ACTS 10:9 - Lacid Common Language Bible

⁹ Hau: thang: nyid" moo nyangnu" yhe: lo" wigi Yopa vooyam, moo ju yhe: lo" nyid boem bye. bid gung tu: ri" yo, moo Petru gi akyu" mho' wa shid mo yhoem: atho' pyam: khyoo: do, lo.

ACTS 10:9 교차 참조

2 SAMUELA 11:2

Danyid" da" bidnyid myen" thang: zoo" ri David gi daso' zoo: yhoeb wigi to' lo lho: khokham yhoem: mo yhoemkhung: khyoo: do, lo" bye:. Hougmoo nyang: so" lheing: yen" uri myiyi: dayug nya: yhoem: moo gung cid" nyid ziri nyang: myang kaid bye:. Nyang: gi gye" yung" da:.

COUNG" NGHEI 55:17

Nab soin: ayo, nyid" khyoug ayo- myen" mo" ayo, joem moo nga" da" mho' yoid ziyo' nookyeing" thui: gi nya: jang" moo: kyang ju" do, lo" wigi nyang: gi nga" thui: ri tam" gyoo: byid: wa zi nghoid.

YEREMIA 19:13

Yerusalem mo yhoem: joem Yuda khokham yi da" yhoem: joem yhoemkhung: tho' moo kyi: ri shoem: nam pyo: ja: nghe' ngei" byid yu" ziyo' gootu: yu phara" joem ri xoin" khyo" zabyid yhid: foid shoin" yu" da" yhoem: joem dangain"- gyeing" nyang: hau: joem dangain" gi Tophed yhi' ayung" alho' bue" loo goo" wa ga: ziri nyangnu" ri tid kyoo" wa ga» ngoo ri tid da:.

YEREMIA 32:29

Nghe' pyam goo" wa. Nyangnu" gi hau: ziri yhoemkhung: dang moo Bala ri shoem: nam pyo: ja: nghe' ngei" byid: da" khyo" wigi we' gootu: yu phara" soolhoo: joem ri zabyid yhid: xoin" foid shoin" byid: da" khyo" wigi we' byu yi wigi ngoo ri nheig joem: yoo: nhang: boem da" yhoem: joem yo' dage" nghe' pyam goo" wa.

DANIELA 6:10

Hau: amyeing" ri lo, xoem" lhid" bye: ga: ziri Daniela shau" gyo: yu lang" yhoem: khyoo: lo da:. Nya: yhoem: tho' pyam: mo yab dayab moo Yerusalem shoid khyoo: shu: to" da" bangzoo: khoem" joem dab da:. Hau: joyoo moo nyang: khanham we' lhung koid nyid ziyo' dakhyo"- bang" jo, da" bangzoo: khoem" moo poid thug thug lho: danyid" ri soem" lheing: lheing: Mangso jhang akyu" mho' da:.

ZEPHANI 1:5

Yhoemkhung: tho' khyoo: do, lo" lho: bid kyi: lhammoo" joem ri noku bang: hang" ri we' ngoo phyo' shoin' pyam wa. Ngoo ri noku zi jhug zug ga: jham' tang: too" nghoid loug we' Moleg yu phara" da" myeing ri yu lho: jham' doem tang: bang: ri we' phyo' shoin' pyam loo wa zi nghoid.

MATHE 20:5

Houg: bang: we yhe: lo" boem bye. Nyang: gi bidnyid" gung ri nghoid loug- myenthang: soem" nayi koo: moo nghoid loug- houg: yo' dakhyoo" ti"- kid" vang" moo yhe: yu" lho: vhoo" kung: cang lhung: yu shi.

MATHE 24:17

Yhoemkhung: tho' moo nyid su: gi ziyo' yu wa shid re" yhoem: khoug: khyoo avang loo" baja".

MATHE 27:45

Nyid gung tu: jang" mo- soem" nayi: ju" sho' damung" goin" moug coid teing: no, jo.

MATHE 6:6

Nang akyu" mho' nghoid rigi re" da" khoug: lhung yab khyoo vang lo" lho: khoem" ri we' myhed" pyam' wigi hang" we' amyang da" joyoo moo re" phoo ri mho' we' hang" we' amyang da" joyoo ri yo" myang da" re" phoo gi nang mho' ziri byid: wa zi nghoid.

MARKU 1:35

Thang: nyid: nab kyoo moug: boo" myen: ri yesu to' lho: myen, jham" da" jo yoo daloem: moo akyu" yhe: mho' nyid,

MARKU 6:46

Mengbyu yi ri vhu: kaid thang: ri Yesu gi akyu" mho' wa shid mo boug gung daloem khyoo: do, yhe: lo".

ACTS 10:3

Danyed" mo da" myenthang: soem" nayi: koo: moo Mangso moug: lagyoo: dayug gi nya: jang" moo ju" re" lho: «Koneli we"» ga: re" yoid ziri yoeb, myang moo bang bang za: shau" myang kaid.

ACTS 6:4

Ngoonu" koem gi akyu" mho' ziyo' kho' kyo" da" moozoo" voin vu, da" jang" moo ayo, byeung" sho' byid: pyam' ca" nyid ga: tid ago".

Ephesu 6:18

Mangso jang" mo pang" thoug khyoo: yo" yu baja"- goeb khyo' akyu" mho' ziyo' he: khyoo: dangain" gu: ri zei: so' nyid ge'- gyeungshang: da" venyi vhu" she: ziyo' dakhyoo" ti"- ayo, khang" moo" moo akyu" mho' nyid ge'- he: gang mo nheigloem: soozoo: lheung: nyid ziyo' khanham we' asoem" akham' goo" Mangso byu yi shid re" khanham we' akyu" mho' nyid ge'.

1 TIMOTHI 2:8

Phung: mo mo, da" akyu" mho' ayo, khang" moo" moo yug gi yi ri akyu" mho' nhang: nau- Mangso jhang khyoo: mho' ab, xoin" to' byid: da" yug gi yi gi nheig yoo: go" zi ngeung byo, go" zi aboo loo: za: gyeungshang: da" lo, ri tu: lho: akyu" mho' nyid goo" baja".

1 SAMUELA 9:25

Nya: tang: gi noku joyoo mo wigi voogung khyoo: gyoo" lo uri nyangnu" gi Sholu shid re" yhoem: atho' pyam: moo yhoeb yoo soin' to" jang" moo: nyang: yhoeb da:.