ACTS 1:9 - Lacid Common Language Bible

⁹ Hid: su" ga: bain tid thang: ri lagyoo: yi yu" go" nyid uri nyang- Yesu gi moug: khung: khyoo: to' yu zi shau" bye- hau: thang: ri jhoem" moug" thei" gi nyang: nu da" myo, shid' ti: mo-Nyang: ri nghoeb ci: lho: do, lo" byug bye.

ACTS 1:9 교차 참조

COUNG" NGHEI 68:18

Gyipui" mo myheug lo da" byu yi myoo" sho' yo' hau: myhang: da" boem khyoo: nyang: do' lo" nyid. Nyang: gi tu: lhoin" da" byu yi jang" mo jhungshug joem ri lhoem: yu to". Aseing Mangsoo gi hau: joyoo moo: danyid nyid wa nghoid.

THU' LO" MOUGSOUG" 19:9

Aseing gi Moshe ri «Ngoo yo' nang dang: tid go" ziri shau" gyo: lho: nang ri akhid" mo thu: gu: loem jeing" nyid baja" jhoemmoug" thei" zeing khyo" ngoo re" jhang khyoo: ri" wa nghoid» ga: tid. Moshe gi Aseing ri byumyu" yi tid boem ziri lo" tid kyo" da:.

THU' LO" MOUGSOUG" 34:5

Aseing gi jhoemmoug" thei" yo' gyoo" re" wigi nya: anam moo yab lho: Aseing nya: gyeung" shang: myeing ri fu" kyoo" bye:.

ESAIA 19:1

He: zigi Egutu yo' sen: da" mungdang: nghoid. Aseing gi myab da" jhoem: thei" adang moo zhung: wigi Egutu mung" khyoo: re" lo nyid da:. Egutu byu yi da" yu phara" soolhoo: joem gi nya: shidkhoin" moo ko' ko' nain" lho: Egutu byumyu" yigi nyangnu" da" voem" myid thang byug abye: go".

DANIELA 7:13

Hau: myen mo he: yoeb myang ri myang nyid uri byu xangsu: dayug te" da" su: ri shau" myang. Nyang: gi jhoemmoug" wigi lheing khoem ci: lho: nga" jhang tab re" da:. Houg: lho: nyang: gi apyaid atoo: mo dei nyid yug jhang yhe: lho: nya: shidkhoin" khyoo: vang yhe: da:.

MARKU 16:19

Aseing Yesu gi hougsu" ga: cangzoo: yi ri bain tid lang" nyang: gi moug: khung: khyoo: to' yu zi shau" lho: Mangso lo, yo shoid moo zhoung: jo, bye.

LUKA 21:27

Hau: thang: ri jhoem" moug" khoug moo gyi: thang da" yoem: moo" phung" yoeb yo'-byu nya: zoo: gi thu' myang gyoo" loo wa.

YOHAN 6:62

Byu da" nya: zoo: gi nyang: nyid da" moug: khyoo: doem do, lo" ziri myang lang" nanu" khasu" myid: goo" wa lha".

ACTS 1:11

Galile byu yi we"- nanu" ciwim wigi moug: khung: khyoo: nghang yu" nyid go" la". Nanu" shid khoin" mo moug: khung: khyoo: to' yu shau" da" hau: Yesu gi-moug: khung: khyoo: do, lo" ziri nanu" myang ziyo' dakhyoo" ti-houg: su" nyang: doem gyoo" ri" wa zi nghoid- ga: tid kyo.

ACTS 1:2

Yesu gi moug: khung: khyoo: to' yu zi ashug" shi" uri nya: lagyoo: yi ga: nyang: khyen: yu too" mo, ri-Nyang: gi gyeungshang: da" Venyi khyo" wigi pyein: dang: joem ri byid: too" khari" bye.

1THESALONI 4:17

Hau: thang: ri hau: Aseing: yo' moug: laid' phyoo" moo shau" goo" wa shid re" ngoonu" dei nyid shi" mo, gi shid: loo" bye: mo, yo' dage" jhoem" moug" phyoo" moo shu" do, lo" zi shau" boem wa nghoid wigi ngoonu" gi hau" Aseing: yo' dage" khanham we' danyid nyid wa zi nghoid.

1 TIMOTHI 3:16

Yha" noku thung" mo loem" jeung" da" no, thang khyoo: gi kha: yhi' gyi: lam: jo, ziri hang" we' ngeug gyang: joyoo abo zigi vhoo: moo lhid" to" ziyo' dakhyoo" ti" nghoid nyid. xang: su byu da" gung du: khyo" thu' yab, loo bye: ziyo' deing su: nghoid da" khyoo:- hau: gyeungshang: da" venyi gi toin" shid nyid Mouglagyoo: yi we' nyang: ri shau: myang boem bye- nya: khyoo: gi byumyu" bain sho' mo, ri kho" kyo" tid fu" boem abye: go. Moug: myid byu dangain" gi nyang: ri loem" jeung" boem abye: go- houg: su" nyang: ri moug: khung: tho' khyoo: shu" to' yu zi shau" abye:.

Pang Shug 1:7

Yu" ge'. nyang: gi jhoem: moug" zhoung: lho: doem gyoo" loo wa nghoid. Aseing: ri lham: toin wigi thoug" bang: yo' dage" Byu yi dangain" mo, gi shau" myang boem wa zi nghoid. Moug: myid tho' mo byumyu" bain sho' mo, gi nyang: yoomo ngau yed, leung lo" boem wa zi nghoid. Houg: su" bue" loo baja" o".

Pang Shug 11:12

Hau: thang: ri lapi: eig yug gi " He: joyoo khyoo: do, loo ge",, ga: moug: khung: khyo" nya: eig yug ri gyi" sho' yoid da" thui: ri shau" gyo: ago". Nya: eig youg da" gyivoo yi gi dazoung" nyid shi" uri nya: eig yug gi jhoem: moug" thei" mo wigi - moug: khung: khyoo: do, loo" khari" bye: ago".

Pang Shug 14:4

Houg: bang: gi myi: yi: yi yo' gung shoo" zoem" go" khyoo: akoid loo: sho' nyang: nya: gung ri zeung: kham' nyid mo, zoolu: gyeing" yi zheung: nghoid wigi yang nu" yhe: lo" da" joyoo khang" moo khyoo: yo" bo cang yhi: mo, nghoid- nyangnu" gideung nyid da" xang: su" byu yi dangain" khoug: mo khyen: khyoid yu zi shau" mo, nghoid boem yoomo Phoo, Mangsoo yo' yang nu" shid re" xang: shed" xoin" ngei" byid: zi shau" mo, nghoid ago".