ACTS 13:16 - Lacid Common Language Bible

¹⁶ Houg: lang" Polu gi to yab, lo, tu, lho: tid zigi Israela byumyu" yi we' hid: moo nyid da" Mangsoo ri coung" nghei tungbau byumyu" yi we' tam" gyo: yu" ge'.

ACTS 13:16 교차 참조

1 KHOKHAM 8:40

Houg: lang" ngoonu" da" phoug" phyid" joem ri byid: to" da" meing: moo: nyangnu" nyid nyid da" ayo, dangain" moo re" byumyu" yi nang ri tam" gyoo: nyid boem wa zi nghoid.

COUNG" NGHEI 135:20

Levi bi" we"- Aseing ri coung" byid: ge'- nyang: ri coung" pid nyid mo, nanu" dangain"- nyang: ri coung" nghei we'.

COUNG" NGHEI 67:7

Mangsoo gi ngoonu" ri mainkaid byid: bye:- joyoo khyi khang" moo" moo: nyid da- mung" byu bain sho bang: gi nyang: ri phoug" tab ngi: byid: nyid goo" baja" o".

COUNG" NGHEI 85:9

Nyang: ri phoug" tab, ngi: shab bang: ri nyang: khyoid yu wa gyeing" nyang: jen" jen" nghoid nyid ziyo' nya: da" khyoid yu phung" yoeb gi ngoonu" da" mungdain: moo: dajo, jo, wa nghoid.

MATHE 11:15

Shoug" gyo: ja: nukhyab' dab mo hang" we' shau" gyoo: goo" baja".

LUKA 1:22

Zakhari gi No ku" yhoem: moo" khoug: mo thu' lo da" uri dang: ayo" tid loo: yoomo Mangso yhoem: moo" khoug: moo yoeb myang" thui: gyoo: kho" da" khyoo: ri nyangnu" shau" boin: lo boem. Zakhari gi myeing" dau' byug yoomo lo, tu kyeing" te: tu lho: za: danyid lo.

LUKA 1:50

Aseing: ri phau" myang: gyoug voem da" byu dangain" ri Byu ngoug xi: yam: nya: nheig khyeig da" nheigloem: dabo nyid baja".

LUKA 23:40

Said moin: su: gootu: dayug gi hau: yug ri tid zigi nang gi Mangsoo ri agyug rhe"- yha" eig yug gi he: yug su: dam, bo kham: nyid nghoid loug we'

ACTS 10:2

Nyang: gi Mangso khyoo: ri kang: lung bu, su: nghoid wigi nyang: yo' nya: ikoin deungkhu: byu yi dangain" mo, gi Mangsoo ri Noku nyid ago". Nyang: gi sho" jhen: da" Yuda byu yi ri myoo" sho' pang" thoug byid: wigi Mangsoo ri beung abyid' akyu" mho' nyid su: nghoid.

ACTS 10:35

Ce: noem byumyu" nghoid sho" loug we' Nyang: ri coung" nghei lho: deingmain" da" khyoo: moo cang loo su: rigi Mangsoo lhoem: kham: yu nyid.

ACTS 12:17

Petru gi nyangnu" ri sam" zoo: nyid boem wa shid re" - lo. tu, tu, wigi Aseing: gi nyang: ri thung: khoug: mo khasu" shu" thu' lo da" khyoo: nyangnu" ri tid kyo. Houg: lang" Petru gi he: khyoo: ri Yaku yo' loem" jeing" bang: gooji yi ri we' - tid kyoo" ge" - ga: tid lho: houg: mo, wigi goo" khyoo: so" lo.

ACTS 13:26

Abraham da" myed: zoo: yi nghoid da- nga" byen, cang" Israela byumyu" yi we" - he: da" khyoid yu mungdang: ri Mangsoo gi ngoonu" jhang khyoo: foin byid: kaid' abye:.

ACTS 13:46

Nghoid loug we' Polu yo' Barnaba eig yug gi je" ri agyug avoem, loo: za: Mangso mungdang: gi nyangnu" rishi" - xang: shed" tid kyoo" wa da" khyoo: eung: nyid. Nghoid loug we' nyangnu" gi hau: mungdang: ri ngeug pyam lho: hau: apyaid' atoo: mo, kangso' yo' amoin: yi" ga- nyhang: nu" nyang: dang: zheung: phyed' yu lho: nga" eig yug gi nanu" ri too" kho' lho: tungbau byu yi jhang khyoo: yhe: loo" wa zi nghoid.

ACTS 19:33

Yuda byu yi gi Alexandru mung" byu yi da" shid' vhu" khyoo: yhi: nhang: kaid' yoomo mung" byu yi dayham" gi Alexandru we'-mo, thei" mo, yug lu: fu: go" lo da" khyoo: yo' sen: wigi nghoid wa"- ga: jho: ago". Houg: lang" Alexandru gi mung" byu yi ri sam" zoo: nyid boem wa shid re-lo, tu, tu, lho: nyang: ashoid da" khyoo: ri tid yed: yu wa shid mo, yoem: kaid' nyid.

ACTS 2:14

Houglang" Petru gi-lagyoo: daxe: dayug yo' dage" to' yab, jo, lho: wigi-Thui: to' kaid' lho: mung" byu yi ri tid zigi mang: nhung" Yuda byumyu" yi we' Yerusalem voobyu dangain" bang: we-nga" dang: ri tam" gyo: yu" ge-he: khyoo: yo' sen: lho: nanu" ri tid kyoo" ba.

ACTS 2:22

Israela mang: nhung" yi we' He: da" dang: ri tam" gyo: yu" ge'- Nazared voobyu Yesu gi-Mangso phung" yoem: vhoo" khyo" nghoid ziri Yesu da" lo, khyo" mau" pho" alhoo: again yo' mau" pho" moozoo" joem ri zei: shug abye:. He: khyoo: gi nanu" nya: da" phung: moo bue" lid lo ziri nanu" nyang: myang se' boem bye.

ACTS 21:40

Gyizoug: moo" gi nyang: ri akhang" byid: - hougsu" wi Polu gi zoem" lhang: phyoo" moo yab, jo, lho: mung" byu yi ri sam: zoo: nyid goo" wa shid' re- lo, tu, tu, nyid da- mung" byu yi tam" loo" lang" Polu gi nyangnu" ri Hebre myeing" khyo" wi, tid zi gi

ACTS 22:22

Meing: byu yi gi hidsu" tid nyid jang" moo ju" sho' tam" gyo: yu" nyid boem ago". Nghoid loug we' hau: thang: ri nyangnu" gi nyang: ri yu, pyam' ge" - said' pyam' ge" - nyang: gi dei nyid wa zi amoin: loo: nghoid da: - ga: wigi myhang: thang da" thui: yo' zeug yoid nyid boem ago".

ACTS 3:12

Petru gi meing byu yi ri myang lang- Israela byu yi we" nanu" cenoem wim wigi hid: yhi' moug" go" lha". Nanu" ciwim wigi nga" eig yug ri yu" zhoug too" la". Nga" eig youg da" yoem: so' yo' Nga" eig youg da" gyeungshang: joeb byeung" nyid yab, khyoo: yoomo-he: yug ri yo" so" loo" nhang: su" jhoo: go" la".

Pang Shug 2:11

Venyi gi phung yi ri khasu" ga: tid nyid zigi nukhyab' dab, mo, gi gyo: yu goo" baja"- oung: doidloo mo, gi eig lheing: shid: da" jam joug shau" loo wa zi anghoid.

Pang Shug 2:17

Venyi gi phung yi ri khasu" ga" tid nyid ziri nukhyab' dab, mo, gi gyo: yu goo" baja"- oung: doid loo" mo, rigi yhoem" to" da" Mana, zoo: yho' ngoo byid: lho: yug du: ngab, ri moin: moin: phyu: da" kyi: myhoo: lug daloem: loem byid: wa. Hau" lug boem mo myeing rigi shau" kham: yu su: mo lid wigi hang" we' ase' bo nghab.

Pang Shug 2:29

Venyi gi phung yi ri khasu" ga: tid nyid ziri nukhyab' dab, mo, gi gyo: yu goo" baja".

Pang Shug 2:7

Venyi gi phung yi ri khasu" ga: tid nyid ziri nukhyab' dab, bang: gi gyo: yu goo" baja". Oung: doid loo" bang: ri Mangso khyam: moo youg jo, da" kangso' shi" gam, mo ashi" ri zoo: wa da" akhang" ngoo byid: wa nghoid.