACTS 4:12

Khyoid yu khyoo: gi nyang: mo za: yo" kham: yu nyid ngoonu" ri yo" khyoid yu da" Mangsoo byid: khyoid khyi: yu su: gi moug: myed gyab, goin" jang" moo gootu: dayug we' aboo loo.

Roma 1:3

Hau: ngeibu lu dang: ein: zigi - David akung: mo khu: lo lho: xang: su: byugung re" void da" Mangso nya: zoo: ngoonu" da" Aseing Yesu Khristu da" khyoo: nghoid.

Roma 11:26

Hau: thang: rigi Mangso: wigi Israela damyu" goin" khyoid' yu shau" wa zi nghoid. Jhoem: mungdang: moo Khyoid' yu da" Aseing: gi Zion boem mo thu' re" lho: Yaku da nya: myid: nya: zoo: yi jang" mo anyhoin: athung" khyoo: dangain" ri soid' pyam' wa nghoid. - ga: wigi toin" shid' wa zi nghoid.

TITU 1:4

Loem" jeung" khug: moo nga" zoo: gyeing" nyang: nghoid nyid da" Titu jhang khyoo: ngoo he: mougsoug" ri lhid" foin: kaid. Phoo, Mangsoo yo' ngoonu" da" khyoid yu Aseing Yesu Khristu gi nang ri jeju" yo' ngei pyo: khyoo: byid: nyid baja o".

2PETRU 1:1

Yesu Khristu da" join yo' lagyoo: nghoid su:- Ngoo Simun Petru gi Ngoonu" da" Mangsoo yo' khyoid yu da" Asing: Yesu Khristu da" deung byeung" khyoo: moo ngoonu" yhang: ti"- phoug" dab da" loem" jeung" khyoo: yo" yu bye: bang: jhang khyoo:- dang: pyeung: kaid.

2PETRU 1:11

Khyoo: he: khaid khyo" cang lo" boem nghoid rigi ngoonu" da" Aseing: yo' khyoid khyi: yu su:- Yesu Khristu da" athang agoin da" mungdain: khyoo:- yo" vang loo" wa da" akhang"- nanu" ri joeb joeb byeung" byeung" byid: wa zi nghoid.

2PETRU 2:20

Byu yi gi ngoonu" da" khyoid yu Aseing Yesu Khristu ri se' wigi moug: myed mo aco' ajhoid da" yoem: vhoo" khoug: mo loid lo" thang: ri hau: aco' ajhoid khyo: wigi doem oung: pyam zi shau" nghoid rigi Houg: bang: da thang: mo bue" lo akhyoo" gi-xang: she" tho' moo je" yau: loo" wa bye.

2PETRU 3:18

Nanu" gi; ngoo nu" da" khyoid yu Aseing Yesu Khristu da" jeju" yo' nyang: ri se' lo khyoo: moo je wigi gyi: xo' lho geung: teung loo goo" baja"- akhid" nghoid loug we' apyaid atoo: moo ju" sho' nghoid loug we' Yesu Khristu jang" moo myonhoo: phung" yoeb gi dajo, jo, baja" o". A men

2PETRU 3:2

Gyeungshang: da" lapi: yi shid phyang" tid kyo" to" dang: ri we'-nanu" lagyoo: yi da" lo, khyo" wigi khyoid yu da" Aseing: tid to" amyeung" dang: joem ri we' ngoo nanu" ri doem myed boin: nhang: nau nyid.

YUDA 1:25

Aseing Yesu Khristu moo ngoonu" ri yo" khyoid yu da" dayug kyeung" da" Mangsoo gi moug; thu' xang: poin: mo wigi he: yam: he: pyaid yo' thang: phyang" apyaid' atoo: moo ju" sho' myonhoo: phung" yoeb, yoem: moo" so' zeing- amyeing" akhang" gi nyang: moo za: dabo jo, baja" o"- A men.

Pang Shug 22:16

" Ngoo Yesu gi Phung byu yi da" akhoug: moo hid: yhang: te" khyoo: joem ri tid fu" kyoo" wa shid re" nga" moug: lagyoo: ri nhang: kaid. Ngoo gi davi da" akung: mo yhoem: byu nghoid lho: wigi nab, kyo' boo" myhu: we' ngoo nghoid nyid.