ACTS 10:19 - Lacid Common Language Bible

¹⁹ Petru gi hau: da" yoeb, myang yo' sen: wigi damyed yu" nyid shi" uri gyeungshang: da" Venyi gi nyang: ri yu" we' - hid: moo byu soem" yug gi nang ri sho: nyid boem ago".

ACTS 10:19 교차 참조

YOHAN 16:13

Nghoidloug we' Mangso da" khyoo:- deing byeung" da" tarha" ri phang shug da" gyeungshang: Venyi: ju" gyoo" loo lang" gi nanu" ri deung main" da" tarha" bain sho' re" phang shug wam bye. Hau: da" gyeungshang: Venyi: gi nyang: vho: da" khyoo: tid kyoo" wa zi anghoid. Nyang: shaug" gyoo: ci: gu: ri tid kyo" lho: thang: phyang" bue" loo wa khyoo: ri tid wa nghoid.

ACTS 10:18

Nyang: nu" tid zigi " Simun Petru ga: da" being: voo, dayug anyed la"., ga: myed: ago".

ACTS 10:3

Danyed" mo da" myenthang: soem" nayi: koo: moo Mangso moug: lagyoo: dayug gi nya: jang" moo ju" re" lho: «Koneli we"» ga: re" yoid ziri yoeb, myang moo bang bang za: shau" myang kaid.

ACTS 11:12

Gyeungshang: da" Venyi gi da jhi, we' a - ug vhoo" loo: za: nyangnu" da" thang: khyoo: cang yhe: loo" wa zi ngoori tid. Yopa voogung mo loem" jeung" da" byu khyug yug we' ngoo yo' dage" kesare voogung khyoo: bo cang re" boem. Ngoonu" dangain" bang: gi koneli da" yhoem: moo vang lo" boem bye.

ACTS 13:2

Nyang: nu" gi Aseing: ri noku loem khau: wigi zoo: noem, ri jang" pyam' lho: nyid boem uri gyeungshang: da" Venyi gi nyangnu" ri tid zigi Barnaba yo' Sholu eig yug ri nga" moozoo" voin, vu, wa shid re" gootu: khyen: nyheung too" ge' -ga: tid.

ACTS 15:7

Soo" soo" myang" sho' bain tid sham: go" thang: ri Petru gi to' yab, lho: nga" mang: nhung" yi we" - tungbau byumyu" yi shau" gyo: lho: loem" jeung" lo boem wa shid re" - Mangsoo gi goonham, mo wigi tungbau byumyu" yi ri ngeibu: ludang: seig yhe: kho" kyoo" wa shid re" ngoori nanu" phung mo khyen: thu' yu too" bye: ziri nanu" nyang: si' bye.

ACTS 21:4

Ngoonu" gi voogung mo loem jeing" bang: dayham" ri lo" shau" myang go" lho: nyangnu" yo' labain daloem: lo" theung: nyid bye. Hau: loem" jeing" bang: gi gyeungshang: da" Venyi yoem: so' khyo" wigi Polu ri Yerusalem voomoo" khyoo: ayhi: wa shid mo tid ago".

ACTS 8:29

Gyeungshang: da" Venyi gi Philip, ri hau: myang: rheing" khyoo: tab' tab' yhe: loo" we' ga: tid da.

1Korinthians 12:11

Nghoid loug we' hau: jeju" yoem: vhoo" joem gi hau: venyi dayoug wigi: za: bui" nhang: nyid yoomo- nyang: myid vho: ziyo' dakhyoo" ti"- dayug yo' dayug ri- gooki" lid' da" jhung: shug gootu: tu: ngab sho'- gam, byid: to" boem bye.

1 TIMOTHI 4:1

Thang: phyang" pyaid ri byu dayham" bang: gi loem" jeung" khyoo: ri she: pyam boem wa zi nghoid. Nyang: nu" gi mhau' fain" da" venyi joem da" dang: ri tam" gyo: boem wigi yu join: jhoug" byid: da" khyoo: moo cang lo" byug boem wa da" khyoo: ri hau: gyeungshang: da" venyi gi bang bang nyang: tid nyid.