2 TIMOTHI 4:8 - Lacid Common Language Bible

⁸ Akhid" mo wigi deingmain" da" tarha" agyi ein: da" hau" Aseing: gi tarha" dang: phyed' da" bidnyid moo ngoori byid: wa nghoid da" hau: deing byeung" da" kangso' dei khyoo: yo' sen: da" oung: doid lo" bidmug gi nga" shid re" shoung: too" bye- ngoori za: we' anghoid- nyang: doem, ju" ri" wa da" khyoo: ri vho: ngei ziyo' lang" nyid bang: dangain" ri we' ab, byid: wa zi nghoid nyid.

2 TIMOTHI 4:8 교차 참조

APOEM AYANG: 18:25

Nang gi deing" deing nyang: yooboo ayoo" mo, ri yooboo yoo" mo, yo' dage" said pyam wa su: anghoid. Nang gi hougsu" koid wa su: anghoid. Nang to' koid nghoid rigi yooboo ayoo" mo, gi yooboo yoo" mo, yo' dage" shen" yhen shau" boem wa nghoid. Hougsu" gi koid wa anghoid. Moug: gyab goin" mo tarha" agyi gi deing byeung" khyo" koid wa zi nghoid» ga: tid.

COUNG" NGHEI 31:19

Nang ri gyoug voem phau" myang: nyid mo, shid re" nang shoug: too" byid: da" ge lho, khyoo: joem gi khayhi' mau" pho" khyoo: nghoid nyid lha". Nang gi khayhi' gi su: nghoid ziri we' nang ri nghe: khoug: mo, ri lhoug zung" goin coung: byid: da" khyoo: ri we' yugkhang" moo" se' nyid bye:.

COUNG" NGHEI 7:11

Mangsoo gi dain: khyo" tarha" dang: phyed da" su: nghoid ziyo' akhyeing" ashoeb bang: ri khanham we' dam kaid byid: nyid su: nghoid.

DANG: ZHOEM 4:9

Nyang: gi re" da" myonhoo: phung" yoeb bidmug bui" byid: nyid wa zi nghoid.

MALAKHI 3:17

Nyangnu" gi «Nga" byumyu" yi bue" lo boem wa» ga: yoem: moo" bo Aseing tid nyid. Hau: moo" ri zei: lo da" bidnyid mo nyangnu" gi nga" byu yi bue" lo boem wa zi nghoid. Nya: phoo gi nyang: ri bo pang" su: nya: zoo: ri nheig khyeug shoomyen: ziyo' dakhyoo" ti" ngoo we' nyangnu" ri nheig khyeug shoo" myen: wa.

MATHE 24:36

«Houg: su" nghoid loug we' He: da" moozoo" bue" loo wa da" ayo, bidnyid rigi nga" phoo mo lid' lho: hang" we' asi- mougkhung moo nyid da" lagyoo: yi we' asi- nya: zoo: we asi.

MATHE 7:22

Hau: bidnyid moo ‹Aseing we"- Aseing we"- ngoonu" re" da" myeing yo" tarha" we' gye" kho" boem bye:- re" da" myeing yo" yu khaid pyam' ziyo' re" da" myeing mo mau" pho" moozoo" ri gye zei: boem bye: anghoid la"› ga: myoo" sho' mo, ngoori tid boem wa.

LUKA 10:12

Ngoo deing" deing tid nau zigi tarha" dang: kho" da" bidnyid moo Sodom voo tho' re- hau: voo je noo: wa ga: tid.

Roma 2:5

Nghoidloug we' - nang gi u" loem' thain: ci: lho: wigi nheigloem: ayo" thid'. Houg: yoomo - Mangsoo: nheig yo; lo lho: - dain: khyo" tarha" dang: phyed' lo da" bidnyid ri - re" shid' re" je lid: da" yoo bo dam ri shau" kham zoo: wa.

Roma 8:23

Phain" too" shau" da moug: nyid za anghoid. Mangso: da xang: shid" mo jhung: shug nghoid da" venyi ri shau" kham: yu da" ngoonu" we' Mangso: da nya: zoo yo" bui" wa da akhang" ri we' ngoonu" da" gungdu: goin" bain' sho' khyoid' yu shau" ri we' - lang" nyid zoo" re" kyiyang myeing nyid boem.

1Korinthians 2:9

Nghoid loug jhoem: mungdang: moo- hang" we' amyang yu" ashoug" gyo: yu" da" khyoo: bue" loo wa zi nghoid ga: wigi- Hang" amyid, ju" da" khyoo: ri- Mangsoo gi nyang: ri jheddab bang: shid re"- nyheung too" bye ga: lhid" to".

1Korinthians 3:13

Byu yug khang" mo" da"-zhang qei" do, lo" khyoo: ge age ein: da" khyoo: gi Khristu da" bidnyid moo: thoid pang shug wa zi nghoid. Houg: su" kyeung shoug loo wa nghoid yoomo- hau: myi: gi byu yug khang" mo" da" moozoo" ge age ziri:- nghe, kyeung shug wa zi nghoid.

1Korinthians 9:25

shi, go" da" pui" vang wa shid re" shi, goo wa soin nyid da" gei shi, sarhi' yi yug khang" moo" gi thain: da" tarha" ri cang byeung" nyid ago". He: byu yi houg: su" koid da" khyoo: gi byo, yoin" loo" se' da" bain: khuang: yo" yu wa shid re nghoid. Nyhang" koem gi pyaid moo: too: moo: byo, yoin" loo" ase' da"- bidmug yo" yu wa shid re" gei shi, go" nyid zi nghoid.

2~KORINTHU 5:2

Akhid" hau: zoem" moo ngoonu" loung" jo, ri moug khung: moug: di mo yhoem: ri ngoonu" yo" void zhoung" yu wa gye" nyang: vho: lang" nyid boem yoomo ngoonu" nookyeung" kyeung" zoore" danyid boem.

KOLOSE 1:5

Hau: deingmain" mungdang: ein: da" ngei bu: lu dang: nanu" jang" moo xang: shed" ju" lo da" uri hau: ngei bu: lu dang: wigi byid: lo da" nheig byu joyoo ri shau" gyo: yu" boem bye- (Hougsu" nghoid yoo mo nanu" da" loem" jeung" khyoo: yo' jheddab da" nheigloem: gi moug: khung: moo nanu" shid re" shoung: too" byid: ziri shau" kham: yu wa da" khyoo: nanu" nheig byu joyoo ayang: zug jo.

1THESALONI 1:10

Moug: khung: moug: di khyo" ju" ri" wa da" Mangso nya: zoo: ri dalang" nyid boem ziri we' hau" byu yi dangain" mo, gi tid fu" nyid boem abye: go- Hau: nya: zoo: Yesu gi shid: bye: jang" mo Mangso wigi doem dei to'' loo nhang: yoomo ju" loo wa da" Mangso nheig yo: lo bidnyid mo, nanu" ri khyoid khyi: yu su: nghoid nyid.

1THESALONI 5:4

Nghoid loug we' mang nhung yi we"- nanu" koem gi moug coid khoug: moo nyid nyid, mo, anghoid boem lo: yoomo hau" Aseing: doem ju" re bidnyid gi khoug" su: yhang: ti" nyid, dain' tung" nanu" ri re" myhi: wa zi nghoid.

2 THESALONI 2:8

Hau: thang: rigi he: da" akhyeing" su: ri myang thu loo wa zi nghoid- nghoid loug we' Aseing Yesu ju" re" uri gi hau: akhyeing" su: ri nya: nhoid' mo thu da" so' yo' said' pyam lho: nya: da" doug bang phung" yoeb, yo' lhu: mhoin' pyam wa zi nghoid.

1 TIMOTHI 6:19

Hid: khyo" wigi nyangnu" gi thang: phyang" pyaid shid' re" geung: teung da" apoem: ayan: bue" nyid goo" baja"- phoug" dab, da" soidgain' ri nyangnu" shau" young: to" lho: Kangso' dei khyoo: gyeing" nyang: shau" yu to" boem wa zi nghoid.

2 TIMOTHI 1:10

Nghoid loug we' akhid" gi yha" Aseing: Khristu Yesu ju" gyoo" los ayo, mo nyang:- hau: khyoo: ngoonu" ri toin" shid' kaid' bye. Nyang: gi shid: loo" no lo" da" yoem: so' ri yoeb, shoung; pyam' lho: wigi hau" ngei bu: lu dang; khyo" wigi ashid: abyug lo da" kangso' khyoo: ri ci: shug kaid' bye.

2 TIMOTHI 1:12

Hau: khyoo: yoomo he: da" kyi" khyeug shid: gyoin, noo gyoin khyoo: ri ngoo yo" kham: yu nyid zi nghoid. Nghoid loug we' nga" da" loem, khau: nheigloem: gi ngoo moo byeung" sho' bo jo, Khasu" wim gari Ngoo hang" ri loem, khau: nghe: nyid zigi ngoonyang: se' nyid ziyo' ngoo, nyang: ri ab, byid: to" da" ziyoo dangain" - hau: bidnyid ju" sho' zung" lhug goem, coung; too" byid: wam bye" ein: ngoo nheig shid' nheig deug nyid bye.

2 TIMOTHI 1:18

Aseing: gi nyang: ri hau: tarha" dang: phyed' da" bidnyid moo nheig khyeug khyoo: byid: baja"- Ephesu voogung moo nyang: gi ngoori khayhi' pang" thoug bye: khyoo: ri nanyang: goo" lhoo: si' bye.

2 TIMOTHI 2:5

Gei, shi, go" da" pui" moo bo vang gei shi, nyid da" sa" rhi, phoo dayug gi nyang: cang ca" da" thung" tarha" yo' dakhyoo" ti" acang lo" nghoid rigi coung" nghei ngi shab, jhung: shug ri shau" kham: yu wa zi anghoid.

2 TIMOTHI 4:1

Mangso da" shid' khoin" moo we' dei nyid bang: yo' shid: jo, mo, ri tarha" dang: phyed' wa da" Khristu shid' khoin" moo we' hau: Aseing; gi vhoeb, khang" wa da" kho: kham" khyo" ju" ri" wa zi nghoid wigi

HEBRE 12:11

Ngoonu" ri jhau" mho' zi thoung" shau" nyid uri gau yi cang ci: aboo- houg: su" jhau" mho' zi thoung" shau" nyid da" uri koug shu: ja: ti" nghoid loug we' hau: zigi thang: phyang: bidnyid ri houg: su" jhau" mho' akyu" ri shau" kham: yu yoomo tarha" cang yhe: da" byu yi bue" lo ziyo' deingmain" khyo" kang: so' dei aphoug" ein: da" ngei pyo: khyoo: ri yo" yu nhang: nyid.

HEBRE 9:28

Houg: yo' dakhyoo" ti"- Khristu we' byu yi myoo" sho' mo, da" youg: noo yooboo joem ri pyaid didu shid' re" dalheing: dam, bain sho' nya: gung du: ri xoin" du: koid lho: to' ngei' byid: pyam bye. Yooboo ri bo voin, pyam byid: wa khyoo: yo' asen: loo: za: nyang: ri dalang" nyid mo, ri khyoid yu wa shid re" eig lheing: ein: lheing: moo doem, thu' myang loo wa zi nghoid nyid.

YAKU 1:12

Jhu, phyo' khyoo: thoung" shau" nyid uri aleung loo" su: gi ngi lho, nyid. Khasu" wim gari houg: su" yo" kham: zeung: nghoid rigi Mangsoo ri jheddab mo, ri byid: wa ga: da" kangso' bidmug ri shau" zhoung" boem wa.

1PETERU 1:4

Hougsu" nghoid yoomo ngoonu" gi Mangso byu phung: shid re" Mangsoo nyang: shoung: too" byid: bye: da" agyid asoo: ri yo" kham: zoo: wa ziri nheig byu lang" nyid boem. Mangsoo gi hau: da" agyid asoo: ri nanu" shid re" moug: khung: moug di moo young: too" byid: bye- houg: yoomo hau" agyid asoo: gi abyo, abei ashoem: apyang: lo: da" zi nghoid.

1PETERU 5:4

Yang lhug zoug: moo" thu' myhang lo da' bidnyid moo nanu" gi myonhoo: phung: yoeb, bug thu' sheing" jhu" ziyo' khanham we' ashoem: apyang: lo: da" bidmug ri shau" yu boem wa zi nghoid.

Pang Shug 1:7

Yu" ge'. nyang: gi jhoem: moug" zhoung: lho: doem gyoo" loo wa nghoid. Aseing: ri lham: toin wigi thoug" bang: yo' dage" Byu yi dangain" mo, gi shau" myang boem wa zi nghoid. Moug: myid tho' mo byumyu" bain sho' mo, gi nyang: yoomo ngau yed, leung lo" boem wa zi nghoid. Houg: su" bue" loo baja" o".

Pang Shug 19:11

Moug: khung: moug: di ri phang kaid' lang" houg: moo myang: phyu: ju: nyid su: ri ngoo myang kaid'. Hau: myang: tho' moo zhoung: jo, su: gi deing byeung" ziyo' deingmain" su: nghoid. Nyang: gi nya: da" meing" zain: gyipui" moo tarha" nyeung veung" khyo" zain: nyid su: nghoid.

Pang Shug 2:10

Nang shau" kham, zoo: wa da" sho" jhen: jamjau shid re" agyug nyid. yu satan gi nanu" mo dayham" bang: ri thung: moo lhoung to" lho: jham" ca: yu da" sho" jhen: shen" yhen zi shau" goo" wa nghoid loug we' nheigloem: geung: zug jo, we' houg: lang" ngoo nang ri oung: lo" da" kangso' bidmug byid: wa nghoid.

Pang Shug 22:20

Nghoid bye" - ngoo amyang" ri deing" deing nyang: ju" ri" wa ga: tid. Houg: su" bui" baja"- Aseing Yesu we"- gyoo" ri" we' o".

Pang Shug 4:10

Ludaid' eig xe: myid: youg bang: gi zhung: tang tho' moo zhoung: jo, apyaid atoo: moo dadei nyid su: da" shid khoin" moo goeb khyo' lho: vhu" pid' peid ago". Nyang: nu" gi nyang: nya: da" bidmug joem ri zhung tang shid khoin" moo khyoid khyo to" lho: tid zigi

Pang Shug 4:4

Hau: zhung: tang da" ayam, aqei: lheing khab, moo gi zhung: tang eig xe: myid: loem: bo jo- Hau: zhung: tang tho' moo phyu: gyeung" da" byimi ri void ci: lho: sheing: bidmug zhoung" ci: da" ludaid' eig xe: myid: yug khyam, lheung zhoung: jo, ziri myang.