ACTS 13:20 - Lacid Common Language Bible

²⁰ Hid: su" bui" sho' gi zain ved' 450 zain koo: myang" bye- Hidsu" bain bue" thang: ri Mangsoo gi Lapi: Samuela pyaid ju" sho' - nyangnu" ri tarha" agyi joem byid: too" bye.

ACTS 13:20 교차 참조

2 KHOKHAM 23:22

Byumyu" yiri tarha" agyi yi wigi vhoeb da" ayo, mo zi Israela yo' Yuda khokham yi kha: yug wigi we' he: lhid: kaid pui" yhang: te" ziri hang" khanham we' ashu" koid yu" nghoid da:.

1 KHOKHAM MHOOMYID: 17:6

Israela byu yi yo' dage" nga" gyung: khyoo: thang sho' moo: shamu thi" yo' koid da" Noku Yhoem: ciwim ngoo ri akoid byid: boem la' ein: ngoo nyangnu" vhujhung: yi kha: yug ri we' khanham atid yu"›.

ACTS 3:24

Hau: lho: Samuela yo' Nya: thang: moo ju" ri" mo, mungdang: ri yo" da" lapi: yi dangain" mo, gi he: da" bidnyid moo bue" nyid da" khyoo: dangain" ri we' lapi: pe: too" bye.

TARHA" AGYI 2:16

Hau: thang: Aseing gi nyangnu" ri phyo' zoo: bang: da" lo, mo khyoid yu wa shid re" Israela byumyu" vhujhung: yiri byid: da:.

TARHA" AGYI 3:10

Aseing da" Venyi: gi nya: adang moo ju" re" lho: nyang: gi Israela byumyu" yi da" vhujhung: bue" lo da:. Othniela gi gyi khaid pui" khyoo: yhe: wigi Aseing gi nyang: ri Mesopotamia khokham ri oung: pyam nhang: da:.

RUTHA 1:1

Goonham' Israela mung" moo khokham ga: zi anyid shi" ri phang" khoug gyo" lo. Yuda mung" mo Bedlehem voobyu Ephrad byukung: moo bo da" Elimeleg gi nya: yhoem: seing: myhi' Naomi yo' nya: yug gi zoo: tang: Malon yo' Khilion ri shu" lho: wigi Moba mung" moo yhe: nyid wa shid re" zug byung: lo" ago". Nyangnu" gi houg: moo yhe: nyid nyid da" ayo, moo

1 SAMUELA 12:11

Hougsu" nghoid yoomo Aseing gi Gideon- Barag- Yebtha yo' thang: thang moo gi ngoo ri nhang: byid: bye:. Ngoonu" yugkhang" moo" gi nanu" ri gyivoo yi da" lo, khoug: mo khyoid yu wigi myenjham" za: nyid nhang: bye:.

1 SAMUELA 3:20

Hougsu" nghoid yoomo Samuela gi gyeing" nyang: Aseing da" lapi: nghoid nyid ziri mungdain: dathang: mo zi gootu: dathang: moo ju" sho' nyid da" Israela byumyu" yi dangain" gi se' lo boem bye:.