ACTS 13:19 - Lacid Common Language Bible

¹⁹ Nyang: gi khanan mung" moo nyid da" byu nyhed myu" ri phyo' shoin, pyam' lho: wigi hau: mungdain rigi nya: byunyu" yi ri seing: nhang: bye.

ACTS 13:19 교차 참조

APOEM AYANG: 12:5

Abram gi nya: yhoem: seing: myhi' Sarai yo' nya: zoonhung" Lod ri we' nya: jonu" dangain" yo' Haran mo yo" yu da" nya: join joem dangain" ri we' shu" ci: lho: nyangnu" gi Khanan meing khyoo: yhe: lo" boem. Nyangnu" gi Khanan moo yhe: ju" uri

APOEM AYANG: 17:8

Akhid" nang being" voo khyo" re" nyid nyid da" he: moug: ri ngoo gi nang yo' re" amyed ashen yiri byid: wa nghoid. Khanan damung" goin" ri re" amyed ashen yi apyaid atoo: seing: nyid wa nghoid lho: ngoo we' nyangnu" da" Mangsoo bue" nyid wa bye:».

1 KHOKHAM 6:1

Israela byumyu" yi Egutu mung" mo thu lo thang: ri myid: sho: shid xi: zain zain- Israela mung" moo Sholumon Kho" zhung: zi myid: zain lhammoo" eig khyab ein: da" Ziva khyab moo Sholumon gi Noku Yhoem: Moo" koid shid" loo" bye:.

NEHEMIA 9:24

Nyangnu" gi Khanan mung" ri oung: yu pyam ago". Nang gi houg moo nyid da" byumyu" yiri khaid oung: pyam ago". Nang gi nyangnu" ri Khanan mung" byu yi yo' nyangnu" da" khokham yiri nyangnu" nau khyo" koid wa akhang" byid: da:.

COUNG" NGHEI 135:11

Amori yi da" khokham Sihon- Bashan khokham Oga yo' Khanan mung" mo khokham dangain" ri we' said toem" pyam bye:.

COUNG" NGHEI 78:55

Nya: byumyu" yigi shid khyoo: jhen" vang yhe: lo" nyid uri nyid xoug" yiri nyang: koin" thu' pyam lho: nyangnu" da" mungzoug: joem ri Israela byumyu" yi kung: khang" mo" da" lo, khyoo: nyang: kho' byid: wigi nyangnu" da" yhoem: joem ri we' gam byid: bye:.

ESAIA 34:17

Hau: joem ri mougmyid kho' byid: lho: hau joem mo du: khang" moo" ri gamboem byid: wa su: gi Aseing nghoid da:. Nyangnu" gi hau: mougmyid moo dapyaid thang: dapyaid nyid loo goo" wa. Apyaid atoo: moo hau: joem ri nyangnu" seing: loo goo" wa.

ACTS 7:45

Hau: thang: ri nyangnu" da" phoug" phyid" yi jang" mo Hau: da" zoem" ri xo' kham: yu boem ago". Nyang: nu" da" phoug" phyid" yi gi Mangsoo wigi khaid sain" pyam' da" byumyu" yi khanan mung" khyoo: Yoshu yo' dage" vang lo" boem uri hau: zoem" ri we' vu, vang lo" boem ago". Hau: da" zoem" gi David da" apyaid' moo ju" sho' hau: mungdain moo dajo, jo.

TARHA" TID POIN" 7:1

Nanu" Aseing Mangsoo gi nanu" yhe: nyid seing: yu wa nghoid da" mungdain: khyoo: nanu" ri shu" vang yhe: wigi nyang: gi byumyu" myoo: sho' ri houg: mo khaid thu pyam byid: loo wa. Nanu" shid vhu" khyoo: jhen" yhe: lo" uri nanu" tho' je myo: lho: yoem: je bo da" Hiti- Girgashi- Amori- Khanan- Perizi- Hivi- Yebusi ga: da" byumyu" nyhed myu" ri nyang: khaid thu pyam wa zi nghoid.

YOSHU 14:1

Yodan gyid lang bidvang shoid Khanan mung" ri Israela byumyu" akhoug: moo khasu" kho' gam byid: ein: da" zhayhen" nghoid. Khainjung Eleaza- Num da" nya: yuggi zoo: Yoshu yo' Israela byumyu" kung: yi yhoemkhung: vhujhung: yigi hau: mougmyid ri byumyu" yi akhoug: moo kho' gam byid: ago".

YOSHU 18:10

Yoshu gi houg: bang: shid re" me" lab khyo" wigi Aseing mo tid kyeing byid: lho: Israela byumyu" yi mo deing jo, da" byumyu" khang" moo" ri mungdain: mo mougmyid dadu du ri kho' gam byid: da:.

YOSHU 19:51

Khainjung Eleaza- Nun da" nya: yuggi zoo: Yoshu yo' Israela byumyu" kung: mo yhoemkhung: vhujhung: yigi Shilo mo Aseing da" shidkhoin" Zoem" khoem" duang moo: me" lab khyo" Aseing yo' tid kyeing wigi he: mougmyid ri kho' gam zi nghoid ago". Hid: su" khyo" wigi mougmyid kho' gam khyoo: ri athang: said boem ago".

YOSHU 23:4

Ngoo gi nanu" da" byumyu" yi mougmyid jonu" khyo" akhid" nyid boem shi" go" da" byumyu" yi mung" ri we' bid thu shoid Yodan gyid lang mo zi bidvang shoid Meing: gung panglai: ju" sho' ngoo oung: yu bye: da" byumyu" yi mungdain: dangain" ri nanu" ri kho' gam byid: bye:.

YOSHU 24:11

Nanu" gi Yodan gyid lang ri gu: dab wigi Yerikho khyoo: ju" lo da:. Yerikho voobyu yigi Amori- Perizi- Khanan- Hiti- Girgashi- Hivi- Yebusi byumyu" yi yhang: ti" nanu" ri gyi zain: ago". Nghoid loug we' ngoo gi nanu" ri nyangnu" dangain" bang: adang moo oung: doid nhang: bye:.

TARHA" AGYI 11:26

Israela byumyu" yigi Heshbon- Aroera yo' hau: voomoo" joem ri lheing khoem mo voogung joem Arnon gyid yam mo voomoo" dangain" ri soem" shoo: zain seing: to" ago". Hau: ayo, gyoo: moo nang ciwim hau: mougmyid joem ri adoem tau" seing: lha".