ACTS 11:12 - Lacid Common Language Bible

¹² Gyeungshang: da" Venyi gi da jhi, we' a - ug vhoo" loo: za: nyangnu" da" thang: khyoo: cang yhe: loo" wa zi ngoori tid. Yopa voogung mo loem" jeung" da" byu khyug yug we' ngoo yo' dage" kesare voogung khyoo: bo cang re" boem. Ngoonu" dangain" bang: gi koneli da" yhoem: moo vang lo" boem bye.

ACTS 11:12 교차 참조

MATHE 1:20

He: da" khyoo: damyid yu" nyid shi" uri yu" ge'. Aseing da" moug: lagyoo: dayug yhoeb' mo, moo nyang: ri gung re" yab shug lho: «David da" nya: zoo: Yoseb we"- re" da" yhoem: seing: myhi' Mari ri yu wa zi myid amyoo:. Nya: da" zoonu" gung gi hau: gyeungshang: da" Venyi: mo bue" lo da" zi nghoid.

YOHAN 16:13

Nghoidloug we' Mangso da" khyoo:- deing byeung" da" tarha" ri phang shug da" gyeungshang: Venyi: ju" gyoo" loo lang" gi nanu" ri deung main" da" tarha" bain sho' re" phang shug wam bye. Hau: da" gyeungshang: Venyi: gi nyang: vho: da" khyoo: tid kyoo" wa zi anghoid. Nyang: shaug" gyoo: ci: gu: ri tid kyo" lho: thang: phyang" bue" loo wa khyoo: ri tid wa nghoid.

ACTS 1:15

Hau: thang: atoung" myang" ri loem" mo, dasho: eig xi: yug koo- zeung: foem: phoung nyid boem ago, Houg: lang" Petru gi to' yab, lho: wigi

ACTS 10:23

Houg: lang" Petru gi nyang: ri khe: yu lho: hau: myen, yhoeb wa shid mo nyangnu" ri lhoung: to. Thang: nyid" ri Petru gi to' wigi nyangnu" yo' dage" cang yhe. Yopa voo moo nyid da" loem" jeing" bang: dayham" we' Petru yo' dage" cang yhe: lo" boem.

ACTS 10:45

Tungbau byumyu" yi da" atho' moo we' - Mangsoo gi nya: gyeungshang: da" venyi jhung: shug ri foid shoin" kaid: byid: bye: yoomo Yopa voo mo Petru yo' dage" ju" ri" mo, Yuda byumyu" yi mo loem" jeing" mo, gi mau" hang" to" boem ago".

ACTS 11:13

Koneli gi nya: yhoem: khoug: moo Mouglagyoo: dayug re" yab, jo, ziri myang khyoo: ri we' - Hau: Mouglagyoo: gi Yopa voogung khyoo: byu nhang: kaid' lho: wigi Simun Petru ga: su: ri yhe: khe: shu" loo we' -

ACTS 13:2

Nyang: nu" gi Aseing: ri noku loem khau: wigi zoo: noem, ri jang" pyam' lho: nyid boem uri gyeungshang: da" Venyi gi nyangnu" ri tid zigi Barnaba yo' Sholu eig yug ri nga" moozoo" voin, vu, wa shid re" gootu: khyen: nyheung too" ge' -ga: tid.

ACTS 13:4

Houg: su" gyeungshang: da" Venyi wigi nhang: kaid' ziyo' dakhyoo" ti" Barnaba yo' Sholu eig yug gi Seluki voo khyoo: yhe: lo" wigi hau: voo mo zi Kupru, gugyoo: kang: khyoo: lhid' yo' gu: yhe: lo" ago".

ACTS 15:7

Soo" soo" myang" sho' bain tid sham: go" thang: ri Petru gi to' yab, lho: nga" mang: nhung" yi we" - tungbau byumyu" yi shau" gyo: lho: loem" jeung" lo boem wa shid re" - Mangsoo gi goonham, mo wigi tungbau byumyu" yi ri ngeibu: ludang: seig yhe: kho" kyoo" wa shid re" ngoori nanu" phung mo khyen: thu' yu too" bye: ziri nanu" nyang: si' bye.

ACTS 15:9

Mangsoo gi ngoonu" yo' Tungboug yi da" agyoo: moo gootu: akho' too" nghoid da- nyng: nu" we' loem" jeung" lo boem bye: yoomo Mangsoo gi nyangnu" da" yooboo dangain" ri we' khyoid pyam' byid: bye.

ACTS 28:15

Roma voomoo" mo loem" jeing" bang: gi ngoonu" da" khyoo: ri shau" gyo: boem lang" gi Api: ga: da" kid" vang" joyoo ju" sho' we' being" do, yhoem: soem" loem: ga: da" joyoo ju" sho' we' - zheung: ju" re" boem wigi ngoonu" ri tau, yu ago, Polu gi nyangnu" ri myang lang" - nyangnu" gi Mangso jeju" ri coung" nghei boem lho: nheigloem: yoem: gyi" sho' yo" lo boem bye.

ACTS 8:29

Gyeungshang: da" Venyi gi Philip, ri hau: myang: rheing" khyoo: tab' tab' yhe: loo" we' ga: tid da.

Roma 3:22

Mangso: da" shid' khoin" moo byu xang: su yi gi Khristu Yesu ri loem jeung" khyo" za: deingbyeing" khyoo: yo" lo. Byu gi Mangso: shid' khoin" moo Khristu ri loem jeing" mo, dangain" gi dayhang: ti" nghoid.

2 THESALONI 2:2

Aseing: doem ju" ri wa bidnyid ju" bye- ga: wigi byu yi tid da" dang: yoomo nanu" da" myid soin: khyoo: moo dalheing: dam nheigloem: myid nhoung lo" ziyo' amyen, akhyoid, lhu: khang lo zi abui" baja"- nanu" ri tid poin" tid kyeung" kaid'- houg: yhang: te" da" dang: gi ngoonu" lapi; dang: tid uri houg: su" anghoid lang" gi moug" soug" lhid" uri bo da" dang: nghoid wa"- ga: myid ri myid yu" goo" wa nghoid.

Pang Shug 22:17

Hau: venyi yo' myhi, seig gi " Ri" we',, he: khyoo: ri shaug" gyoo: mo, hang" nghoid loug we' " Ri" we',, ga: tid baja". Gyid shed' su: gi ri" baja"- shug noug mo, hang" nghoid loug we' jhung: shug khyo" aphoug" agyoo" loo: za: kangso' gyid ri kham: shug goo" baja",, ga: tid.