ACTS 12:3 - Lacid Common Language Bible

³ Houg: su" koid ziri Yuda byumyu" yi gi zheung: yu" ngei da" khyoo: ri Herod Khokham" myang lang" gi Nyang: gi Petru ri we' myheug yu bye. (Hiddsu" koid zigi doo cid" akaid' da" zooyho' zo: pui" ayo, moo nghoid)

ACTS 12:3 교차 참조

COUNG" NGHEI 76:10

Byu yi da" nheig yo: khyoo: gi nang ri: coung" nghei joyoo je" bui" nhang: nyid. Gyipui" moo: ashid: looza- deung dei nyid bang: gi re" da" pui" joem moo shoug" bo vang loem" wa zi nghoid.

THU' LO" MOUGSOUG" 23:15

Ngoo amyeing" byid: to" ziyo' dakhyoo" ti" nanu" Egutu mo thu lo da" Abi lhammoo" khyab ri doocid" akaid da" zooyho' zoo: pui" ri koid ca" wa zi nghoid. Hau: pui" nyhed nyid" akhoug: moo hang" we' doocid" kaid da" zooyho' ri azoo: goo". Xoin" aci: lhoo: za: ngoo ri noku wa khanham we' ari" goo".

MATHE 26:17

Doo cid" abo da" zooyho' zoo: pui" xang shid" nyid moo cangzoo: yi gi Yesu jhang khyoo re" lho: «Aseing shid re" lhid" kaid myen" xoin: zoo: pui" ri khayoo: nyheig nhang: nau lha"» ga: re" myid: boem.

YOHAN 12:43

Nyangnu" gi byu yi coung" byid: wa ziri Mangso coung" byid: wa tho' moo je vho: ngei nyid ago".

YOHAN 19:11

Aseing Yesu phougtu" zigi nang ri Mangsoo ab byid: yoomo za: hid: yhangti" yo" zi nghoid. Houg: yoomo ngoori we' re" da" lo, moo ab byid: su: gi yooboo je gyi wa nghoid- ga: tid.

YOHAN 21:18

Deing" deing nang ri ngoo tid zigi nang gi ngi shi" da" uri ri ri soin' ci: lho: loo" nau jang" moo loo" se' nyid. Mang loo" lang" gi nang gi eig lo, goin" tu: lho: subi" gi nang ri tei" wigi nang anau lo" da" joyoo khyoo: shu" lo" boem wa ga: tid.

ACTS 12:4

Herod gi Petru ri bain myheug yu thang: ri thung: khoug: moo lhoung to" lho: wigi gyizoo: myed: yug yug bo da" gyi, myed: phung: ri zheung: zung" nhang: to. Herod gi Petru ri lhai: kaid' da" pui" bei: lo" thang: ri-meing: byu yi shid' khoin" moo dang: phyed' wa ga: soin' to.

ACTS 2:14

Houglang" Petru gi-lagyoo: daxe: dayug yo' dage" to' yab, jo, lho: wigi-Thui: to' kaid' lho: mung" byu yi ri tid zigi mang: nhung" Yuda byumyu" yi we' Yerusalem voobyu dangain" bang: we-nga" dang: ri tam" gyo: yu" ge-he: khyoo: yo' sen: lho: nanu" ri tid kyoo" ba.

ACTS 20:6

Ngoonu" gi doo cid" akaid da" zooyho' zoo: pui" lid lo" thang: ri Philipi voogung mo lhid' moo zhoung: lho: wim: nyid koo: myang" thang: ri Troa voogung moo nyangnu" yo' lo" shau" go" wigi hau: voogung moo ngoonu" gi laban daloem: nyang: theung: nyid boem bye.

ACTS 24:27

Hau: thang: ri eig zain' koo: kyo: loo" lang" Mung" zoug: phoo Philid' da" khoo" vang moo Pokuphestu ga: su: mung" zoug: doem koid nyid. Philid' gi Yuda byumyu" yi ri myonhoo: shoo: noug yoomo nyang: gi Polu ri thung: lhoung too" khare".

ACTS 25:9

Pestu gi Yuda byumyu" moo myonhoo: shoo: noug yoomo Nyang: polu ri tid zigi nang gi Yerusalem voomoo" khyoo: lo" wigi nga" shid khoin" moo yooboo foin: da" he: khyoo: joem ri myed: ca: yu" nau, la"» ga: myed: da.

ACTS 4:13

Yuda tarha" yab, do, moo nyid mo, gi-Petru yo' yohan eig youg da" voem" nheigloem: ri zheung: myang boem yoomo nya: eigyug gi phajhi" abo da" yu" maya" byu nghoid ziri se' boem yoomo mau" hang" to" boem ago". Hau: thang: ri nyangnu" gi Petru yo' yohan eig yug gi shid phyang" Yesu da" luzoem" cang" yi nghoid ziri se' boem.

GALATI 1:10

Khasu" wim gari ngoo hid: su" tid nyid zigi byu yi wigi coung" byid: nghei byid: zi yo" yu wa shid re" koid nyid zi nhghoid la". Houg: su" we' anghoid o". Ngoo vho: ngei nyid da" khyoo: gi Mangso myid veung" vho: ngei da" khyoo: yo" yu wa shid re nghoid. Ngoo gi byu shid khoin" moo myeing fu" nheing" sho' ein: yoem: kaid la". ngoo houg: su" dakoid nyid nghoid rigi Khristu da" dei zoo ngoo nghoid wa zi anghoid..

1THESALONI 2:4

Hougsu" koid wa gung khoo:- ngoonu" gi Mangsoo tid nhang": ziyo' dakhyoo" ti"- khanham we' da tid nyid boem-khasu" wim gari Mangsoo gi-nanu" gi moin: yi" mo, nghoid bye: ziri soeb, myang bye: mo, nghoid yoomo hau" ngei bu: lu dang: kho" kyoo" wa shid mo loem, too" bye- ngoonu" gi byu yi vho: ngei boem wa khyo" yoem: kaid' nyid mo, anghoid- nanu" myid soin: da" khyoo: joem ri phoid: sho: pe: yu" se' da" Mangsoo ri vho: ngei nhang: wa shid re" yoem: dakaid' nyid boem.