ACTS 11:23 - Lacid Common Language Bible

²³ Barnaba gi Antioki voogung khyoo: ju" yhe: lho: mung" byu yi ri Mangsoo gi khasu" ga: mainkaid byid: to" da" khyoo: ri yhe: myang lang" yu" gau, lho: wigi Aseing: ri nyangnu" da" nheigloem: khoug: moo teing" teing zei: ci: lho: wigi voin: tang: za: phau" cang nyid boem wa shid mo nyangnu" dangain" mo, ri yoem: byid: joug jhoin"

ACTS 11:23 교차 참조

2 KHOKHAM 18:6

Nyang: gi Aseing ri jhug zug wigi tid dang: agyoo: khanham we' akoid nghoid da:. Aseing wigi Moshe ri byid: to" da" amyeing" dang: joem dangain" ri goo" lhoo' za: cang da:.

COUNG" NGHEI 17:3

Nang gi nga" nheigloem: emyed ri si su: nghoid. Nang gi myen" goug: sang" gam we'. Nga" jang" moo: ju" re" wigi nga" nheigloem: emyed ri bain sho re" jham" ca: yu" uri akhyeung" da" myid soin: khyoo: abo ziri nang myang bye:.

DANG: ZHOEM 23:15

Nga" zoo: we" nang phajhi" bo lo rigi ngoo gi gye" ngei pyoo: wa zi nghoid.

DANG: ZHOEM 23:28

Nyangnu" gi khyangtoug: joem yo, dakhyoo" ti" nang ri lhoem: nyid lho: yuggi myoo" sho' bang: ri dang: thang" cab, phyo' pyam, nhang: mo, nghoid nyid boem ago".

DANIELA 1:8

Daniela gi khokham vang" mo zoo: noem zo: zabyid yhid: shug lho: thung" khyo" ayung" alho' abui" nhang: wa shid re" nya: nheigloem: moo myid phyed yoomo Ashapena ri pang" yu wa mho' da:.

MATHE 16:24

Hau: thang: ri Yesu gi «Nga" cangzoo: bui" noug su: hang" nghoid loug nyang: nya: da" gung ri ngeig pyam lho: nyang: nya: da" pyang" zeing ri vu, ci: lho: nga" thang: moo cang ca"» ga: nya: cangzoo: yi ri tid.

MARKU 2:5

Nyangnu" da" loem" jeung" e" myed ri Yesu shau" myang lang" nyang: gi gung joem: shid: su: ri nga" zoo: we"- re" yooboo ri khyoid pyam byid bye:- ga: tid da.

YOHAN 15:4

Ngoo yo" dadeing: daloem: za: nyid ge'. Ngoo we nanu" yo" dadeing: daloem: za: nyid wa. zabyidd" ako' gi agam moo atei" axo, to" nghoid rigi nyang: kyeing" ashi" yo" zei: wa zi anghoid. Houg: yo' dakhyoo" ti"-- nanu" we' ngoo yo" atei" axo, to" nghoid rigi ashi" yo" zei: boem wa zi anghoid.

ACTS 13:43

Hau" zoeb, phung mo, mung" byu yi byo, lo" boem thang: ri Yuda byu yi myoo" sho' mo, gi Yuda noku thung" khyoo: phoug vang loo bye: da- tungbau byu yi myoo" sho' mo, gi Polu yo' Barnaba thang: cang lo" ago". Polu yo' Barnaba eig yug gi Mangsoo nheig khyeug da" akhoug: moo xo' lho: kangso' yo" dei nyid wa shid re" nyangnu" ri yoem: byid: da" dang: ri tid ago".

ACTS 14:22

Nya: eig yug gi loem" jeung" loo bang: ri yoem: byid: lho: loem" jeung" da" khyoo: moo- dain: dain: dayab, jo, boem wa shid re we' - nyangnu" ri tid poin" tid kyeing" byid: wigi Ngoonu" gi Mangso mungdain khyoo: vang loo" wa shid re" yau: khe" da" khyoo: myoo" sho' ri yo" lid phyed' loo" ca" - ga: kho" kyo" ago".

ACTS 14:26

Nya: eig yug gi hau: voogung mo lhid' zhoung: lho: Antioki voogung moo nya: eig yug zei: bain, ca" da" moozoo" ri bain zei: wa shid re" phung: byu yi gi Mangso da" lo, khoug: moo zheung: ab, byid: da- voogung khyoo: doem, ju" yhe: lo.

ACTS 15:40

Polu gi Sila ri khyen: yu lho: loem" jeing" bang: gi Polu ri Aseing: da" nheig khyeug khyoo: moo bain, ab, nung" byid: boem lang" gi to' lo" ago".

ACTS 20:24

Nghoid loug we' nga" kang: so' ri ngoo ce: vhoo" abyid- ngoo gi deung jo" da" moo" ri zei: pain wa ziyo' - Aseing Yesu wigi ngoori byid: to" da" moozoo" nghoid da- Mangso nheing khyeug khyoo: ludang: gi ri tid fu" kyo" da" moozoo" ri kyoeb, sho' zei: wa da" khyoo: riza: kang: lung bu nyid.

ACTS 20:32

"Akhid" ngoo gi nanu" ri Mangso goin, coung: nyid da" geung: teung mungdang: moo we' - hau: jeju" mungdang: gi nanu" ri yo" gyi: sheung: loo nhang: lho: Mangsoo gi nya: byumyu" dangain" bang ri byid: wa ga: young to" da" - main, kaid' jeju" joem gi nanu" ri byid: wa zi nghoid nyid.

ACTS 4:36

Houg: lang" lagyoo: yi wigi Banaba ga: myeing lhid: myheung byid: da" (Banaba ga: zigi yoem: byid: su: ga: zi nghoid) kupru gugyoo: kang: moo khu: lo da" Levi byumyu" Yoseb we'

Roma 12:8

Ngoonu" yo" yu da" jeju" gi - subi" ri yoem: foin: byid wa jeju" nghoid rigi - yoem: foin: byid: ca" nyang: nya: da" soid' gain jo nu" subi" ri gam byid: jeju" yoo" su: gi ngei" ngei pyoo: pyoo: gam, byid: ca". U" jhung: bui" wa jeju" yoo" su: gi yoem: kaid' lho: vho" jhung: koid' nyid ca. Jam joug shau" mo ri pang" thoug wa jeju" yoo" su: gi ngei pyo: gau yi ziyo' pang" thoug nyid baja".

1Korinthians 15:58

Hougsu" nghoid yoomo- ngoo jheddab da" mang: nhung" yi we"- geing: geing: teing teing theung shang" yab, jo, ge'- hau: Aseing da" moozoo" moo- nanu" zei: lo" khyoo: gi amyid' aji anghoid ziri se' nyid boem yoomo- hau: Aseing shid re" zei: so' da" moozoo" moo- nanu" khanham we' yoem: phain" thoug shang" voin, vu, nyid ge' o".

2~KORINTHU 1:17

Akhid" hid: su" nyheung soin' lo" khyoo: moo ngoo gi ageing: teung da" fain" loo bo da" nheigloem: bo la". ngoo nheig byu da" khyoo: ri nyheung soin" lo" da" uri nyang: nya: akyu" shoo: wa da" myid soin: khyoo: yo' zei: so' koid lo" la". Ayo, daloem: moo za:-nghoid bye:- ga: we' anghoid o" ga" we' dang: bya: tid bye: la".

2~KORINTHU 6:1

Nanu" gi Mangsoo da" jeju" yo" kham: yu mo, nghoid ziyo' dakhyoo" ti"- hau: jeju" ri amyib afoo" akoid pyam baja"- ngoonu" gi Mangso da" moozoo" bo pang" zei nyid mo, khyo" wigi nanu" ri mho' sang kaid zi nghoid.

TARHA" TID POIN" 10:20

Nanu" Aseing Mangsoo ri gyoug phoug" lho: nyang: ri kyeing" noku ge'. Nyang: moo jhug zug nyid ge'. Nanu" da" dangsoo" joem ri nya: myeing ri kyeing" lang: lho: koid ge'.

TARHA" TID POIN" 30:20

Nanu" Aseing Mangsoo ri jheddab ge' nyang: ri tam" gyoo: ge' nyang: ri jhug zug nyid ge'. Houg: lang" nanu" yo' nanu" amyed ashen yigi nanu" phoug" phyid" Abraham- Isag yo' Yaku bang: ri byid: wa ga: nyang: dangsoo" byid: to" da" mung" moo myang" sho' yo" nyid loo wa.

KOLOSE 1:6

Nanu" gi Mangso jeju" khyo" xang: shed" shau" gyo: yu da" bidnyid mo wigi hau: jeju" gi gyeing" nyang: se' gyo: kham' zoo: bye: ziyo' dakhyoo" ti"- hau: ngei bu: lu dang: gi nanu" jang" moo ju" loo bye- houg: yo' dakhyoo" ti"- hau" ngei bu: lu dang: gi ashi" myoo" sho' zei lo lho: mougmyid gyab, goin" jang" moo byo sain" loo" bye.

2 TIMOTHI 3:10

Nghoid loug we' nang koem gi nga" da" jhoug" myeing" jhoug" thui: nga" asam" avoid yo' nga" kang: so' dei khyoo: moo myid soin' nyheung lo ziyo' dakhyoo" ti" cang lo" abye:. nga" da" loem" jeung khyoo:- ngoo nheigloem: sheung: kham, zeung: khyoo:- nga" da" jheddab myid- ngoo yoem: kaid' thoug shang" lo da" khyoo:-

YOSHU 22:5

Moshe wigi nanu" ri byid: to" da" tarha" ri tam" gyo: cang yhe: nyid wa zi boin: nyid ge'. Nanu" Aseing Mangsoo ri jheddab- nyang: myid vho: ziri cang- nya: Dang: theing khoin" ri tam" gyo:- nyang: ri jhug zug nyid lho: nanu" da" emyed nheigloem: dangain" yo' nyang: ri dei byid: nyid ge'» ga: tid da:.

YOSHU 23:8

Hau: gungthid akhid nyid" ju" sho' nanu" jhug zug nyid da" Aseing ri jhug zug nyid ge'.

1PETERU 5:12

Ngoo gi he: da" mougsoug" lhid" zoore"- Sila bo pang" byid: khyo" he: mougsoug" ri nanu" jhang khyoo: lhid" foin: kaid' sila gikyed da" Khristain mang nhung" dayug nghoid ein:- ngoo myid loem nyid. Nanu" ri yoem: byid: da" dang: tid wa ziyo' - nanu" shau" kham' zo: da" jeju" gi Mangsoo byid: da" jeju" gyeing" nyang: nghoid da" ziri sag si: kham' wa shid re" he: da" mougsoug" ri lhid" kaid. hau: jeju" moo geung: tung yab, jo, ge'.

1YOHAN 2:28

Nghoid bye"- myi: yi: zoo: yi we"- nyang: thu' myhang lo da" bidnyid ri nanu" gi sho' gyoug lho: phang: gau" yen" anoo" wa shid' re" nya: shid' khoin" moo asho' agyug loo: yo" yab, jo, sho' nyang: yo' daloem: za: dakoid nyid ge'.

3 Yohan 1:4

Nga" zooyi- hau: deingmain" da" khyoo: moo cang so" lo" nyid ga: da" lu dang: shau" gyo: da" tho' moo gootu: je gau yi jang: gi ajo, loo.

YUDA 1:4

Khasu" wim ga: ri tarha" aci: da" byu dayham" bang: gi aboin: aso" shoid' khyo" lo vang loung" jo, boem bye- nyangnu" gi yha" phoo Mangso da" jeju" mungdang: ri nyangnu" da" akhyeung" khyoo: ri nghoeb, pyam' byid: wa shid re" ci: yhoung: zoore"-dayug kyeung" ngoonu" da" khyoid yu Aseing Yesu Khristu rigi ngeug pyam' bye. Houg: bang: kham' zoo: wa da" yoobo dam gi jhoem: mungdang: moo goo" nham, mo tid lheom: too" bye.